ކުރީގެ ރައީސް، އަދި މިހާރުގެ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ގެ ކައިރީ ބާރުގަދަ އެއްޗެއް ގޮއްވައި އެމަނިކުފާނަށް ދޭން އުޅުނު ހަމަލާ ކުރީގެ ރައީސް މައުމޫން އަބްދުލް ޤައްޔޫމްއާއި ކުރީގެ ރައީސް މުޙައްމަދު ވަޙީދު ހަސަން މަނިކު ކުށްވެރި ކުރައްވައިފިއެވެ.
ރައީސް މައުމޫން ކުރެއްވި ޓްވީޓެއްގައި ވިދާޅުވީ ރައީސް ނަޝީދަށް ދެއްވި ހަމަލާ ކުށްވެރި ކުރައްވާ ކަމަށެވެ. އަދި އެމަނިކުފާނުގެ ހާލުކޮޅު ރަނގަޅު ވާނެ ކަމަށް އުއްމީދު ކުރައްވާ ކަމަށެވެ. އަދި އެމަނިކުފާނަށް މާ ބޮޑަށް އަނިޔާއެއް ލިބިފައި ނުވާ ކަމަށް އުއްމީދު ކުރައްވާ ކަމަށް މައުމޫން ލިޔުއްވާފައިވެއެވެ.
"މާރާމާރީ ހިންގުމާއި ޓެރަރިޒަމްގެ އަމަލުތައް އެންމެ ހަރުކަށި އިބާރާތުން ކުށްވެރިކުރަން،" ރައީސް މައުމޫން ލިޔުއްވާފައިވެއެވެ.
I do hope and pray that Raees Nasheed is unhurt and well. I condemn in the strongest terms all acts of violence and terrorism.
— Maumoon Abdul Gayoom (@maumoonagayoom) May 6, 2021
ރައީސް ވަހީދު ކުރެއްވި ޓްވީޓްގައި ވިދާޅުވީ ސިޔާސީ ބައިބައިވުމާއި ނަފްރަތު އުފެއްދުމުގެ ޕްރޮޕަގަންޑާއަށް އެއްވެސް ފުރުސަތެއް ދެވިގެން ނުވާނެ ކަމަށެވެ. ރައީސް ވަހީދު ވިދާޅުވީ އެމަނިކުފާނުގެ އިންތިޚާބީ ބައިވެރިއެއްގެ ގޮތުގައި މަސައްކަތް ކުރެއްވި ރައީސް ނަޝީދަށް ދެއްވި ހަމަލާ އެންމެ ހަރުކަށި އިބާރާތުން ކުށްވެރި ކުރައްވާ ކަމަށެވެ.
"އަޅުގަނޑުމެން އެންމެން ވެސް އެއްބައިވާން އެބަ ޖެހޭ، ބައިބައިވުމުގެ ބަދަލުގައި ގުޅިގެން މަަސައްކަތް ކުރަން ވެއްޖެ،" ރައީސް ނަޝީދުގެ ވެރިކަމުގައި އެމަނިކުފާނުގެ ނައިބު ރައީސެއްގެ ގޮތުގައި ހުންނެވި ވަހީދު ލިޔުއްވާފައިވެއެވެ.
I strongly, wholeheartedly condemn the attack aimed at my fmr running mate & predecessor @MohamedNasheed. The propagation of hate in Maldivian politics must end, & we must find ways to unite & work together, rather than divide. My prayers are with him, the SPG, & their families.
— Mohamed Waheed (@DrWaheedH) May 6, 2021
މި ހަމާލާގައި ރައީސް ނަޝީދަށް ލިބުނު އަނިޔާތަކުގެ ތަފްސީލެއް ލިބިފައެއް ނުވެއެވެ. އެހެން ނަމަވެސް މިވަގުތު އެމަނިކުފާނަށް އަންނަނީ އޭޑީކޭގައި ފަރުވާ ދެމުންނެވެ. މި ހަދިސާގައި ނަޝީދުގެ އިތުރުން އެމަނިކުފާނުގެ ހަށިފާރަވެެރިޔަކަށާއި ބިދޭސީއަކަށް ވަނީ އަނިޔާވެފައެވެ.
މި ހަމަލާ ދިން ސަރަހައްދުގައި ފުލުހުންނާއި ސިފައިން މިހާރު އަަންނަނީ ހަރަަކާތްތެރިވަމުންނެވެ.
އަމިއްލަ އަށް ކުޅުއްވި ޑްރާމާ އެމެރިކާގެ އެފް.ބީ.އައި ލައްވާ ތަހުގީގުކޮށް، ދެން ދީނަށް އުޅޭ ބަޔެއްގެ ބޮލުގައި ދޮގު އިލްޒާމު އަޅުވައި އެބަޔަކަށް އަދަބުދީ، މުއުމިނުންނަށް އިސްލާމްދީނަށް އުޅެން ދަތިކޮށް، ފިއްތުންތައް ކުރިމަތިކޮށް، ދުއްތުރާ ކުރެވުނީމާ އެހެރީ ތިބޭފުޅާގެ (ނަޝީދުގެ) މަގުސަދު ހާސިލް ވެފައި.
ރައީސްޔާމީނަށް ދިންހަމަލާ މާވަރުގަދަ އެހަމަލާ ކުއްވެރިކުރުން މާއައުލާކަންބޮޑު އެއްވެސް ހަމަލާއެއް އެއްވެސް ރަށްޔިތަކަށް ދިނުމަކީ ގަބޫލުކުރެވޭނެ ކަމެއްނޫން .
އެޓެންޝަން ސީކާރސް