ގއ.ދާންދޫން ބަޔަކު ކޮވިޑް-19 ފައްސިވުމުން އެރަށަށް އަރައި ފޭބުން މަނާކޮށް ރަށް މޮނިޓަރިންގެ ހާލަތައް ގެނެސްފިއެވެ.
މައުލޫމާތު ލިބިފައިވާ ގޮތުގައި ދާންދޫން ދެމީހަކު ވަނީ މިހާތަނަށް ކޮވިޑް-19 އަށް ފައްސިވެފައެވެ. އެދެމީހުންނަކީ މިހާރު ގިނަ އަދަދެއްގެ ބަޔަކު ކޮވިޑް-19 އަށް ފައްސިވެފައިވާ ދެއްވަދޫން ދާންދުއަށް ދަތުރުކުރި މީހަކާއި ބައްދަލުވެފައިވާ ބައެއް ކަމަށް މައުލޫމާތު ލިބެއެވެ.
މިގޮތުން މިހާތަނަށް ދާންދޫއިން ދެ މީހަކު ފައްސިވެފައިވާއިރު، ވިލިނގިލިން އެކަކު ވަނީ ކޮވިޑް-19 އަށް ފައްސިވެފައެވެ.
އަލަށް ކޮވިޑް-19 ފެނުނު ރަށްތަކުގައިވެސް ކޮންޓެކްޓް ޓްރޭސިންގ ހެދުމުގެ މަސައްކަތް ދަނީ ކުރަމުންނެވެ.
މިއީ ގއ.ދެއްވަދޫ އިހާއާ ގުޅޭ ވޭދަނަތަކެކެވެ.
