ސުޕްރީމް ކޯޓުގެ ފަނޑިޔާރު ކަމަށް ކްރިމިނަލް ކޯޓުގެ ކުރީގެ އިސް ގާޒީ އަލީ ރަޝީދު އައްޔަން ކުރެއްވުމާ ގުޅިގެން، އޭނާގެ ކުރިން ކްރިމިނަލް ކޯޓުގެ އިސް ގާޒީ ކަމުގައި ހުންނެވި އަހްމަދު ހައިލަމް ސުވާލުތަކެއް ކުރިމަތިކުރުވައިފިއެވެ.
ހައިލަކީ ކުރީގެ ރައީސް އަބްދުﷲ ޔާމީންގެ މައްޗަށް އުފުލި މަނީ ލޯންޑަރިންގެ ކުށުގެ ދައުވާގެ މައްސަލަ އެންމެ ފުރަތަމަ ބެއްލެވި ފަނޑިޔާރެވެ. އެކަމަކު ރައީސް އިބްރާހިމް މުހައްމަދު ސޯލިހާއި މަޖިލީހުގެ ރައީސް މުހައްމަދު ނަޝީދުގެ ކަރުގައި ޗޭން ޖަހައިގެން ގެންދާ މަންޒަރު ހިމެނޭ ފޮޓޯއެއް ކްރިމިނަލް ކޯޓުގެ ވައިބާ ގްރޫޕަކަށް ހައިލަމް ފޮނުވުމުން، އެއީ ސުލޫކީ މައްސަލައެއްގެ ގޮތުގައި ބަލައި ޖުޑިޝަލް ސާވިސް ކޮމިޝަން (ޖޭއެސްސީ) އިން އޭނާ ސަސްޕެންޑް ކުރީއެވެ.
ރައީސް ނަޝީދާއި އެމަނިކުފާނުގެ ބައެއް ވަކީލުން ވެސް އިންނަވާ ޖޭއެސްސީން ހައިލަމް ސަސްޕެންޑް ކުރީ ވެސް ރައީސް ޔާމީންގެ މައްސަލައިގެ ހުކުމް އިއްވާ އަޑުއެހުމާ ހަމައަށް ޝަރީއަތް ގޮސްފައިވަނިކޮށެވެ. ހައިލަމް ސަސްޕެންޑް ކުރުމަަށް ފަހު، ކްރިމިނަލް ކޯޓު ހިންގުން ހަވާލުކުރެއްވީ އަލީ ރަޝީދަށެވެ. ޔާމީންގެ މައްސަލަ ބައްލަވަން ފަސް ފަނޑިޔާރުންގެ ބެންޗެއް އެކުލަވާލިއެވެ. އެ ބެންޗުގެ ރިޔާސަތު ބެލެހެއްޓެވީ ވެސް ގާޒީ އަލީ ރަޝީދެވެ.
ސުޕްރީމް ކޯޓަށް ގާޒީ އަލީ ރަޝީދު އައްޔަން ކުރެއްވި ހަބަރެއްގެ ލިންކް ހިއްސާ ކުރައްވައި ހައިލަމް ކުރެއްވި ޓްވީޓެއްގައި ސުވާލު ކުރައްވާފައިވަނީ ސުޕްރީމް ކޯޓަށް އައްޔަންކުރަން ކުރީގެ ރައީސެއްގެ ޝަރީއަތް ކުރެއްވި ފަނޑިޔާރު ނޫން ފަނޑިޔާރަކު ނެތީތޯއެވެ.
ހައި ކޯޓުގައި ތިއްބެވި ތަޖުރިބާ ލިބިފައިވާ ފަނޑިޔާރުން އެއްވެސް ބަޔަކަށް ނުވަނީތޯ އޭނާ ސުވާލު ކުރެއްވިއެވެ. އަދި ހަދިޔާއަކަށް ފަނޑިޔާރުންނަށް ޕްރޮމޯޝަން ދިނުން ގޯސްކޮށް ވާހަކަ ދެއްކެވި ބޭފުޅުން ކޮބައިތޯ ވެސް ސުވާލު ކުރެއްވިއެވެ.
