ޔުނައިޓެޑް އަރަބް އެމިރޭޓްސް (ޔޫއޭއީ) އިން ސެނިޓައިޒް ކުރަން ބޭނުން ކުރާ ދެ ޓްރަކް ރާއްޖެ އަށް ހަދިޔާކޮށްފިއެވެ.
ފޮރިން މިނިސްޓަރު އަބްދުﷲ ޝާހިދު މިއަދު ކުރެއްވި ޓުވީޓެއްގައި ވަނީ މި ޓްރަކް ހަދިޔާ ކުރުމާ ގުޅިގެން ޔޫއޭއީ އަށް ޝުކުރު ދަންނަވައިފައެވެ. މިއާ އެކު، ކޮވިޑް-19 އާ ދެކޮޅަށް ކުރަމުންދާ މަސައްކަތް އިތުރަށް ވަރުގަދަ ކުރެވޭނެ ކަމަށް ވެސް އޭނާ ވިދާޅުވިއެވެ.
Immense gratitude to the Leadership, Government & brotherly people of #UAE, for the donation of 2 sanitization trucks to the Maldives. This donation will significantly scale up the Maldives’ capacity for combatting the ongoing #COVID19 pandemic.@MoFAICUAE @ABZayed @ABUDHABI_FUND pic.twitter.com/CREJicCkux
— Abdulla Shahid (@abdulla_shahid) September 29, 2020
ކޮވިޑް-19 އާ ދެކޮޅަށް ރާއްޖެ އިން ކުރަމުން އަންނަ މަސައްކަތަށް ޔޫއޭއީ އިން މީގެކުރިން އެހީތެރިކަން ފޯރުކޮށްދީފައިވެއެވެ. އަދި އިންޑިއާ އާއި އެމެރިކާ އާއި ޖަޕާނާއި ޗައިނާ ފަދަ ބޮޑެތި ގައުމުތަކުން ވެސް ރާއްޖެ އަށް އެހީތެރިކަން ފޯރުކޮށްދީފައިވެއެވެ.
ޔޫއޭއީން ހަދިޔާ ކުރި ދެ ޓްރަކް ބޭނުން ކުރުމަށް ހަމަޖެހިފައި ވަނީ މީހުން އެއްވެ އުޅޭ ސަރަހައްދުތައް ޑިސްއިންފެކްޓު ކުރުމަށެވެ.
ރާއްޖޭގައި އަދިވެސް ކޮވިޑް-19 ކޮންޓްރޯލް ކުރެވިފައެއް ނުވެއެވެ.
ރާއްޖެ އިން މިހާތަނަށް 10،000 އަށް ވުރެ ގިނަ މީހުންނަށް ކޮވިޑް-19 ޖެހި، 34 މީހަކު ވަނީ ނިޔާވެފައެވެ.
ޔޫ.އޭ.އީ އިން ސެނިޓައިޒް ކުރަންޏާ ހާދަ ދުރަކުންނޭ ދޯ ސެނިޓައިޒް ކުރަނީ؟؟
ވަރަށް ބެނުން ތެރި އެއްޗެއް ތިޔައި މިރައްޖެއަށް ހައްސަކޮށް މަލެ ހުޅުމަލެ އަށް👍👍🇲🇻🇦🇪
ތީގާ ކާޕެޓެށް އެބައޮތް ތޯ