ރަށް ރަށުގައި މަސައްކަތް ކުރަމުންދާ އޮގްޒިލަރީ ފަޔަމަނުންނާއި މެދު ޑިފެންސް މިނިސްޓްރީން އަމަލުކުރަމުން އަންނަނީ "އަޅު ކުދިން"ގެ ގޮތުގައި ކަމަށް ރައްޔިތުންގެ މަޖިލީހުގެ ތިނަދޫ އުތުރު ދާއިރާގެ މެމްބަރު އަބްދުﷲ ސަނީފް މިއަދު ތުހުމަތު ކުރައްވައިފި އެވެ.
އެ މުވައްޒަފުންނަށް މުސާރައިގެ ގޮތުގައި ލިބެނީ މަހަކު ގާތްގަނޑަކަށް 4،500 ރުފިޔާކަމަށާ، އެ މީހުންނަށް ވަޒީފާގެ ހައްގުތައް ވެސް ނުލިބޭކަމަށް އޭނާ ފާހަގަކުރެއްވިއެވެ. އެގޮތުން ދަރިއަކު އުފަންވުމުން ލިބޭ ޗުއްޓީ ވެސް އޭގެތެރެއިން ބައެއް މީހުންނަށް ދިމާވެފައިވާ ކަމަށް އޭނާ ފާހަގަކުރެއްވިއެވެ.
"މި ޤާނޫނުގައި އަޅުގަނޑުމެން ބަޔާންކޮށްފައި މިއިން ވިހެއުމުގެ ޗުއްޓީ. އާދެ ރައީސުލްޖުމްހޫރިއްޔާގެ ވައުދެއްވެސްމެ. ދާދި އިހަކަށް ދުވަހުވެސް ތިނަދޫގެ ކުއްޖަކު އޭނާގެ އަންހެނުން ވިހައިގެން އޭނާ އަށް އެއްމަސްދުވަހުގެ ޗުއްޓީ ނުލިބި، އަޅުގަނޑު އަތުގައި ޗިޓްވެސް މިއަދުވެސް އެބައޮތް. ޖަވާބުދާރީ ވާނެ ފަރާތެއް ނެތް. ރައީސުލްޖުމްހޫރިއްޔާގެ ވައުދަށް ގޮންޖައްސަވާފައި،" ސަނީފް ވިދާޅުވިއެވެ.
ރަށްރަށުގައި ހަރަކާތްތެރިވާ އޮގްޒިލަރީ ފަޔަމަނުންނަކީ ޑިފެންސް މިނިސްޓްރީ އަށް ކޮންޓްރެކްޓް އުސޫލުން މަސައްކަތް ކުރާ ބަޔަކަށް ވާއިރު ސަނީފްގެ ވާހަކައާ ގުޅޭ ގޮތުން ޑިފެންސް މިނިސްޓްރީން ބައެއް މިޑިއާތަކަށް ވިދާޅުވީ ކޮންޓްރެކްޓް އުސޫލުން ފަޔަމަނުން ގެންގުޅެނީ ގާނޫނީ ގޮތުން އެނޫން ގޮތެއް ނެތުމުން ކަމަށެވެ.
ޑިފެންސް މިނިސްޓްރީން ވަނީ މަޖިލީހުން ގާނޫނު އިސްލާހު ކޮށްފިި ނަމަ ޑިފެންސް މިނިސްޓްރީން އެއާ އެއްގޮތަށް އަމަލުކުރާނެކަމަށް ވެސް ބުނެފައެވެ.
ތިޔަ ބުނާގާނޫނީ ހައްގު މިޔޮތީ 1978 އަހަރުން ފެށިގެން
ތިޔަވިދާޅުވާ ގާނޫނީ ހައްގުތައް ނިގުޅައިގެންފައި މިޔޮތީ މިމާލޭގެ ރައްޔިތުންނައް ނަސްލީ އިމްތިޔާޒެއްގެ ދަށުން 1978 އަހަރުން ފެށިގެން ރައްރަށުގަ ބިން ހިއްކާފަ ރައްރަށުގެ ޒުވާނާޔައް ހިލޭ ދެވިފައި މިމާލޭގެ ޒުވާނާޔައް ބިންހިކާފަ ގަންނަން މިޖެހެނީ ކޮބާތޯ ގާނޫނު އަސާސީގައޮންނަކަމައް ތިޔަވިދާޅުވާ ހަމަމަކަން ކުލަޔަކައް ވަހަކައް ރަހަޔަކައް ރަށަކައް ވަކިއާއިލާޔަކައް ދަރިކޮޅަކައް ތަފާތްކޮއްގެންނުވާނޭނޭ މިވާހަކަ ދައްކަވާ މިމާލޭގެ މެންބަރެއްވެސްނެއް ކޮބާތޯ އެމެމްބަރް މީހާގެ ހައްގާއި އަނބިދަރިންގެ ހައްގު ވޯޓް ހޯދަންވީމަ މާލޭގެ ޒުވާނާ ބޭނުންވަނީ ރައްރަށުގަޒުވާނާޔައްވެސް ދެވޭނީ އެއވޯޓް މިމާލޭ ޒުވާނާޔައްވެސް ދެވޭނީ އެއްވޯޓް ވީމާ ވޯޓް ދެއްވާއިރު މާލޭގެ ޒުވާނުން ވިސްނަންވީ މާމަ ދަރިންގެ ހައްގުގައި މިދަނީ އަޅުވެތި ވަމުން