އެޗްއެސްސީ އިމްތިހާނު މިއަދު ފަށައިފިއެެވެ.
މި އިމްތިހާނު ކުރިއަށް ގެންދިއުމަށް ހަމަޖެހިފައި ވަނީ މިއަދުން ފެށިގެން އަންނަ ބުރާސްފަތި ދުވަހުގެ ނިޔަލަށެވެ.
މިއަހަރުގެ އެޗްއެސްއީ އިމްތިހާނުގައި 1331 ދަރިވަރުން ބައިވެރިވެފައި ވެއެވެ.
މިއަހަރުގެ އިމްތިހާނު މާލެ ސަރަހައްދުގެ ހަ ސެންޓަރަކާއި، އަތޮޅު ތެރޭގެ 33 ސެންޓަރެއްގައި މި އިމްތިހާނު ކުރިއަށްދާނެ ކަމަށް އެޑިއުކޭޝަން މިނިސްޓްރީން މައުލޫމާތު ދެއެވެ.
އެޗް. އެސް. ސީ އިމްތިހާނު މިއަދުން ފެށިގެން 17 ޖޫން އަށް ރާއްޖޭގައި ކުރިއަށްދާނެ. މި އިމްތިހާނު ކުރިޔަށް ދަނީ ޖުމްލަ 1331 ދަރިވަރުންނާއި އެކު. މާލޭ ސަރަހައްދުން 6 ސެންޓަރަކުން 878 ދަރިވަރުން އަދި، އަތޮޅުތަކުން 33 ސެންޓަރަކުން 453 ދަރިވަރުން މި އިމްތިހާނުގައި ބައިވެރިވޭ.
— Ministry of Education (@MoEdumv) June 13, 2021
އަދި މި އިމްތިހާނުގައި މާލެ ސަަރަހައްދުން 878 ދަރިވަރަކާއި، އަތޮޅުތަކުން 453 ދަރިވަރަކު ބައިވެރިވާނެއެވެ.
މީގެ ކުރިން އެޗްއެސްސީ އިމްތިހާނު ބާއްވަން ހަމަޖެއްސީ، އޭ ލެވެލް ބާއްވާތާ ދެ ހަފުތާ ފަހުންނެވެ. ނަމަވެސް އެޑެކްސަލް އިން އޭލެވަލް އިމްތިހާނު އަވަސް ކުރުމުން މި ވަނީ ބަދަލު ގެނެސްފައެވެ.
މިދިއަ އަހަރު ރާއްޖޭގައި އޯ ލެވެލް ވެސް އަދި އޭ ލެވެލް އިމްތިހާން ވެސް ބާއްވާފައެއް ނުވެ އެވެ.