އިންޑިއާގައި ހަލުވިކަމާއެކު ކޮވިޑް-19 ފެތުރެމުން އަންނާތީ އެ ގައުމުން ރާއްޖެ އަންނަ މީހުންނަށް ހަރުކަށި އުސޫލެއް ހަދައިފިއެވެ.
ދުނިޔޭގައި ކޮވިޑް-19 ގެ ހާލަތަށް ބަލާ އިރު، މިވަގުތު އެންމެ ނުރައްކާތެރި ހާލަތެއްގައި އޮތް ގައުމަކީ އިންޑިއާއެވެ. އިންޑިއާގައި ދުވާލެއްގެ މައްޗަށް އެތައް ލައްކަ ބަޔަކު ކޮވިޑް-19 އަށް ފައްސިވެ، އެތައް ސަތޭކަ ބަޔަކު ކޮވިޑް ބަލީގައި ދަނީ މަރުވަމުންނެވެ. ސިއްހީ ބައެއް ތަޖުރިބާކާރުން ލަފާ ކުރާ ގޮތުގައި، އިންޑިއާގައި ފެތުރިގެން އުޅެނީ ކޮވިޑްގެ ވަރަށް ބާރުގަދަ ވައްތަރުތަކެކެވެ. އެ ވައްތަރުތަކަށް ފަރުވާއެއް ހޯދިފައިވާ ކަން އެނގިފައި ނެތެވެ.
އަވަށްޓެރި އިންޑިއާ އިން ކޮވިޑަށް ފައްސިވި މީހުންގެ އަދަދު ވަނީ ގާތްގަނޑަކަށް 17 މިލިއަނަށް އަރައިފައެވެ. މި ބަލީގައި މިހާތަނަށް މަރުވި މީހުންގެ އަދަދު ވަނީ 192،000 އަށް ވުރެ މައްޗަށް އަރައިފައެވެ. ބަލި ޖެހިގެން ފަރުވާ ހޯދަމުންދާ މީހުންގެ އަދަދު ވެސް ދެ މިލިއަނަށް ވުރެ ގިނައެވެ.
އިންޑިއާ ނުރައްކާތެރި ހާލަތެއްގައި ވަނިކޮށް ޑިރެކްޓަރު ޖެނެރަލް އޮފް ޕަލްބިކް ހެލްތު މައިމޫނާ އަބޫބަކުރު ސޮއި ކުރައްވައި ނެރުއްވި އެންގުމުގައި ވަނީ އަންނަ އަންގާރަ ދުވަހުން ފެށިގެން ކޮވިޑް ވެކްސިންގެ ދެ ޑޯޒް ފުރިހަމަކޮށްފައިވާ މީހުން ހިމެނޭ ގޮތަށް އިންޑިއާ އިން ރާއްޖެ އަށް ދަތުރު ކުރާ މީހުންނާއި އިންޑިއާގައި ދިރިއުޅެފައިވާ މީހުން (މީގެތެރޭގައި ޓްރާންސިޓްގައި 24 ގަޑިއިރަށް ވުރެ ގިނަ އިރު ހޭދަކޮށްފައިވާ މީހުން ހިމެނޭ ގޮތަށް) ރާއްޖެ އެތެރެވާ އިރު 96 ގަޑިއިރު ހަމަނުވާ ނައްސި ޕީސީއާރު ޓެސްޓުގެ ނަތީޖާއާއެކު ރާއްޖެ އަށް ދަތުރު ކުރަން ޖެހޭނެ ކަމަށެވެ.
ކޮވިޑް-19 ގެ ދެ ޑޯޒް ފުރިހަމަކޮށްފައިވާ މީހުން ހިމެނޭ ގޮތަށް އިންޑިއާ އިން ރާއްޖެ އަންނަ ދިވެހިންނާއި ވޯކް ޕާމިޓް ހޯލްޑަރުން، ރާއްޖެ އައުމަށް ފަހު 24 ގަޑިއިރުގެ ތެރޭގައި ޕީސީއާރު ޓެސްޓް ހެދުމާއި 10 ދުވަހުގެ މުއްދަތަށް ކަރަންޓީންވާން ޖެހޭނެ ކަމަށް އެންގުމުގައިވެއެވެ. އެމީހުން ކަރަންޓީނުން ދޫކޮށްލެވޭނީ ކަރަންޓީންގެ މުއްދަތު ހަމަވުމުން ޕީސީއާރު ޓެސްޓް ހެދުމަށް ފަހު ނަތީޖާ ނައްސިވުމުން ކަމަށް އޭގައިވެއެވެ.
