ކުޑަކުދިންތަކަކަށް ޖިންސީ ގޯނާ ކުރި މައްސަލަގާއި ހައްޔަރު ކުރި ފިލްމީތަރި މުހައްމަދު ޔުނާން އާއި އޭނާގެ އަނބިމީހާ ފާތިމަތު ރިހުލާގެ ޝަރީއަތުގެ އިބްތިދާއީ އަޑުއެހުންތައް ފަށައިފިއެވެ.
ހުޅުމާލޭ މެޖިސްޓްރޭޓް ކޯޓުގައި އެ މައްސަލައިގެ އަޑުއެހުންތައް ކުރިއަށްދާއިރު، އިބްތިދާއީ ފުރަތަމަ އަޑުއެހުން ބާއްވާފައި ވަނީ މި މަހުގެ ކުރީކޮޅުގައެެވެ.
އެ މައްސަލައަކީ ކުޑަކުދިންނާއި ގުޅުން ހުރި މައްސަލައަކަށް ވާތީ އިތުރު ތަފްސީލެއް އިދާރާތަކުން ނުދޭނެއެވެ.
އާއިލާ ކުދިންތަކަކަށް ޖިންސީ ގޯނާ ކުރި މައްސަލައިގެ މިދެމަފިރިން ހައްޔަރުކުރީ ފާއިތުވި އޮކްޓޯބަރު ހަތަރުވަނަ ދުވަހުގެ ރޭގެ ވަގުތެއްގައެވެ.
މި ދެ މީހުންގެ މައްޗަށް ވެސް ކުޑަފިރިހެން ކުދިން ތަކަކާއެކު ބަދުއަޙްލާޤީ އަމަލު ހިންގި ދައުވާތަކެއް ކޮށްފައިވެއެވެ. އަދި ކުޑަކުދިންނަށް ދެއްކުމުގެ މަޤުޞަދުގައި ދެމީހުން ޖިންސީ ގުޅުން ހިންގި ކަމަށް ވެސް ދައުވާ މައްސަލާގައި ވެސް ދައުވާތަކެއް ކޮށްފައި ވެއެވެ.
އެ މައްސަލާގައި ޔުނާންގެ މައްޗަށް ނުވަ ދައުވާއެއްކޮށްފައި ވާއިރު ރިހުލާގެ މައްޗަށް ފަސް ދައުވާ އެއް ކޮށްފައެވެ.
ޔުނާންގެ މައްޗަށް ކުރާ ދައުވާތަކުގެ ތެރޭގައި ހިމެނެނީ އިތުބާރު ހުރި މަގާމެއްގައި ހުރި މީހަކު،ޖިންސީ އަމަލެއް ބަޔަކާ ހިންގާ މަންޒަރު އެ ކުއްޖާއަަށް ދެއްކުމުގެ ދެ ދައުވާައަކާއި، އެ ކުއްޖާ ލައްޖާ ލައްވާ ޖިންސީ އަމަލެއް ހިންގުވުމުގެ ދެ ދައުވާ އާއި، އަކާއި، އޮރިޔާންކާޑު ގެންގުޅުމާއި، އޮރިޔާން ކަޑު އުފެއްދުމުގެ ދައުވާ، އާއިލާގެ މެންބަރަކު އެ އާއިލާ ކުޑަކުއްޖަަކާއެކު ޖިންސީ އަލަމެއް ހިންގުމާއި، އެ ކުއްޖާއަށް ދެއްކުމުގެ މަގްސަދުގައި ޖިންސީ އަމަލެއް ހިންގުމުގެ ދެ ދައުވާ އެވެ.
ރިހުލާގެ މައްޗަށް ކުރި 5 ދައުވާގެ ތެރެގައި ހިމެނެނި ދައުވާއަކީ އޮރިޔާންކާޑު ގެންގުޅުމާއި، އޮރިޔާން ކަޑު އުފެއްދުމުގެ ދައުވާ އާއި ކުޑަކުއްޖަކު އިތުބާރު ކުރަން ޖެހޭ މަގާމެއްގައި ހުރި މީހަކު، އެ ކުޑަކުއްޖަކާއެކު ޖިންސީ އަމަލެއް ހިންގުމާއި، އެ ކުއްޖާގެ ހާޒިރުގައި އެ ކުއްޖާއަށް ދެއްކުމުގެ މަގްސަދުގައި ޖިންސީ އަމަލެއް ހިންގުމުގެ ދެ ދައުވާއެވެ.
ލަދުން ބޯ ހަލާކު
މިދޭތި ލައްކަ ދުވަހަކު މިގަނޑެއް ގަނެފިތާދޯ... މިހާރު އޮންނާނީ އޮފުފިލާފަ... މިދޭތީގެ އާއިލާއަށް ވެސް ދައުވާ އުފުލަންވީ... މިހުރިހާ ކަމެއް އެނގި ހުރެ ސިއްރު ކުރި މައްސަލައިގަ....