މިރެއިން ފެށިގެން ރޭގަނޑު 9:00ގެ ފަހުން ފިހާރަތަކާއި ރެސްޓޯރެންޓްތައް ހުޅުވާފައި ބެހެއްޓުން އިކޮނޮމިކް މިނިސްޓްރީން މަނާކޮށްފިއެވެ.
އިކޮނޮމިކް މިނިސްޓްރީން ފިހާރަތައް ހުޅުވާ ގަޑި އާއި ރެސްޓޯރެންޓްތައް ހުޅުވާފައި ބަހައްޓާ ގަޑިތަކަށް ބަދަލު ގެނެސްފައި ވަނީ މިހާރު މާލެ ސަރަހައްދުގައި ކޮވިޑް-19 ފެތުރެމުންދާތީ އެ ސަރަހައްދުގައި މިރޭ 9:00ގެ ފަހުން ކާފިއު ހިންގަން ފަަށަން ތައްޔާރުވުމާއި ގުޅިގެންނެވެ.
އިކޮނޮމިކް މިނިސްޓްރީން ވިދާޅުވީ، ކޮވިޑް-19 އިން ރައްކާތެރިވުމަށް އަޅާފައިވާ ހާއްސަ ފިޔަވަޅުތަކަށް ބަދަލު ގެނައުމާގުޅިގެން، 12 މެއިގެ ނިޔަލަށް މުދާ ވިއްކާ ތަންތަނުން ތަންތަން ޢާންމުންނަށް ހުޅުވާލައިގެން ޚިދުމަތް ދެވޭނީ، ހެނދުނު 8:00 އިން ރޭގަނޑު 9:00 އާ ދެމެދު ކަމަށެވެ.
އަދި މި މުއްދަތުގައި މުދާ ވިއްކާ ތަންތަނުން، ރޭގަނޑު 9:00 އިން މެންދަމު 12:00 އަށް، ފުލުހުންގެ ހުއްދައާއެކު ޑެލިވަރީގެ ޚިދުމަތް ދެވިދާނެ ކަމަށް ވިދާޅުވެފައި ވެއެވެ.
މީގެ އިތުރުން. މި މުއްދަތުގައި ރެސްޓޯރެެންޓްތަކުން އާންމުންނަށް ކެއިން ބުއިމުގެ ޚިދުމަތް ދިނުމަށް ހުޅުވާފައި ބެހެއްޓޭނެ ގަޑިއަކީ ހަވީރު 5:30 އިން ރޭގަނޑު 9:00 އާ ދެމެދުގައި ކަމަށް ބަޔާންކޮށްފައި ވެއެވެ.
އަދި އެތަންތަނުން ސައިހޮޓާ، ކެންޓީން، ކެފޭ، ރެސްޓޯރަންޓް ފަދަ ކާބޯތަކެތީގެ ޚިދުމަތްދޭ ތަންތަނުން، ރޭގަނޑު 9:00 އިން މެންދަމު 3:00 އަށް، ފުލުހުންގެ ހުއްދައާއެކު ޑެލިވަރީގެ ޚިދުމަތް ދެވިދާނެ ކަމަށް އިކޮނޮމިކް މިނިސްޓްރީން ވިދާޅުވިއެވެ.
ތިކަންކުރަންމާލަސްވެ އްޖެ. ފިހާރަތަކާ އި ރެސްޓޯރަންތަކުގެ ބޭރުގަ މާސްކް އަޅަ އިގެންވަންނާށޭކިޔާ ލިޔުންބަހަ އްޓާފަ އެތެރޭގަތިބޭ ސްޓާފުން ތިބެތީ މާސްކްނާޅާ ވަންނަމީހުންގަޔާދިމާ އަށްކެ އްސަން. ބަންގާޅީ އަކާތަން ހަވާލުކުރެވުނީމަ ވެރިމީހާގެ ޒި އްމާ ނިމުނީ.
ސަރުކާރު ޒިންމާ ނަގަންވާނެ
މިވަރުން ދަންޏާ ކާން އިންނަ ބަތްތަށިވެސް މި ޖަނަވާރުން ޖަހައިގަންނާނެ
މި ނުބައި ނުލަފާ ބައިގަނޑު ހަލާކު ކުރައްވާތޯ ކޮންމެ ރެއަކު ދުޢާ ކުރާނަން
އަދިވެސް އެއްބަޔަކު ތެޅެނީ ނާސިގެ ނުހެދިގެން
ކާކ ކުހޭ ލޯނަށް ޒިއްމާވާނީ ތަންތަން ބަންދު ކުރީމަ. ކޮވިޑް އައިފަހުން ލާރިއެއް ނުލިބޭ. މޮރަޓޯރިއަމް ނިމިއްޖެ. ރީސްޓްރަ ކްޗަރ ކޮށްނުދިން