ކުރީގެ ރައީސެއްގެ ޝަރީޢަތް ކުރެއްވި ފަނޑިޔާރު ނޫން ފަނޑިޔާރަކު ނެތީތޯސުޕްރީމް ކޯޓަށް ލާން؟ ހައި ކޯޓުގައި ތިއްބެވި ތަޖުރިބާ ލިބިފައިވާ ފަނޑިޔާރުންވެސް އެއްވެސް ބަޔަކަށް ނުވި.
ހަދިޔާއަކަށް ފަނޑިޔާރުންނަށް ޕްރޮމޯޝަން ދޭ ވާހަކަ ދެއްކި ބޭފުޅުން ކޮބައިތޯ؟ https://t.co/KkM9n8LwIb— Ahmed Hailam (@AhmedHailam) September 8, 2020
ހައިލަމް އިޝާރާތް ކުރެއްވި ކަމަކީ، ކުރީގެ ރައީސް އަބްދުﷲ ޔާމީންގެ ސަރުކާރުގައި އެމަނިކުފާނުގެ ސިޔާސީ ވާދަވެރިންނަށް އުފުލުނު ދައުވާތަކުގެ މައްސަލަތަކުގައި ހުކުމް ކުރެއްވި ފަނޑިޔާރުންނަށް މަތީ ކޯޓުތަކުގެ ފަނޑިޔާރު ކަމަށް ފަހުން އައްޔަން ކުރެއްވުމުން އޭރު އެމްޑީޕީގެ އިސް ބޭފުޅުން ފާޑު ވިދާޅުވެ ދެއްކެވި ވާހަކަތަކަށެވެ.
އޭރު އެ ފާޑު ކިއުން އެންމެ ބޮޑަށް އަމާޒުކުރީ ރައީސް ނަޝީދަށް ހުކުމް ކުރެއްވި ބެންޗުގައި އިންނެވި އަބްދުﷲ ދީދީ ފަހުން ހައި ކޯޓަށް އައްޔަންކޮށް، އޭގެ ފަހުން ސުޕްރީމް ކޯޓަށް ވެސް އައްޔަން ކުރެއްވުމުންނެވެ. މި ސަރުކާރު އައިސް، އެމްޑީޕީއަށް މަޖިލީހުގެ މެޖޯރިޓީ ލިބި، ޖޭއެސްސީއަށް ވެސް އެމްޑީޕީގެ ބޭފުޅުން އައްޔަން ކުރެއްވުމަށްފަހު، އަބްދުﷲ ދީދީ ވަނީ ސުޕްރީމް ކޯޓުގެ ފަނޑިޔާރު ކަން ވަކިކުރައްވައިފައެވެ.
އާންމުންގެ ތެރޭގައި އަބަދުވެސް އޮންނަ އެންމެ ބޮޑު އެއް ޝަކުވާއަކީ ޝަރުއީ ނިޒާމުގެ ތެރޭގައި ސިޔާސީ ލީޑަރުން ބޭނުންފުޅުވާ އެޖެންޑާތައް ކުރިއަށް ނެރުމެވެ. ޝަރުއީ ނިޒާމު އިސްލާހުކޮށް، ޖޭއެސްސީގެ އެކުލެވުން ބަދަލު ކުރުމަކީ ރައީސް ސޯލިހްގެ ރިޔާސީ ވައުދުފުޅެކެވެ. އެކަމަކު އެމްޑީޕީއަށް ބާރު ލިބުމަށް ފަހުގައި، ޖޭއެސްސީ ބަދަލު ކުރުމުގެ ވާހަކަ މާ ބޮޑަކަށް ނުދައްކައެވެ.
ފަނޑިޔާރުން ޢަދުލުވެރި ވާނެތޯ ސުާލުއުފެދޭ. ފަނޑިޔާރުންނަށް ކުރިއެރުން މިލިބެނީ ސިޔާސީ ވަރުގަދަ ޙުކުމެއް ކުރުމުން. ކުރިންވެސް މިހާރުވެސް. ޔާމީނުގެ މައްސަލަ ދަށުކޯޓުން ނިންމާފަ ސްޕްރީމްކޯޓުންވެސް ނިންމާނީ ޢަލީ ރަޝީދު. އެމްޑީޕީން އެދޭކޮތަކަށް ޙުކުމް ކުރާނެ ފަނޑިޔާރުން ސްޕްރީމްކޯޓުގަ މިހާރު ހަމަވީ. ދަށުކޯޓުން އެންމެމަތީކޯޓަށް މިޔަށްކިޔާނީ މުރުތައްދުވުމޭ. ޢަލީ ރަޝީދުގެ ޤާބިލްކަމާމެދު ސުވާލުއުފެދޭ.
