ކޮވިޑް-19 މީގެ ކުރިން ޖެހިފައި ހުރިކަން ދެނެގަނެވޭނެ އެންޓިބޮޑީ ޓެސްޓް ކުރެވޭނެ އިންތިޒާމް ވެސް އޭޑީކޭ ހޮސްޕިޓަލްގައި ގާއިމު ކޮށްފިއެވެ. އޭޑީކޭ ޖެނެރަލް ޓްރޭޑިން އިން ބުނީ އޭޑީކޭ ހޮސްޕިޓަލްގައި ކުރާ އެންޓިބޮޑީ ޓެސްޓްގެ ނަތީޖާ 18 މިނެޓް ތެރޭގައި ލިބޭނެ ކަމަށެވެ.
އެންޓިބޮޑީ ޓެސްޓަކީ ކުރިން ކޮވިޑް-19 ޖެހި، މިހާރު ރަނގަޅުވެފައި ހުރިތޯ ބަލަން ކުރަމުން އަންނަ ޓެސްޓެކެވެ. މީގެ ކުރިން ހެލްތު ޕްރޮޓެކްޝަން އެޖެންސީން ވަނީ ރާއްޖޭގައި ބައެއް ބިދޭސީންނަށް ކޮވިޑް-19 ކުރިން ޖެހިފައި ހުރިތޯ ބަލަން އެންޓިބޮޑީ ޓެސްޓްތައް ކޮށްފައެވެ. އެޓެސްޓްތައް ކޮށްފައި ވަނީ އައިޖީއެމްއެޗްގައެވެ. ޓެސްޓްތަކުން ދެއްކި ގޮތުގައި ބައެއް ބިދޭސީންނަށް ވަނީ ކޮވިޑް-19 ޖެހި ރަނގަޅު ވެފައެވެ.
އޭޑީކޭ ޖެނެރަލް ޓްރޭޑިން އިން ވަނީ އޭޑީކޭ ހޮސްޕިޓަލްގެ އިތުރުން އައްޑޫގެ އެއިމްސް ކްލިނިކްގައި ވެސް ކޮވިޑް-19 އެންޓިބޮޑީ ޓެސްޓް ކުރެވޭނެ މެޝިނެއް ބަހައްޓާފައެވެ.
މިމެޝިންތަކުން 18 މިނެޓް ތެރޭގައި ނަތީޖާ ލިބޭއިރު ގަޑިއަކު 300 ޓެސްޓް ހެދޭނެއެވެ.
އޭޑީކޭ ހޮސްޕިޓަލުން ގެންދަނީ މިހާރު ކޮވިޑް-19 ޖެހިފައި ހުރިތޯ ބަލަން ޕީސީއާރް ޓެސްޓްތައް ވެސް ހަދަމުންނެވެ. އަދި އައްޑޫ އެއިމްސް ކްލިނިކްގައި މިހަފްތާ ތެރޭގައި ކޮވިޑް-19 އަށް ޓެސްޓް ކުރަން ފަށަން ވަނީ ނިންމާފައެވެ.
This test is run on the Roche Cobas® E analyzers. Currently we have installed Roche Elecsys E411 systems at ADK Hospital in Male' and AIMS Diagnostic Care in Addu. The fully automated system will provide test results in approximately 18 minutes, with a max of 300 tests/hour.
— ADK Trade and Shipping (@ADKTrades) June 1, 2020
ރާއްޖެ އިން މިހާތަނަށް 1773 މީހަކު ކޮވިޑް-19 އަށް ފައްސިވެފައި ވެއެވެ.
ސަރުކާރުން ވިދާޅުވެފައިވާ ގޮތުގައި އަމާޒަކީ ކޮންމެ ދުވަހަކު ރާއްޖޭގައި 1000 ކޮވިޑް-19 ސުންކު (ސާމްޕަލް) ޓެސްޓް ކުރުމެވެ. އަދި ރާއްޖޭގައި ދުވާލަކު ކުރެވެނީ 800 ވަރަކަށް ޓެސްޓެވެ.
ވަރަށް ސަޅި ޙަބަރެއް.
ރޮޒެއިނާ ކޮބާ އައްޑޫއިން މިހާރު ޓެސްޓް ހެދޭތޯ! މިބުނީ ސަރަކުކާރު ހޮސްޕިޓަލުން