ގދ. ތިނަދޫއަށް ދިޔަ ޖެންޑާ މިނިސްޓްރީގެ ދެ މުވައްޒަފަކު ކޮވިޑަށް ފައްސި ވުމާ ގުޅިގެން އެރަށުން ޑައިރެކްޓް ކޮންޓެކްޓްވި މީހުންގެ ކޮވިޑް ސުންކުތައް ކޮވިޑް-19 އަށް ނައްސިވެއްޖެއެވެ.
" އިއްޔެ އާއި ހަމައަށް ނެގި ސާމްޕަލްތައް އެއީ. އެ ސާމްޕަލްތަކުގެ ނަތީޖާ ނެގެޓިވް. އެކަމަކު އަދި ރެންޑަމް ސާމްޕްލިން ކުރިއަށް ދަނީ. އަދި އެއްވެސް ސާމްޕަލް އެއް ޕޮޒިޓިވް އެއް ނޫން. ދެން ރެންޑަމް ސާމްޕްލިން އިން އެނގޭނީ އިތުރަށް." އޭނާ ވިދާޅުވިއެވެެ.
ތިނަދޫއިން ކޮވިޑް 19 އަށް ފައްސިވި ދެ މީހުންނަށް ބަލި ޖެހުނުކަން އެނގިފައިވަނީ އެ މީހުން އެ ރަށަށް ކުރި ދަތުރު ނިންމާލުމަށްފަހު މާލެ ދިޔަފަހުން ކަމަށް ވާއިރު އެ ދެ މީހުންނަކީ ވެސް އެޗްޕީއޭގެ ޚާއްސަ ހުއްދައިގެ ދަށުން ތިނަދޫއަށް ދިޔަ ދެ މީހުން ކަން ފާހަގަކޮށްލެވެއެވެ.
މި ވޭދަނަ އާއެކު ތިނަދޫ ވަނީ މޮނީޓަރިންގެ ހާލަތަށް ލައިފައެވެ. އަދި އެ ރަށުގައި ބަލީގެ ހާލަތު އޮތް ގޮތް ބެލުމަށް ކުރަން ޖެހޭ ކަންކަން މިހާރު ދަނީ ކުރަމުންނެވެ.
