ހއ. އިހަވަންދޫގައި ކުރިއަށްގެންދާ ބަނދަރާއި ފެރީ ޓާމިނަލް ތަރައްގީ ކުރުމުގެ މަޝްރޫއު އެމްޓީސީސީގެ ސީއީއޯ އާދަމް އާޒިމް ބައްލަވާލައްވައިފިއެވެ.
އެމްޓީސީސީން މިއަދު ވިދާޅުވީ އާޒިމް އާއި އޭނާގެ ޓީމުން ވަނީ މަސައްކަތް ކުރިއަށްދާ ސަރަހައްދުތަކަށް ވަޑައިގެން މަސައްކަތް ކުރިއަށް ދާގޮތް ބައްލަވާ ލައްވާ، މަސައްކަތް ކުރަމުން އަންނަ ފަރާތްތަކާ ބައްދަލު ކުރައްވާފައި ކަމަށެވެ.
CEO @adamazim and team has inspected the progress of Ha. Ihavandhoo Harbor Development Project. The value of the project is MVR 51.7 million. #MTCCProjects pic.twitter.com/ItdxTFiZIZ
— MTCC Plc (@MTCCPlc) July 27, 2021
އިހަވަންދޫ ބަނދަރު ތަރައްގީ ކުރުމުގެ މަޝްރޫއުގެ ދަށުން 30,509 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 95 މީޓަރުގެ ސަރަޙައްދެއްގައި އެއްގަމު ތޮށި ލުމާއި، 284 މީޓަރުގެ ސަރަޙައްދެއްގައި ބޭރު ތޮށިލުމާއި، 178 މީޓަރުގެ ސަރަޙައްދެއްގައި ރިވެޓްމަންޓް ޖެހުން ހިމެނެއެވެ. އަދި މަގުބައްތިއާއި ނެރު ބައްތި ހަރުކުރުމާއި، 4,582 އަކަ މީޓަރު ސަރަޙައްދެއްގައި ޕޭވްމަންޓް ހެދުން ހިމެނެއެވެ.
CEO @adamazim and team has inspected the progress of Ha. Ihavandhoo ferry terminal development project. Ihvandhoo ferry terminal is a terminal to be established under Phase 1 of the "Integrated National Public Ferry Network Project”. #MTCCSpeedferry pic.twitter.com/GG9vi6nKfv
— MTCC Plc (@MTCCPlc) July 27, 2021
ޕްލޭނިން މިނިސްޓްރީން އެމްޓީސީސީއާ ހަވާލު ކުރި މަޝްރޫއުގެ އަގަކީ 51.7 މިލިއަން ރުފިޔާއެވެ.
އެ ރަށުގައި ކުރިއަށް ގެންދާ ފެރީ ޓާމިނަލް ހެދުމުގެ މަޝްރޫއުއަކީ ”އިންޓަގްރޭޓެޑް ނެޝަނަލް ޕަބްލިކް ފެރީ ނެޓްވޯކް ޕްރޮޖެކްޓް“ގެ ފުރަތަމަ ފިޔަވަހީގެ ދަށުން ހިންގާ މަޝްރޫއެކެވެ. އެ މަޝްރުއުގެ ދަށުން ރާއްޖޭގެ ރަށްތަކާއި އަތޮޅުތައް ހައި ސްޕީޑް ފެރީގެ ނިޒާމަކުން ގުޅާލެވޭނެއެވެ. އަދި އެ މަސައްކަތް ކުރިއަށް ދަނީ ތިން ފިޔަވައްސަކަށް ބަހާލައިގެންނެވެ.