ރާއްޖެ އިން ކޮވިޑް-19 ޖެހުނު މީހުންގެ ތެރެއިން އިތުރު 69 މީހަކު ބަލިން ރަނގަޅު ވެއްޖެއެވެ.
މިއާއި އެކު ރާއްޖެ އިން ކޮވިޑް-19 ޖެހުނު މީހުންގެ ތެރެއިން ބަލިން ރަނގަޅުވި މީހުންގެ ޖުމްލަ އަދަދު ވަނީ 717 އަށް އަރާފައެވެ.
މިއަދު ރާއްޖެއިންް އިތުރު 11 މީހަކު ވަނީ ކޮވިޑް-19 އަށް ފައްސިވެފައެވެ. ރާއްޖެއިން މިއަދު ކޮވިޑް-19 އަށް ފައްސިވެފައި ވަނީ އަށް ދިވެހިންނާއި، ބަންގްލަދޭޝް ތިން މީހެެކެވެ.
މިއާއެކު ރާއްޖެއިން ކޮވިޑް-19 ޖެހުނު މީހުންގެ އަދަދު ވަނީ 1883 އަށް އަރާފައެވެ.
މިމަސް ފެށުނު ފަހުން ރާއްޖޭގައި ކޮވިޑް-19 އިން ރަނގަޅުވާ މީހުންގެ އަދަދު އަންނަނީ އިތުރުވަމުންނެވެ. އަދި ބަލި ޖެހޭ މީހުންގެ އަދަދު އަންނަނީ އިތުރުވަމުންނެވެ. އެހެންކަމުން މިހާރު ރާއްޖޭގައި ބަލި ޖެހިފައި ތިބި މީހުންގެ އަދަދަކީ 1157 އެވެ.
ރާއްޖޭގައި ކޮވިޑް-19 ޖެހޭ މީހުންގެ އަދަދު މަދުވަމުން އައުމާއި ގުޅޭ ގޮތުން ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ބަހެއް އަދި ނުލިބެއެވެ. އެޗްޕީއޭގެ ޑޮކްޓަރުން ކޮންމެ ދުުވަހަކު ބާއްވަމުން އަންނަ ނޫސްވެރިންގެ ބައްދަލުވުން ނުބާއްވާތާ މިހާރު ތިން ދުވަސް ވެއްޖެއެވެ.
Masha Allah..ufaaveri khabareh dhua kurun ginakuree...mikamun salaamah veetho.