ސަރުކާރުން އިއުލާންކޮށްފައިވާ ފްލެޓްތަކަށް ފޯމް ދޫކުރަން މިއަދު ފަށާފައިވާއިރު، ކުރިން ފޯމް ނެގުމަކީ ފްލެޓް ދިނުމުގައި އިސްކަންދޭނެ ކަމެއް ނޫން ކަމަށް ހައުސިން މިނިސްޓަރ ޑރ.މުހައްމަދު މުއިއްޒު ވިދާޅުވެއްޖެއެވެ.
މިނިސްޓަރ މިހެން ވިދާޅުވީ ފްލެޓްތަކަށް ފޯމް ދޫކުރުމާއި ބެހޭގޮތުން އިދިކޮޅު ފަރާތްތަކުން ހަގީގަތެއް ނެތް ވާހަކަތަކެއް ފަތުރަމުންދާތީ މިއަދު ކުރެއްވި ޓްވީޓެއްގައެވެ.
މިނިސްޓަރު މުއިއްޒު ވިދާޅުވީ ކުރިން ފޯމް ނެގުމަކީ ފްލެޓް ދިނުމުގައި އިސްކަން ދޭނެ ކަމެއް ނޫންކަމަށާއި އިދިކޮޅު ފަރާތްތަކުން ރައްޔިތުންގެ ހިތްތަކުގައި ކަންބޮޑުވުމާއި ހާސްކަން މިކަމުގައި ފެތުރުމަށް ދައްކަމުންދާ ހަގީގަތެއްނެތް ވާހަކަތައް ހުއްޓާލުމަށް އިލްތިމާސްކުރާ ކަމަށެވެ.
Kurin form negumakee flat dhinumugai iskan dheyne kamehnoon. Idhikolhu faraaithakun rayyithun hiythakuga kanboduvumaa haaskan mikamugai fethurumah dhakkamun dhaa hageegathehnnei vaahaka thah huttaalumah ilthimaaskuran.
— Dr Mohamed Muizzu (@MMuizzu) May 6, 2018
ފްލެޓްތަކަށް ފޯމް ދޫކުރަން މިއަދު ދަރުބާރުގޭގައި ފަށާފައިވާއިރު ފޯމް ދޫކުރުން ޖުލައި މަހުގެ 31 ވަނަ ދުވަހާއި ހަމައަށް ކުރިއަށްދާނެއެވެ. އަދި ފޯމް ބަލައިގަތުން ފަށާނީ ޖޫން މަހުގެ 03 ވަނަ ދުވަހު ފެށިގެންނެވެ. އަދި ފޯމް ބަލައިގަތުން ޖުލައި 31 އާއި ހަމައަށް ކުރިއަށްދާނެއެވެ.
ޖުމުލަ 17 ކެޓަގަރީ އަކުން ފްލެޓް ދޫކުރަން ވަނީ ނިންމާފައެވެ. އޭގެ ތެރޭގައި ހިމެނެނީ އެއްކޮޓަރި އާއި ދެ ކޮޓަރީގެ ފްލެޓްތަކެވެ. ކޮންމެ މީހަކަށްވެސް ފްލެޓަށް ކުރިމަތި ލެވޭނީ އެއް ކެޓަގަރީއަށް ކަމަށް މިނިސްޓަރު މުއިއްޒު މިއަދު ވިދާޅުވިއެވެ.
ހިޔާ މަޝްރޫއުގެ ދަށުން ހުޅުމާލޭ ދެވަނަ ފިޔަވަހީގައި ޖުމްލަ 7،000 ފުލެޓް ތަރައްގީކުރުމަށް ވަނީ ހަމަޖެހިފައެވެ. އޭގެ ތެރެއިން 1000 ފުލެޓް ސިވިލް ސާވިސް މުވައްޒަފުންނަށް ދޭން ވަނީ ކުރިން ނިންމައިފައެވެ.
ބޭނުންވާމީހުންނަށް މަކަރާއި އޮޅުވާލުމާއި އެކު ފްލެޓްދީފައި ، ދެން ކޮން ބޭކާރުވާހަކަތަކެއް ދައްކާކަށް.