ސަން ޓްރެވެލްސްގެ އެކައުންޓްތައް ފްރީޒް ކުރަން ސިވިލް ކޯޓުން ނެރުނު އަމުރު ހައި ކޯޓުގައި އިސްތިއުނާފްކޮށްފިއެވެ.
ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރު އަދި އެމްޑީއޭގެ ލީޑަރު އަހުމަދު ސިޔާމްގެ ސަން ޓްރެވެލްސްގެ އެކައުންޓްތައް ފްރީޒް ކުރަން ސިވިލް ކޯޓުން އަމުރެއް ނެރެފައިވަނީ އެ ކުންފުންޏާ ދެކޮޅަށް ހިލްޓަން އިންޓަނޭޝަން ކުންފުނިން ހުށަހަޅާފައިވާ މައްސަލައިގައި ކުރި ހުކުމެއް ތަންފީޒު ނުކުރާ މައްސަލައާ ގުޅިގެންނެވެ.
ސަން ޓްރެވެލްސްގެ ފަރާތުން ހައި ކޯޓުގައި މި މައްސަލަ އިސްތިއުނާފް ކޮށްފައިވާއިރު، ހައި ކޯޓުން މައްސަލަ ބަލައިގަތް ކަމެއް ނުވަތަ ބަލައިނުގަންނަ ކަމެއް އަދި ސާފެއް ނުވެއެވެ.
މި މައްސަލައަކީ ނ. އިރުފުށި ރިސޯޓް ހިންގުމުގެ އެއްބަސްވުން ސަން ޓްރެވެލްސް އިން ބާތިލް ކުރި މައްސަލާގައި ހިލްޓަނަށް 24 މިލިއަން ޑޮލަރުގެ ބަދަލެއް ދޭން ސިންގަޕޫރުގެ އާބިޓްރޭޝަނުން ނެރެފައިވާ އަމުރާ އެއް ގޮތަށް ސަން ޓްރެވެލްސް އިން ފައިސާ ނުދައްކާތީ ހިލްޓަން އިން ހުށަހެޅި މައްސަލައެކެވެ.
މި އެއްބަސްވުން ބާތިލް ކޮށްފައި ވަނީ 2013 ގައެވެ.
ސިންގަޕޫރުން އާބިޓްރޭޝަނުން ހިލްޓަންއާ އެއްކޮޅަށް މައްސަލަ ނިންމާފައި ވަނިކޮށް ސިވިލް ކޯޓުން 2017 ގައި ވަނީ ސަން ޓްރެވެލްސްއަށް 16 މިލިއަން ޑޮލަރުގެ ބަދަލެއް ދޭން ހިލްޓަންގެ މައްޗަށް ހުކުމްކޮށްފައެވެ. އެކަމަކު ފަހުން ހައި ކޯޓުން އެ ހުކުމް ބާތިލްކޮށް ސިވިލް ކޯޓަށް އަނބުރާ މައްސަލަ ފޮނުވާލިއެވެ.
ކިތަންމެ ބާމަތި ފުޅާމީހަކަށްވިޔަސް ދުނިޔޭގައި ޢިބްރަތް ހާޞިލް ކުރަންޖެހޭ އިމްތިހާނު ކުރިވާނެ. އިނގޭތޯ. މީހާގެ ޢަމަލު ތަކުގެ ނަތީޖާ . ދެއްތޯ. ނިމިދިޔަ ރިޔާސީ އިންތިޚާބުމަތިން ހަދާންކޮށްލުން މުހިންމު. # ؟