ކޮވިޑް-19 ފެނުމުން މޮނިޓަރިންގެ ހާލަތައް ގެނެސްފައި އޮތް ހދ.ކުޅުދުއްފުއްޓަށް އަރައި ފޭބުން ހުއްދަކޮށް، އެރަށުގެ މޮނިޓަރިން ހާލަތު އުވާލައިފިއެވެ.
ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު މިރޭ ކުޅުދުއްުފުށީ ސިޓީ ކައުންސިލަށް ފޮނުވި ލިޔުމެއްގައި ވިދާޅުވީ މިރޭ 00:06 އިން ފެށިގެން ކުޅުދުއްފުށީ މޮނިޓަރިންގެ ހާލަތު އުވާލާފައިވާ ކަމަށެވެ.
އެރަށުގެ މޮނިޓަރިންގެ ހާލަތު އުވާލީ ބަލަން ޖެހޭ ކަންކަން ބަލައި ނިމުމުން ކަމަށް މައިމޫނާ ވިދާޅުވިއެވެ.
ކުޅުދުއްފުށީގެ މޮނިޓަރިން އުވާލީ ވަކިތަރުތީބެއް ނެތި އެރަށުން ނެގި 90 ސުންކު ކޮވިޑް-19 އަށް ނައްސިވުމުންނެވެ.
ކުޅުދުއްފުށިން މިހާރު ކޮވިޑަށް ފައްސިވަމުން އަންނަނީ ކަރަންޓީންގައި ތިބި މީހުންނެވެ.
ކުޅުދުއްފުށީގެ މޮނިޓަރިން އުވާލިއިރު ރާއްޖޭގެ ބޮޑެތި ގިނަ ރަށްތައް މިހާރު ވެސް އޮތީ މޮނިޓަރިންގެ ހާލަތުގައެވެ.