22:19

ކޮވިޑް-19 އިން ރައްކާތެރިވުމަށް ރާއްޖޭގައި ދޭން ފެށި ވެކްސިން އިތުރު 5،759 މީހަކަށް މިއަދު ދީފި

22:18

ރާއްޖެއިން އިތުރު 136 މީހަކު ކޮވިޑަ-19 އަށް ފައްސިވެއްޖެ.

19:54

ހއ. ދިއްދޫގައި ކަރަންޓީންގައި ތިބި ދެ މީހަކު ކޮވިޑް-19 އަށް ފައްސިވެއްޖެ

17:36

ރ. އަތޮޅު އަލިފުށީގައި ސްކޫލް ކުދިންތަކެއް އަރިދަފުސް ރޯގޭގެ އަލާމާތްތައް ހުރުމުން، އެ ކުދިން ކޮވިޑް-19 އަށް ޓެސްޓު ކުރުމުގެ މަސައްކަތް ފަށައިފި

15:14

ކޮވިޑް-19 ގެ ވައިރަސް 90 ސިކުންތުގެ ތެރޭގައި ފިލުވާލެވޭ ސްޕްރޭއެއް އޮސްޓްރޭލިއާގައި އުފައްދައިފި.

13:58

ރާއްޖެ އިން ކޮވިޑް ޖެހިގެން ނިޔާވި މީހުންގެ އަދަދު 63 އަށް އަރައިފި.

12:49

އައްޑޫ ސިޓީގެ ހުޅުމީދޫގައި ކޮވިޑް-19 ފެތުރެމުންދާތީ ބަލި ފެތުރުން ކޮންޓްރޯލް ކުރުމަށް އެޅި ފިޔަވަޅުތައް ހަފްތާއަކަށް އިތުރުކޮށްފި.

11:49

އައިޖީއެމްއެޗް އަށް ނިޔާވެގެން ގެންދިޔަ މީހަކު ކޮވިޑް-19 އަށް ޓެސްޓް ކުރުމުން ކޮވިޑް-19 އަށް ފައްސިވެއްޖެ.

08:51

08:51

ހަނީމޫނަށް ރާއްޖެއައި މީހަކު ކޮވިޑަށް ފައްސިވެ، ފައިސާ ހުސްވުމުން އެހީއަށް އެދިއްޖެ.

އެތައް ބަޔަކަށް ކުއްލި ފަރުވާދޭންޖެހޭ ޙާލަތަކަށްގޮސް އެފަރުވާ އެންމެނަށް ދެވޭނެ އެނދާއި ވަޞީލަތް ނެތިގެން އެތައްބަޔަކަށް ފަރުވާ ނުދެވި ދޫކޮށްލަންޖެހޭފަދަ މަންޒަރު ރާއްޖެއިން ނުފެންނާތީ ކޮވިޑްގެ ނުރައްކާތެރިކަން މީހުންނަށް ގަބޫލު ނުކުރެވެނީ ކަމަށް ވެދާނެކަމުގެ އެޗްއީއޯސީގެ ތަރުޖަމާން ޑރ.ނަޒްލާ ރަފީގު މިރޭ ވިދާޅުވެއްޖެއެވެ.

ޑރ.ނަޒްލާ ވިދާޅުވީ ރާއްޖޭގެ ޙާލަތުއޮތީ ވަރަށް ނުރައްކާ ހިސާބެއްގައިކަމަށާއި އެހެންނަމަވެސް މިކަމުގެ ސީރިއަސްކަން އަދި ނުރައްކާ އޮތް މިންވަރާމެދު ބައެއް މީހުން ނުވިސްނާކަމަށެވެ.

މިއަދު ވެސް ރާއްޖެ އިން 165 މީހަކު ވަނީ ކޮވިޑަށް ފައްސިވެފައެވެ. މިއަދު ފައްސިވި މީހުންގެ ތެރެއިން 132 މީހަކު ފައްސިވީ މާލެއިންނެވެ. މީހުން ދިރިއުޅޭ އެހެން ރަށްތަކުން 13 މީހުން އަދި ރިސޯޓްތަކުން 19 މީހަކު މިއަދު ފައްސިވިއެވެ. އިންޑަސްޓްރިއަލް މަސައްކަތް ކުރާ ރަށަކުން ވެސް މިއަދު މީހަކު ފައްސިވިއެވެ. މިއަދު ފައްސިވި މީހުންނާއިއެކު ރާއްޖެ އިން ކޮވިޑަށް ފައްސިވި މީހުންގެ ޖުމްލަ އަދަދު މިހާރު ވަނީ 20144 އަށް ވަނީ އަރާފައެވެ.

