ރާއްޖޭގައި އުޅޭ ބިދޭސީންގެ ތެރެއިން ގަވާއިދާ ޚިލާފަށް އެތެރެވެގެން ސައްހަ އެއްވެސް ލިޔެކިޔުމެއް ނެތި އުޅެމުންދާ ބިދޭސީންނަށް ކޮވިޑް-19 ގެ ވެކްސިން ދޭން ފަށައިފިއެވެ.
ލިޔެކިޔުމެއް ނެތި ރާއްޖޭގައި އުޅެމުން އަންނަ ބިދޭސީންނަށް ވެކްސިން ދިނުމަށް ހުޅުވާލާފައިވަނީ މި މަހުގެ 20 ވަނަ ދުވަހުއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން މިއަދު ބުނީ، މޯލްޑިވިއަން ރެޑްކްރެސެންޓް އާއި ގުޅިގެން މިއަދު ލިޔެކިޔުންތައް ނެތް ބިދޭސީންނަށް މާލޭ ސަރަހައްދުގައި ވެކްސިން ދޭން ފަށާފައިވާ ކަމަށެވެ.
#COVID19 affects everyone.
Today in collaboration with @maldivianrc, vaccination of undocumented migrant workers has begun in greater Male’ area.
Ensuring access to vaccines for everyone will keep us all safe. https://t.co/WLEp1CbKoA
— Health Protection Agency (@HPA_MV) February 24, 2021
ރާއްޖޭގައި ވެކްސިން ޖެހުމުގެ ޕްރޮގްރާމް ފެށިގެން ކުރިއަށް އަންނައިރު، ސަރުކާރުން ވަނީ ބިދޭސީންނަށް ވެސް ހިލޭ ވެކްސިން ޖަހައިދޭނެ ކަމަށް ބުނެފައެވެ.
ރާއްޖޭގައި މި ވަގުތު ދެމުން ގެންދަނީ އިންޑިއާއިން ތައްޔާރުކޮށްފައިވާ އޮކްފޯޑް-އެސްޓްރަޒެނެކާގެ "ކޮވިޝީލްޑް" ވެކްސިންއެވެ. މި ވެކްސިންގެ 200،000 ޑޯޒް ރާއްޖެއަށް ހަދިޔާކޮށްފައި ވަނީ އިންޑިއާ ސަރުކާރުގެ ފަރާތުންނެވެ. މި ވެކްސިން ރާއްޖޭގައި ބޭނުން ކުރުމުގެ ހުއްދަ ލިބި ޖަހަން ފަށާފައިވަނީ މިމަހުގެ އެއްވަނަ ދުވަހުއެވެ.
މިހާތަނަށް އެޗްޕީއޭގެ ތަފާސް ހިސާބުތަކުން ދައްކާގޮތުގައި ރާއްޖޭގައި 85،110 މީހަކު ވަނީ ވެކްސިން ޖަހާފައެވެ. އޭގެ ތެރެއިން 61،777 މީހުންނަކީ މާލެ ސަރަހައްދުން ވެކްސިން ދީފައިވާ ފަރާތްތަކެވެ. ބާކީ 23،333 މީހުންނަކީ އަތޮޅުތެރޭގެ ރަށްތަކުގައި ވެކްސިން ދިފައިވާ ފަރާތްތަކެވެ.
މަށެއް ނުޖަހާނަން.
އެފަދަ މީހުންނަށް ވެކްސިންދީފައި ކިހިނެއް ހަދާނީ؟ މާލެތެރެއަށް ދޫކޮށްލާނީތަ؟ ނުވަތަ އަނބުރާ ގައުމަށް ފޮނުވާލާނީތަ؟ އެހެން ގައުމުތަކުގައި، އެތަންތާނގައި ހެދިފައި ހުންނަ ގާނޫނުތަކާއި ގަވާޢިދުތަކާ ޚިލާފަށްއުޅޭ ބަޔަކަށް މިހާ ބޮޑެތި ޢިނާޔަތްތައް ލިބޭތަ؟
ގަވާއިދާ ޚިލާފަށް އުޅޭ ބިދޭސީމީހާއަށް ސަރުކާރުން ދެނީ އިނާޔަތް. ގަވާއިދާ ޚިލާފުވާ ދިވެހިމީހާއަށް ސަރުކާރުން ދެނީ ޖޫރިމަނާ ސުލިޕެއް. ކޮބާ އިންސާފު؟