ދިވެހި އަސްކަރިއްޔާއިން ގެންގުޅޭ އުސޫލުތަކާ ގުޅޭ ގޮތުން ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް 44 ވަނަ އިންޑޯ ޕެސިފިކް އާމީ މެނޭޖްމަންޓް ސެމިނާ އާއި 6 ވަނަ ސީނިއަރ އެންލިސްޓެޑް ލީޑަރސް ފޯރަމް (ސެލްފް) ގައި ވާހަކަދައްވައިފިއެވެ.
މާދަމާގެ ނިޔަލަށް ކުރިއަށްގެންދާ މި ސެމިނާގައި ޝަމާލް ވަނީ މިފަދަ ޒަމާނީ ދުވަސްވަރެއްގައި އަސްކަރިއްޔާތަކުން ހަރަކާތްތެރިވާނެ ގޮތްތަކާއި ގުޅޭގޮތުން ވާހަކަދައްކަވާފައެވެ.
Honored to be a panelist at the 44th Indo-Pacific Armies’ Management Seminar (#IPAMS) & 6th SELF, held virtually from 17-18 Nov 2020.
Spoke about the importance of adapting forces to the modern urban environment and gave a Maldivian perspective to the discussions.@USARPAC pic.twitter.com/1lShbK3Zlj
— LTG Abdulla Shamaal (@CDFofMNDF) November 17, 2020
މި ސެމިނާގައި 24 ޤައުމެއްގެ އަސްކަރިއްޔާތަކުގެ އިސްވެރިން ބައިވެރިވެވަޑައިގެންފައިވެއެވެ. އަދި މި ސެމިނާގެ ޕެނަލިސްޓުންގެ ގޮތުގައި ވާހަކަފުޅުދައްކަވާފައިވަނީ އަސްކަރިއްޔާތަކުގެ ޖެނެރަލުންނާއި މި ދާއިރާ އާގުޅޭ ފުންނާބު އުސް، ޕްރޮފެސަރުންނެވެ.
44 ވަނަ އިންޑޯ ޕެސިފިކް އާމީ މެނޭޖްމަންޓް ސެމިނާ ހޯސްޓްކޮށްފައިވަނީ ޔުނައިޓެސް ސްޓޭޓްސް އާރމީ އިންޑޯ ޕެސިފިކް ކޮމާންޑް ގެ ފަރާތުންނެވެ. އަދި ކޯ ހޯސްޓްކޮށްފައިވަނީ ފިލިޕީންސް އާރމީގެ ފަރާތުންނެވެ.
މި ސެމިނާގެ ބައިވެރިންގެ ގޮތުގައި އެމްއެންޑީއެފް މާލޭ އޭރިއާ ކޮމާންޑަރ ކާނަލް އަޙްމަދު ޣިޔާސް އާއި އެމްއެންޑީއެފް އެޖުޓަންޓް ޖެނެރަލް ކާނަލް މުޙައްމަދު އިބްރާހީމް ބައިވެރިވެވަޑައިގެންނެވިއެވެ. އަދި ސީނިއަރ އެންލިސްޓެޑް ލީޑަރެއްގެ ގޮތުގައި ކޮމާންޑަރ ސާޖަންޓް މޭޖަރ ޙަސަން ފަޔާޒްވެސް މި ސެމިނާގައި ބައިވެރިވެލެއްވިއެވެ.
އިންޑޯ ޕެސިފިކް އާމީ މެނޭޖްމަންޓް ސެމިނާ އަކީ އިންޑޯ ޕެސިފިކް ސަރަޙައްދުގައި ހިމެނޭ ޤައުމުތަކުގެ އަސްކަރިއްޔާތަކުގެ މެދުގައި އޮންނަ ގުޅުންތައް ވަރުގަދަ ކުރުމާއި މި ސަރަޙައްދުގައި ދިމާވާ ގޮންޖެހުންތަކުން އަރައިގަތުމާ ގުޅޭގޮތުން މަޝްވަރާކުރުމަށް ބޭއްވޭ ބައްދަލުވުމެކެވެ.