މިހާރު ރާއްޖޭގައި ކޮވިޑް ޖެހިފައި 2605 މީހުން އެބަތިއްބެވެ. އޭގެތެރެއިން 186 މީހަކަށް ހޮސްޕިޓަލްގައި އެޑްމިޓް ކޮށްގެން އަންނަނީ ފަރުވާ ހޯދަމުންނެވެ.

ކޮވިޑް-19 އާއި ގުޅޭ އިތުރު ޚަބަރުތައް "ވަގުތު" ބްލޮގް އިން ފެންނާނެއެވެ.

ގުޅުންހުރި

ކިޔުންތެރިންގެ ހިޔާލު

Click here to cancel reply.

12 ކޮމެންޓް

  1. ބޭޗާރާ
    މާރޗް 3, 2021 00:15

    ކޮވިޑަކީ ދުނިޔޭގައި އުޅޭ ބައްޔެއް. އެހެންނަމަވެސް މިހާރު ތިކަން ވެފައި ތިއޮތީ ވިޔަފާރިއަކަށް. ހަތިޔާރާއި ސިގިރޭޓްގެ ވިޔަފާރިއެކޭ އެއްގޮތަށް މީޑިއާގައި ޑްރާމާ ކުޅެގެން މީހުން ހައްދަައިގެން ފައިސާ ހޯދަން އުޅޭ ކަމަކަށްވެފައި. އެއިޑްސްއާއި ކެންސަރާއި ދުންފަތުންޖެހޭ ބަލިތަކުގައި މަރުވާ މީހުންނަށްވުރެ ތި ބަލީގައި މަރުވާ މީހުންގެ އަދަދު މިހާރު މާމަދު. ބަންގާޅުގައި އަދި މިހާތަނަށް ތިންއަކުރުގެ އަދަދަކުން މީހުން މަރުވެފައެއް ނެތް. މެދުއިރުމަތީގައިވެސް މީހުން އުޅޭ ނިސްބަތާ އަޅައިބަލާއިރު ކަން އޮތީ މިހެން. އެފްރިކާ ބައްރުވެސް އޮތީ މިކަލަހަ ގޮތަކަށް. މި ބަލި ދުނިޔޭގައި އޮތްވަރަށްވުރެ މިހާރު ބަލިމަޑުކަން ބޮޑުވެފައި އޮތީ މީޑިޔާގައި.

    22
    1
    Reply
  2. ލިރާތް
    މާރޗް 3, 2021 00:24

    ސަރުކާރުން ބިރު ނުގަނަ އެއްޗެ،ދެން ކިހިނެއް ރަޔިތުމީހާ ބިރު ގަންނާނީ.ރަސިޔާގަ ބާވާ ފެޔާ އަކަށް ސަރުކާރު ގެ ވަފްދަކާ އިންޱަސްޓުރީގެ ވަފްދެ އެބަފުރާ 05 ގަ

    13
    1
    Reply
  3. އަހު
    މާރޗް 3, 2021 00:26

    ސަރުކާރުން ބިރު ނުގަނަ އެއްޗެ،ދެން ކިހިނެއް ރަޔިތުމީހާ ބިރު ގަންނާނީ.ރަސިޔާގަ ބާވާ ފެޔާ އަކަށް ސަރުކާރު ގެ ވަފްދަކާ އިންޱަސްޓުރީގެ ވަފްދެ އެބަފުރާ 05 ގަ

    13
    1
    Reply
  4. އޫޝާއު
    މާރޗް 3, 2021 02:42

    އެޗްޕީއޭއިން ހިންގާ އިންސްޕެކްޝަންތަކަށް ފޮނުވަނީ ކެއްސާ ކިބިހި އަޅާ ރޯގާ ޖެހިފަ ތިބޭ މީހުން.... ކޭސްތަށް މިހާ ގިނަ ވަގުތު ރޯގާ ޖެހިފަ ތިބި ބަޔަކު އިންސްޕެކްޓަރުންގެ ގޮތުގަ އެޗްޕީއޭއިން ފޮނުވުމަކީ އެއްގޮތަކަށް ވެސް ކޮށްގެން ވާނެ ކަމެއް ނޫން.... ތިތާ ތިތިބަ އިންސްޕެކްޓަރުން ކޮވިޑް-19 އަށް ޓެސްޓް ކުރަން ޖެހޭ. ... އެޗްޕީއޭއިން ރޯގާ ޖެހިފަ ތިބި ބަޔަކު ފޮނުވައިގެން އެހެން މީހުން ތި ނުރައްކަލަށް ވައްޓާލަނީ.... އަދި އެޗްޕީޢޭއިން ބުނާނެ ބަލީގެ އަލާމާތް ހުރިއްޔާ ގޭގަ ހުންނާށޭ، އެކަމަކު ހުދު އެޗްޕީއޭއިން ތިފޮނުވަނީ ބަލީގެ އަލާމާތް ހުރި މީހުން، ހިތާމަ ހުރި

