ކުރީގެ ރައީސް ޑރ. މުހައްމަދު ވަހީދުގެ ބައްޕާފުޅު، ހަސަން އިބްރާހިމް މަނިކު (ހަނދުވަރު ހަސަން މަނިކު) އަވަހާރަވުމުގެ ހިތާމައިގައި ރައްޔިތުންގެ މަޖިލީހުގެ ރައީސް، އަދި އެމްޑީޕީގެ ރައީސް މުހައްމަދު ނަޝީދު އެ އާއިލާއަށް ތައުޒިޔާ ފޮނުއްވައިފިއެވެ.
ރައީސް ނަޝީދު، ރައީސް ވަހީދުގެ އާއިލާއަށް ތައުޒިޔާ ފޮނުވާފައިވަނީ މިއަދު ކުރެއްވި ޓުވިޓެއްގައެވެ.
Han’dhuvaru Hassan Maniku niyaavumuge hithamaige aailaa ah thauziya dhannavan. Maaiy Allah marhoom ah suvaruge minvaru kuravvashi. Aameen @Naushadarts
— Mohamed Nasheed (@MohamedNasheed) February 7, 2021
ރައީސް ވަހީދުގެ ބައްޕާފުޅު އަވަހާރަވެފައި ވަނީ މިއަދު ހެނދުނުގެ ވަގުތެއްގައެވެ.
ރައީސް ވަހީދު ކުރެއްވި ޓުވީޓެއްގައި ވިދާޅުވީ އެމަނިކުފާނުގެ ބައްޕާފުޅު ނިޔާވީ އުމުރުން 92 އަހަރުގައި ކަމަށެވެ. އަދި އެއީ ކުއްލި މަރެއް ކަމަށް ވިދާޅުވިއެވެ.
ރައީސް ވަހީދު ވިދާޅުވި ގޮތުގައި އެމަނިކުފާނުގެ ބައްޕަ ވަނީ 50 އަހަރުވަންދެން ސަރުކާރަށް ހިދުމަތް ކުރައްވާފައެވެ. އެގޮތުން އަލްމަރުހޫމް އިބްރާހިމް ނާސިރުގެ ވެރިކަމުގައި ސަރުކާރުގެ ޒިންމާދާރު އިސްމަގާމުތަކެއް ވަފާތެރިކަމާއި އިހުލާސްތެރިކަމާއި އެކު ފުއްރުއްވާފައިވާކަން ފާހަގަކުރެއްވިއެވެ.
ހަސަން އިބްރާހިމް މަނިކުގެ ކަށު ނަމާދު ބޭއްވުމަށް ހަމަޖެހިފައިވާ ގަޑިއެއް އަދި އެނގިފައެއް ނުވެއެވެ.
ތެލާފެނާ އެކުވީތޯ؟
އެއީވެސް ދެރައީސް އެހެންވީމާ އެތަނުން ކޮންމެ ބޭފުޅަކައް އެފަދަކަމެއްދިމާވިޔަސް ރައީސްކަންކޮއްފަހުރި މީހެއްގެ ހައިސިއްސަތުން އަނެއްރައީސެއްގެ ހިތާމައިގާބައިވެރިވުމަކީ ރަނގަޅުކަމެއް