ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިންގެ މައްޗަށް އުފުލާފައިވާ ދައުވާގެ އިބްތިދާއީ އަޑުއެހުން އަންނަ އާދީއްތަ ދުވަހު ބޭއްވުމަށް ކްރިމިނަލް ކޯޓުން ނިންމައިފިއެވެ.
އަލީ ހުސެއިންގެ މައްޗަށް އުފުލާފައިވަނީ ގާނޫނު ތަންފީޒު ކުރާ މުވައްޒަފެއްގެ މަސައްކަތަށް ގަސްތުގައި ހުރަސްއެޅުމުގެ ދައުވާއެވެ. މި ދައުވާ އޭނާގެ މައްޗަށް އުފުލާފައިވަނީ މިދިޔަ އަހަރުގެ ޖުލައި މަހުގެ 24 ވަނަ ދުވަހު ފުލުހުންގެ ސަފުތައް ފޫއަޅުވަލާ ގަދަކަމުން ރައްޔިތުންގެ މަޖިލީހުގެ އިދާރާއަށް ވަތް މައްސަލައިގައެވެ.
މި މައްސަލައިގެ އިބްތިދާއީ އަޑުއެހުން ކްރިމިނަލް ކޯޓުގައި ތާވަލުކޮށްފައިވަނީ އަންނަ އާދީއްތަ ދުވަހުގެ ހެނދުނު 10:00 އަށެވެ.
އަލީ ހުސެއިންގެ އިތުރުން މަޖިލީހުގެ އިތުރު މެމްބަރުންތަކެއްގެ މައްޗަށް ވެސް މި ދައުވާ ވަނީ އުފުލާފައެވެ.
މި ދައުވާ ދެން އުފުލާފައިވަނީ ހިންނަވަރު ދާއިރާގެ މެމްބަރު އިބްރާހިމް މުޙައްމަދު ސޯލިހް(އިބޫ) އާއި ކިނބިދޫ ދާއިރާގެ މެމްބަރު އަބްދުﷲ ރިޔާޒާއި ނޮޅިވަރަމް ދާއިރާގެ މެމްބަރު ހުސެއިން އަރީފާއި ހެންވޭރު ދެކުނު ދާއިރާގެ މެމްބަރު މުހައްމަދު އަބްދުލް ކަރީމް(ރުކުމާ) އާއި ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދާއި މާފަންނު ހުޅަނގު ދާއިރާގެ މެމްބަރު މުހައްމަދު ފަލާހާއި ކެންދޫ ދާއިރާގެ މެމްބަރު އަލީ ހުސައިނުގެ އިތުރުން ހިތަދޫ އުތުރު އަދި މެދު ދާއިރާގެ މެމްބަރު މުހައްމަދު އަސްލަމާއި އިބްރާހިމް މުހައްމަދު ދީދީގެ މައްޗަށެވެ.
އެ ދައުވާ ސާބިތުވެއްޖެ ނަމަ ހަތަރު މަހާއި 24 ދުވަހުގެ ހުކުމެއް އަންނާނެ އެވެ. ނަމަވެސް މަޖިލީހުގެ ގޮނޑި އެއް ނުގެއްލޭނެއެވެ. މަޖިލީހުގެ ގޮނޑި ގެއްްލޭޭނީ އެއް އަހަރަށް ވުރެ ދިގު ހުކުމެއް އައުމުންނެވެ.
އަންނިގެ ލިސްޓުގައި " ބާޣީ ނަމްބަރު 7 ". އަންިނިގެ މީހުން ފަހަތުސަފުގައި ބައިތިއްބާ ބާޣީންގެ ލަގަބު ދިންމީހުން ކިރުރޮދީގައިޖައްސާ ގެނަސް ކުރީސަފަށްނެރެ ގުބޯ ހައްދައިގެން މަތިމައްޗަށް ކުށްކުރުވިއިރުވެސް މިމީސްމީހުންނަކަށް ރޭކާވެސް ނުލި! މިއަދު މިމީސްމީހުންގެ ދިފާޢުގައި އަންނިއާ އޭނަގެ މީހުން ބޭރުފުށުން ކިތަންމެ ވާހަކައެއް ދެއްކިޔަސް އެތިބީ އުފަލުން ފޮޅިފަ!
ކެންދޫ ދާއިރާގެ އަލީހުސޭނު މީ މާ ފެންމަށްޗައް އަރައިގެން އުޅޭ މީހެއް މީނަ އަވަހަށް ޖަލައްވައްދާ .އަވަސްކުރޭ މީ ދާއިރާގެ ހަލާކު.
މި އީ ސައިޒްވާން ޖެހޭ މީހެއް