އިލެކްޝަން ކޮމިޝަންް (އީސީ)ން ބަލަންވީ ވަރަށް ނުބަލާ ރައްޔިތެއްގެ ހައްގު ހިފަހައްޓާފައިވާތީ ހިތާމަކުރާ ކަމަށް ސިޔާސީ ޕާޓީއެއް އުފެއްދުމަށް އެދި އީސީއަށް ހުށަހެޅި އަބްދުﷲ ކަމާލުއްދީން ވިދާޅުވެއްޖެއެވެ.
އޭނާ ސިޔާސީ ޕާޓީއެއް އުފެއްދުމަށް ހުށަހެޅުން އީސީން ވަނީ އެ ހުށަހެޅުން ބާތިލްކޮށްފައެވެ. އީސީން ވިދާޅުވީ، އެ ފޯމު ބާތިލުކުރީ ސިޔާސީ ޕާޓީއެއް އުފެއްދުމަށް އެދި ހުށައަޅާ މީހެއްގެ ކިބައިގައި ހުންނަން ޖެހޭ ޝަރުތު ފުރިހަމަ ނުވާތީ ކަމަށެވެ.
އޭގެ ތަފްސީލް ދެއްވަމުން އީސީން ވިދާޅުވީ، އެކަން ބާތިލް ކުރީ އެހެން ޕާޓީއެއްގެ މެންބަރެއްގެ ގޮތުގައި އޭނާގެ ނަން އޮތުމުން ކަމަށެވެ.
އެކަމާއި ގުޅިގެން ކަމާލުއްދޫން ވިދާޅުވީ، ޖޫން 30 ވަނަ ދުވަހު އޭނާ އެމްއާރްއެމް އިން ވަކިވެފައިވާ ކަމަށެވެ. އޭނާ ވަނީ އެމްއާރްްއެމް އިން ވަކިވުމަށް ފޮނުވި ސިޓީވެސް ހިއްސާކުރައްވާފައެެވެ.
ޖޫން 30 ވަނަ ދުވަހު އަޅުގަޑު އެމް އާރ އެމް އިން ވަނީ ވަކިވެފަ. ބައްލަވަންވީ ވަރަށް ނުބައްލަވާ ރައްޔިތެއްގެ ހައްގު ހިފެހެއްޓެވި ކަމާމެދު ހިތާމަ ކުރަން https://t.co/IKqCT42TGk pic.twitter.com/ar4Pozt9nD
— Abdullah Kamaludeen (@akdeen) July 14, 2021
ކަމާލުއްދީން އުފައްދަވަން ނިންމެވި ޕާޓީއަކީ "ގައުމީ އެއްބައިވަންތަ" ޕާޓީއެވެ.
'ޤައުމީ އެއްބައިވަންތަކަމުގެ ޕާޓީ' (National Solidarity Party) ގެ ނަމުގައި އައު ސިޔާސީ ޕާޓިއެއް ރަޖިސްޓަރީކުރުމުގެ ހުއްދައަށް އެދި އިލެކްޝަން ކަމިޝަނަށް މިއަދު ހުށަހަޅައިފީމެވެ. @Mihaarunews @avasmv @AdhadhuMV @DhiyaresNews @sunbrk @cnm_mv @psmnewsmv @Raajje_tv @Ch13official pic.twitter.com/YFNuSDTRTO
— Abdullah Kamaludeen (@akdeen) July 11, 2021
ކަމާލުއްދީން ވަނީ އެމްޑީޕީގެ އިތުރުން ޖޭޕީގައިވެސް މަސައްކަތް ކުރައްވައިފައެވެ. އޭނާ ވަނީ ޖުމްހޫރީ ޕާޓީގެ ޑެޕިއުޓީ ލީޑަރުކަމުގެ މަގާމުވެސް އަދާކުރައްވައިފައެވެ.
ކަމާލުއްދީން މީގެކުރިން ރައްޔިތުންގެ މަޖިލުގެ އިންތިހާބުގައި ވެސް ވާދަކުރެއްވިއެވެ. އެކަމަކު، އޭނާ އަށް އިންތިހާބު ކާމިޔާބު ކުރެއްވިފައެއް ނުވެއެވެ.
އަންނިގުޅެންވީ ކަމާލުއްދީނުއާ ..
ތިމީހުން މައުމޫން ވެރިކަމުގައި ޅ. ފެލިވަރުގަ ވަނީ ނަގާކިޔާފަ.
މީ 2023 ގެ ރިޔާސީ އިންތިހާބު އަންނަން ވާ އިރު ރަ އްޔިތުންގެ ވިސްނުން ބަ އިބަޔަށް ފޮތިކޮލާފަ އި، އެމް.ޑީޕީ އަށް ވެރިކަމަށް އާދެވޭނެ ފޯމި އުލާޔެ އް ޖަ އްސަނީ. ޜީންދޫ ފިކުރޫނޫން މީހުން އެކިދިމަދިމާލަށް ފިކުރު ބަ އިކޮލާފަ މޮޅުލިބޭނެ ކަމަށް ބަލަ އިގެން. އިންޝާﷲ ތިކަމެ އް ކާމިޔާބެ ނުވާނެ.
ޢާމީން