ކޮވިޑް-19 ގެ ސަބަބުން މެލޭޝިއާގައި ތާށިވެފައިތިބި 195 ދިވެހިން ރާއްޖެ އައިސްފައިވާ ކަމަށް މޯލްޑިއަން އިން ބުނެފިއެވެ.
މޯލްޑިވިއަން އިން ބުނީ، ކުއަލަލަމްޕޫރުގައި ތިބި ދިވެހިން ގެނައުމަށް ބޭއްވި ރެޕެޓްރިއޭޝަން ފްލައިޓް ކުޑައިރު ކޮޅެއް ކުރިން ވެލާނާ އިންޓަނޭޝަނަލް އެއާޕޯޓަށް ޖައްސާފައިވާ ކަމަށާއި މި ފްލައިޓްގައި 195 ދިވެހިން އައިސްފައިވާ ކަމަށެވެ.
195 Maldivians have returned home on our #repatriation flight from Kaula Lumpur a short while ago. @VelanaAirport
Working closely with the government to #BringOurCitizensHome @MoFAmv @MDVinMalaysia #NationalAirline pic.twitter.com/QAUCH8gv4u
— MaldivianAero (@MaldivianAero) June 15, 2020
ކޮވިޑް-19 ގެ ސަބަބުން ރާއްޖެއަށް ނާދެވި، ބޭރު ގައުމުގައި ތާށިވެފައި ތިބި ދިވެހިން ގެނައުމަށް ފޮރިން މިނިސްޓްރީ އާއި ގުޅިގެން މޯލްޑިވިއަނުން އަންނަނީ ގިނަ ފްލައިޓްތަކެއް އަޅަމުންނެވެ.
އެގޮތުން ކޮވިޑް-19 ފެތުރެން ފެށުމާއެކު މިހާތަނަށް 38 ފްލައިޓެއްގައި 4000 މީހަކު ބޭރުގެ އެކި ގައުމުތަކުން ރާއްޖެއަށް ގެނެސްފައިވާ ކަމަށް މޯލްޑިވިއަނުން ވަނީ ބުނެފައެވެ.
މީގެ އިތުރުން 11 ފްލައިޓެއްގައި 1094 މީހުން ރާއްޖެއިން ބޭރަށް ފޮނުވާފައިވާއިރު އެންމެ ފަހުން މިދިޔަ ބުދަ ދުވަހު އިންޑިއާ އަށް ނިސްބަތްވާ 160 މީހުން ގައުމަށް ވަނީ ފޮނުވާލާފައެވެ.
މިހާތަނަށް ދިވެހިން ގެނެސްފައިވާ ގައުމުތަކުގެ ތެރޭގައި އިނގިރޭސިވިލާތް، ބަންގްލަދޭޝް، ނޭޕާލް، އިންޑިއާ، ސްރީލަންކާ އަދި އިންޑިއާ ހިމެނެއެވެ.