    17
    1
    Reply
  5. ޝީޒާ
    މާރޗް 3, 2021 05:13

    ދެން އެހެންވީޔާ ގިނަމީހުން މރވނ ގޮތެއް ހޯދަން ވީއެއްނޫން. އޭރުން އެކި ގައުމު ތަކުން ދޭ އެހީގެ އަދަދު ބޮޑުވާނެ

    7
    2
    Reply
  6. ޒުހުރާ
    މާރޗް 3, 2021 06:22

    ކޮވިޑް ދެކެ ބިތުނުގަންނަނީ، ބައްޔަކީ ބިރުން ފިލަން ދުވަން ޖެހޭވއެއްޗަކަށް ވުރެ ބޮޑަށް ރައްކާތެރި ވާންޖެހޭ އެއްޗަކަށްވާތީއާއި ފިލުމުން އެއިން ރައްކާތެރިވެވޭނެކަމުގެ ގެރެންޓީ އެކަކަށްވެސް ނުދެވޭތީ.

    5
    Reply
  7. Anonymous
    މާރޗް 3, 2021 06:52

    މަރުވެދާނެތީވެސް އަހަރެމެން ބިރެއް ނުގަނޭ. އެއީ ވާނެއެްްޗެއް. ﷲ އަށް އަހަރެމެން ބިރުވެތިވަނީ.

    8
    Reply
  8. އަޙްމަދް
    މާރޗް 3, 2021 15:01

    އެތައް ބަޔަކަށް ކުއްލި ފަރުވާދޭންޖެހޭ ޙާލަތަކަށްގޮސް އެފަރުވާ އެންމެނަށް ދެވޭނެ އެނދާއި ވަޞީލަތް ނެތިގެން އެތައްބަޔަކަށް ފަރުވާ ނުދެވި ދޫކޮށްލަންޖެހޭފަދަ މަންޒަރު ރާއްޖެއިން ނުފެންނާތީ ކޮވިޑްގެ ނުރައްކާތެރިކަން މީހުންނަށް ގަބޫލު ނުކުރެވެނީ ކަމަށް ވެދާނެކަމުގެ އެޗްއީއޯސީގެ ތަރުޖަމާން ޑރ.ނަޒްލާ ރަފީގު މިރޭ ވިދާޅުވެއްޖެއެވެ.
    ———————————————————-
    ކޮވިޑޭ ކިޔައިގެން މީހުން ބިރުގައްނަވަން ދޮރުން ދޮރަށް ޓީމުތަށް ފޮނުވަން ވީނޫންތޯއެވެ.

    2
    Reply
  9. ސސ
    މާރޗް 3, 2021 15:12

    ނަޒުމާ ލެބޯޓްރީ ހަދައިގެން ވިޔަފާރި އުސޫލުން ޓެސްޓު ހަދަން ރައްޔިތުން ކަރަންޓީނު ވާނެތޯ، މިތާ ތިޔަބުނާ ނުރައްކާތެރި ކޮވިޑް އޮންނަމަ ފުރައުންޓް ލައިން މީހުންވެސް ބަލިޖެހޭނެ ނުންތޯ އެކަކުވެސް ބަލިނުވޭ ﷲ ގެ ރަހުމަތުން !

    1
    Reply
  10. ސިޗޭ
    މާރޗް 3, 2021 19:02

    ދިވެހިން އެކަކު އަނެކަކު ބޮލުގަ ދޮގު އިލްޒާމް އަޅުވަނީ މަރުގެ ފަހަށްވެސް ބިރުނުގަންނާތީ ދޯ؟

    Reply
  11. ހަރާމީ
    މާރޗް 3, 2021 19:03

    ދިވެހިން އޮފީހު ބަޖެޓުން ކައްވާލައިގެން ބޮޑެތި އިމާރާތް ހަދަނީ ބޯރަނގަޅުކަމުންނޭ ބަޔަކު ބުނޭ. އަނެއްބަޔަކު ބުނަނީ އެއީ ނަރަކަ ދެކެ ބިރުނުގަންނާތީއޯ...

    Reply
  12. ހަމީދު
    މާރޗް 3, 2021 23:10

    ދެން ދިވެހިން ބިރުގަންނަވަން އެއްފަހަރަކާ ގިނަ ބަޔަކު މަރާލަންތަޖެހެނީ..؟ ކޮންމެހެން ގަންނަޖެހޭތަ ބިރު..؟

    Reply