އެކަމަކު، މީގެ ތެރޭގައި އެއް އަހަރުން ދަށުގެ ކުޑަކުދިން ނުހިމެނެއެވެ.
އޭގައިވާ ގޮތުން ކޮވިޑް ވެކްސިންގެ ދެ ޑޯޒް ފުރިހަމަކޮށްފައިވާ މީހުން ހިމެނޭ ގޮތަށް އިންޑިއާ އިން ރާއްޖެ އަށް ދަތުރު ކުރާ މީހުންނާއި އިންޑިއާގައި ދިރިއުޅެފައިވާ މީހުން ރާއްޖެ އިން ފުރުމުގެ ކުރިން ވެސް ޑިޕާޗަ ޕީސީއާރު ޓެސްޓެއް ހަދަން ވާނެއެވެ.
ސިއްހީ ކުއްލި ނުރައްކަލުގެ ހާލަތުގައި ޑިރެކްޓަރު ޖެނެރަލް އޮފް ޕަބްލިކް ހެލްތަށް ލިބޭ ބާރުގެ ދަށުން ނެރުނު އެންގުމުގައި ވަނީ އިންޑިއާ އިން ރާއްޖެ އަންނަ ފަތުރުވެރިން (މީގެތެރޭގައި ޓްރާންސިޓްގައި 24 ގަޑިއިރަށް ވުރެ ގިނަ އިރު ހޭދަކޮށްފައިވާ ފަތުރުވެރިން ހިމެނޭ ގޮތަށް) ރާއްޖޭގެ ހުރިހާ ގެސްޓްހައުސްތަކާއި ސިޓީ ހޮޓާތަކަށް (މީހުން ދިރިއުޅޭ ތަންތަނާ މުޅިން ވަކިން ހުންނަ ސިޓީ ހޮޓާތައް ފިޔަވައި) ޗެކިން ވުން ހުއްޓާލުމަށް ވެސް އަންގައިފައެވެ.
ނަމަވެސް މިފަދަ ތަންތަނުގައި މިހާރު ޗެކިންވެފައި ތިބި އިންޑިއާ އިން ދަތުރުކޮށްފައިވާ ފަތުރުވެރިންނަށް ބުކިން ހަދާފައިވާ މުއްދަތަށް ތިބުމުގައި އެއްވެސް ހުރަހެއް ނޯންނާނެ ކަމަށް އެންގުމުގައިވެއެވެ.
"މަތީގައި ބަޔާންކޮށްފައިވާ ފިޔަވަޅުތައް އެޅި ނަމަވެސް އަހުރެން ކަނޑައަޅާ ހާއްސަ ހާލަތްތަކުގައި އަހުރެން އަންގާ ގޮތެއްގެ މަތިން އަމަލު ކުރެވޭނެއެވެ. އަދި އިސްވެ ބަޔާންކޮށްފައިވާ ފިޔަވަޅުތައް ތަންފީޒު ކުރުމުގައި ވަގުތާއި ހާލަތަށް ރިއާޔަތްކޮށް އަޅަން ޖެހޭ އެންމެހައި ފިޔަވަޅުތައް އަޅާނީ މޯލްޑިވްސް ޕޮލިސް ސާވިސް އާއި އެހެނިހެން މުއައްސަސާތަކުންނެވެ،" މައިމޫނާގެ އެންގެވުމުގައިވެއެވެ.
"މަތީގައިވާ ފިޔަވަޅުތައް ތަންފީޒުކޮށް އެ ފިޔަވަޅުތަކަށް ފުރިހަމަ އަށް އަމަލު ކުރުމަށް އެންމެހައި އިދާރާތަކަށާއި ފަރާތްތަކަށް އަންގަމެވެ. އަދި މި އެންގުމާ ގުޅިގެން ދައުލަތުގެ ކަމާބެހޭ މުއައްސަސާތަކުން އަދާކުރަން ޖެހޭ ޒިންމާތައް އަދާކުރުމުގެ ގޮތުން އަޅާ ފިޔަވަޅުތަކާއި ދޭ އިރުޝާދުތަކާ އެއްގޮތަށް އަމަލު ކުރުމަށް ވެސް އެންމެހައި ފަރާތްތަކަށް އަންގަމެވެ،"
ކޮބާ އުސޫލުގެ ޑީޓެއިލްސް؟؟؟
އަހަރުމެންނަށް ތަނަކަށް މިދެވެނީ 72 ގަޑިއިރުގެ ނައްސި ރިސަލްޓްއަކާއެކު.. އެކަމު އަދިވެސް މި މީހުންނަށް 96 ގަޑިއިރު ތިދެނީ..