ހައިލަމް ބޭނުން ނުވީދޯ ތިހުރިހާ މޮޅެއް... ދެން އެހެން މީހުންނަށް ދިނީމަ ޖޭ ވަނީ ދޯ؟؟؟
ތިމޮޅުކަމާއި ފޮނިމީރުކަން ޤިޔާމަތް މަހުޝަރު ދުވަހުން އެގޭނެ
ބަލަތިހައިލަމްފަނޑިޔާ ރުކަންކު ރީ ވަ ރަށްތާހި ރުކޮއްތަ.
ހާމަކަން ބޮޑުކޮށް އެއްމެން ކުރިމަތީ ހަދިޔާ ދެމުން ގެންދަނީ. ރާއްޖޭގެ ޝަރުއީނިޒާމުގެ ހުރިވަރު ފެނިގެންމިދަނީ.
ޙާމަކަންބޮޑުގޮތަކަށްނޫންތޯ ރެހެންދި ފްލެޓްވެސްދިނީ.
އެމީހުންބު ނެގެންކޮދިންކަންތަކަށް ބަދަލްއެދިނީ
ދުނބުރިޔެއް ކިތަންމެ ދޮންވިޔަސް, އަނބަކަށް ނުހެދޭނެ.
ހައިލަމް އަކީ ޔާމީންގެ ޝަރިޢަތަށް ފާސިގުންގެ ހެކިނަގާ ޤަބޫލުކުރި ފަނޑިޔާރެއް! އެއްކަމަކަށް ތުހުމަތުކުރެވޭ ބަޔަކު އެކަކު އަނެކަކަށް ހެކިބަސްދިންއިރު...؟
ތި ހުރިހައި ސުވާލެއްޖެ ޖަވާބުދެއްވުމަށް މިރޭ އަމިއްލަ ގޭ ދޮރާއްޓަށް އަމިއްލައަށް ދެތިން ކަތިވަޅި ޖައްސަވާނެ!
ހުރިހާ ކަމެއް މިއޮތީ ބައްކޮށްގެން
ކޮންއިރަކުތަ ކްރިމިނަލް ކޯޓުގެ އިސްގާޒީކަން އަލީރަޝީދާ ހަވާލުކުރޭ
އަސްލު ހައިލަމް ގަޅިހެއްދީ އަލްހާނު ކަމަށްވަނީ، ސޯޝަލް މީޑިޔާގަ ނަޝީދައް ބަވަނީ އެހެންމީހުން ލޮލުގަ އަނދުން އަޅުވަން!
"ޝަރުއީ ނިޒާމު އިސްލާހުކޮށް، ޖޭއެސްސީގެ އެކުލެވުން ބަދަލު ކުރުމަކީ ރައީސް ސޯލިހްގެ ރިޔާސީ ވައުދުފުޅެކެވެ. "
ހައި ތީ މި ފަހުޒަމާނުގެ އެއްމެ ކޮސް . ލޮލްސް . ޙީހީ ހަލާކު .
" ރައީސް ނަޝީދާއި އެމަނިކުފާނުގެ ބައެއް ވަކީލުން ވެސް އިންނަވާ ޖޭއެސްސީން ހައިލަމް ސަސްޕެންޑް ކުރީ "
ކީއްވެ ނަޝީދު މީހަ އިންނަންވީ...؟ ސިޔާސީ ނުފޫޒުން އެއްކިބާ ކުރަންތަ؟
ވަގުތު ފާއިތުވެއްޖެ.އަމިއްލަ އަތައް ގޮއްވާލާފަ ދެންމޮޅެތި ބަސްބުނުމުގެ ބޭނުމެއް އޮތްކަމަކަށް ނުފެނޭ.