އިކޮނޮމިކް މިނިސްޓަރު ފައްޔާޒު އިސްމާއީލަށް އޭނާގެ ފުރިހަމަ އިތުބާރު އެބަ އޮތް ކަމަށް އެމްޑީޕީގެ ޕާލަމެންޓްރީ ގްރޫޕްގެ ޗީފް ވިޕް އަދި އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް މިއަދު ވިދާޅުވެއްޖެއެވެ.
ރޮޒެއިނާ މިހެން ވިދާޅުވީ، ފައްޔާޒުގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމުގެ މަސައްކަތް ކުރަމުން އަންނަ ދަނޑިވަޅެއްގައެވެ. އެމްޑީޕީގެ މަޖިލީސް މެންބަަރަކު "ވަގުތު" އަށް ވިދާޅުވީ، ފައްޔާޒުގެ އިތުބާރު ނެތް މައްސަލަ މަޖިލީހަށް ވައްދަން އުޅެނީ އެމްޑީޕީގެ ޕާލިމަންޓްރީ ގްރޫޕުގެ ލީޑަރު އަލީ އާޒިމް ކަމަށާއި އެކަމުގައި އޭނާ އަށް މަޖިލީހުގެ ރައީސް، ރައީސް މުހައްމަދު ނަޝީދު ވެސް އެހީތެރިވެދެއްވާ ކަމަށެވެ.
ފައްޔާޒު އިތުބާރު ނެތް ކަމަށް ބުނެ މަޖިލީހަށް ހުށަހަޅާ މައްސަލައާ ގުޅިގެން ރޮޒެއިނާ "ވަގުުތު"އަށް ވިދާޅުވީ، ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުގެ އެއްވެސް ވަޒީރެއްގެ ނޯ ކޮންފިޑެންސްއަކު އޭނާ ސޮއި ނުކުރާނެ ކަމަށެވެ.
މިކަމާއި ގުޅޭގޮތުން ރޮޒެއިނާ އިތުރު އެއްޗެއް ވިދާޅެއް ނުވެއެވެ.
ރޮޒެއިނާ ކުރެއްވި ޓްވީޓެއްގައި ވިދާޅުވީ، މިނިސްޓަރ ފައްޔާޒްއަކީ މި ސަރުކާރުގެ އެންމެ ހީވާގި އެއް ވަޒީރު ކަމަށެވެ. އަދި އޭނާގެ ފުރިހަމަ އިތުބާރު ފައްޔާޒްއަށް އެބަ އޮތް ކަމަށްވެސް ވިދާޅުވިއެވެ.
Minister @faya_i akee mi sarukaaruge enme heevaagi eh vazeeru.
Alhugandu FURIHAMA ITHUBAARU Faya ah eba oi.— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) August 12, 2020
ފައްޔާޒް "ވަގުތު"އަށް ވިދާޅުވީ، އޭނާގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމުގެ މަސައްކަތް ފަށާފައިވާކަން އެނގިވަޑައިގެންނެވީ މިއަދު މެންދުރު ކަމަށެވެ. އަދި އެފަދަ ވޯޓެއް ނަގަންވީ ސަބަބެއް އެއްގޮތަކަށް ވެސް ވިސްނިވަޑައި ނުގަންނަވާ ކަމަށްވެސް ވިދާޅުވިއެވެ.
މީގެ ކުރިން ޔޫތް މިނިސްޓަރ މަހްލޫފް އަހުމަދުގެ އިތުބާރު ނެތް ކަމުގެ މައްސަލައެއް މަޖިލީހަށް ވައްދަން މަސައްކަތް ކޮށްފައި ވެއެވެ. އަދި ދާދި ފަހުން އުވާލި ހައުސިންގ މިނިސްޓްރީގެ މިނިސްޓަރ އާތިފާ ޝުކޫރު މަގާމުން ވަކި ކުރުމަށް މަސައްކަތް ކުރުމަށްވެސް އުޅެފައި ވެއެވެ.
ފައްޔާޒު އާދެބަލަ އަހަރެމެން ގެޔައް ގަދިޔަ އާ ބަތާ ކާން ލުނބޯ ފިތާލައިގެން ތިޔަ ޖަނަވާރު ކޮށިން ނުކުމެގެން.
ސޯލިހު ފެކުޝަންވީމަ ދޯ
ބޯގަންވިލާ އިން ލާރި ގަނޑެއްދިނީ ދޯ ރޮޒޭ