ކަލޯމެނޭ.... އެމަންޖެމެން ބިރުގަނެޔޭ އިންޑިއާ ކުދިން ދެކެ.
ކަލޯ އަހަރުމެން މިއުލެވެނީ ބައެއްގެ އަލުވެތި ކަމެއްގަ.އިންޱިއާ މީހެއް ކަމެށްކޮށްފިޔާ ގާނޫނުވެސް ނޯވޭ
ތީ އެމީހުނަށް އެއްވެސް ކަމެއް ނޫނެއްނު . ވަގު ޕާސްޕޯރޓްވެސް އެންމެ ގިނައިން ހަދާ ގައުމު. ތިޔަފަދަ ލިޔުމެއް ހަދާލަކަށް އެއްވެސް ކަމެއް ނޫނެއްނު. މައްސަލައަކީ ކަރަންޓީނަށް އައިސް ގެސްޓް ހައުސް ތަކުގައި ނުތިބެ ރަށުތެރޭގައި ހޫރެތީ.
މައި ސަރުކާރުން އެންގީ އިންޑިއާ މީހުން އައުން މަނާ ނުކުރެވޭނެ ކަމަށް. ކުޑަ ހުއްދަ އެއްދީފި ކޮންމެސް ފިޔަވަޅެއް އަޅަން
ކޮބާ އަތަށް ގޮވީދޯ..ލާދީނީ ސަރުކާރު. ކޮރަޕްޓް ސަރުކާރު
ބިފޯރ އައި ޓޯލްޑް ދިސް އިޒް މޯލްޑިވް ޑްރަމް
އަދި ވެސް ދިވެހިންތަ ކަރަންޓީން ކުރަންވީ ވަގުތީ ގޮތުން އިންޑިއާ މީޙުން އެތެރެވުން ހުއްޓުވަ ބަލަ..
ދިވެހި ރާއްޖޭގެ 3 ވަނަ ކޮވިޑު ރާޅު އިފްތިތާހު ކޮއްދެއްވާނީ އިންޑިޔާއިން. ރީތި ބޮނޑިއެއްބޯނެ މިފަހަރު. ބަލަންތިބޭ
މިކަމުންވެސް ވައްކަން ކުރަން އުޅުނީ.ރައްޔިތުން ހޭރިގަތީމަ އުސޫލު ކަނޑައެޅީ.މިވަރު ވީމަ ނޫނީ އެއްވެސް ކަމެއްކުރާކަށް ނޭގެ.
އެއްކޮށް ހުއްޓާލަން އަންގަމެވެ.
އިންޑިޔާމީހުން އެއްކޮއް އެތެރެވުން ހުއްޓާލަން އަންގަބަލަ
ހެޔޮނުވާނެ އެގައުމުގައުޅެނީ މުޅިން ކޮވިޑުގެ އާވައްތަރަކައް
ވަނީ އެމިހާރުމިދޭ ވެކްސިނައްވެސް ގުޑާކަމެއް އަދިނޭންގެ
އިންޑިޔާ މީހުން ރާއްޖެއައުން ހުއްޓުވަން ޖެހޭ
އިންޑިޔާ މީހުން ރާއްޖެއައުން ހުއްޓުވަން ޖެހޭ
އިންޑިޔާކީ މުސްލިމުން ވެރިކަން ކުރިތަނެއް ހިންދޫންނަށް ވެރިކަން ހޯދާދިނީ އިގިރޭސިން އިންޑިޔާ އިސްތިއުމާރު ކޮށްގެން ތިބި ދުވަސްވަރު !
ރާބޮއިގެން މަގުމަތީގައި ދީނަށް ފުރައްސާރަކުރީވެސް ހަރުކަށި ފިޔަވަޅު އަޅާފައި އޮތްވާ.
ކޮންކަމެއް ކުރެވުނީ.
ރައްޔިތުންނަށް ރާއްޖެމިއީ ކަރަންޓީނުފެސިލުޓީއެއްކަން އެނގިގެން އުތުރިއަރަންފެށީމަާ ނަމެއްގައި ކަމެއްކޮށްލަނީ
މީ ސްޓޭޓް ސަރުކާރެއް މިސަރުކާރަކީ އަމިއްލަ ފައިމައްޗައް
ތެދުވެ ހިންގާ ސަރުކާރެއް ނޫން މިސަރުކާރު ހިނގަނީ ބައެއްގެފައިމަތީގަ އެހެންވީމާ އިންޑިޔާމީހުން މިތަނައް އައުން މިސަރުކާރަކައް ނުހުއްޓުވޭނެ