ކުރީގެ ރައީސް މައުމޫން އަބްދުލްގައްޔޫމްގެ ވަކީލު މައުމޫން ހަމީދު ފުލުހުންގެ އިދާރާއަށް ހާޒިރުވާން އަންގައިފިއެވެ.
މައުމޫން ހަމީދަށް ފުލުހުން މިއަދު ފޮނުވާފައިވާ ޗިޓްގައި ވިދާޅުވެފައިވަނީ މާދަމާ ރޭ 22:00ގައި ފުލުހުންގެ އިދާރާއަށް ހާޒިރުވާން އަންގާކަމަށެވެ.
މައުމޫން ހަމީދު ފުލުހަށް ހާޒިރުކުރަނީ މިދިޔަ ފެބްރުއަރީ މަހުގެ 13 ވަނަ ދުވަހުގެ ވަގުތެއްގައި ނޫސްވެރިންނާއި ބައްދަލްކޮށް ދެއްވި އިންޓަވިއުއެއްގައި، ފުލުހުން ތަހުގީގުކުރަމުން އަންނަ މައްސަލައަކާއި ގުޅިގެން ހޯދާފައިވާ ހެއްކާއި ބެހޭގޮތުން ދޮގު މައުލޫމާތުތަކެއް މައުމޫން ހަމީދު ދީފައިވާ މައްސަލައައާއި ގުޅިގެންނެވެ.
.@PoliceMv
Just received a chit to appear for questioning about my remarks to the media on 13 Feb 2018.Naturally this is totally unrelated to my recent tweets, but if you could just indicate which ones struck a highly sensitive nerve, I can focus solely on those from now on... pic.twitter.com/oQ8p9BVPmV
— Maumoon Hameed 🇵🇸 (@maanhameed) June 5, 2018
މައުމޫން ހަމީދު މާދަމާރޭ ފުލުހަށް ހާޒިރުވާން އެންގިއިރު އޭނާ އަންނަނީ މިފަހަކަށް އައިސް ސަރުކާރަށް ވަރަށް ބޮޑަށް ފާޑުކިޔައި، ކޯޓުތަކާއި ހިނގަމުންދާ ބައެއް މައްސަލަތަކުގައި ހުރި ދެކޮޅުނުޖެހޭ ކަންކަން މީޑިޔާގައި ހިއްސާކުރައްވަމުންނެވެ.
މައުމޫން ހަމީދުގެ އިތުރުން ވެސް މީގެކުރިން ބައެއް މައްސަލަތަކުގައި ވަކީލުން ވަނީ ފުލުހުންގެ އިދާރާ އަށް ހާޒިރުކޮށް ސުވާލުކޮށްފައެވެ.
