ރާއްޖޭގައި ދޭ އިންޓަނެޓްގެ ހިދުމަތްތަކާ ގުޅޭ ގޮތުން ޝަކުވާ ހުށަހެޅުމަށް ސަރުކާރުން ހޮޓްލައިނެއް ގާއިމު ކޮށްފިއެވެ.
އެންވާރްމަންޓް، ކްލައިމެޓް ޗޭންޖް އެންޑް ޓެކްނޮލޮޖީ މިނިސްޓްރީން ރޭ ކުރި ޓުވީޓެއްގައި ބުނީ، ސަރުކާރުގެ "ނެޓު ހެޔޮ" މަޝްރޫއުގެ ބޭނުމަކީ ޖުމުލަކޮށް އިންޓަނެޓްގެ މުޅި ހިދުމަތް ރަނގަޅުވުން ކަމަށާއި އެހެންކަމުން އިންޓަނެޓް ހިދުމަތާއި ގުޅޭ އެއްވެސް ޝަކުވާއެއް އޮތް ނަމަ 1515 އަށް ގުޅައި، އެކަން ސަރުކާރާއި ހިއްސާ ކުރަން އެދޭ ކަމަށެވެ.
With #NetuHeyo the aim is to improve your overall experience with internet usage.
Should you have any complaints regarding the internet service, or your service provider please feel free to inform us at: ☎️ 1515 pic.twitter.com/lfmO89H3t1
— Min. of Environment, Climate Change and Technology (@MoEnvmv) July 30, 2021
އިންޓަނެޓްގެ އަގު ހެޔޮ ކުރުމަށް ރައީސް އިބްރާހިމް މުހައްމަދު ސޯލިހުގެ އެންމެ މުހިއްމު އެއް ވައުދެވެ. އެައުދު ފުއްދުމުގެ ގޮތުން ޖުލައި މަހުގެ 01 ވަނަ ދުވަހުން ފެށިގެން ބްރޮޑްބޭންޑް އިންޓަނެޓްގެ ހިދުމަތައް ބަދަލުގެނެސް، ވަނީ އަގުހެޔޮ ކޮށްފައެވެ. ނަމަވެސް މޯބައިލް އިންޓަނެޓްގެ އަގު ހެޔޮ ވާނީ އަންނަ އޮކްޓޯބަރ މަހުން ފެށިގެންނެވެ.
އިންޓަނެޓްގެ އަގު ހެޔޮކުރަން ސާވިސް ޕްރޮވައިޑަރުންނާއިއެކު ސަރުކާރުން ވެފައިވާ އެއްއެއްބަސްވުމަކީ ކުރިއަށް އޮތް ފަސްއަހަރު ދުވަހުގެ ތެރޭގައި ރާއްޖެއަށް އިތުރު ސާވިސް ޕްރޮވައިޑަރެއް ނުގެނައުމެވެ. ނަމަވެސް މިސަރުކާރު ފެށުނު ފަހުން އިތުރު ސާވިސް ޕްރޮވައިޑަރެއް ރާއްޖެ ގެންނަ ވާހަކަ އޮތީ ވަރަށް ބޮޑަށް ދެކެވިފައެވެ.
ސަރުކާރުން އިންޓަނެޓްގެ އަގު ހެޔޮކޮށްފައި ވަނީ އިންޓަނެޓް އަގުހެޔޮ ކުރަން ވެފައި އޮތް ވައުދު ފުއްދުން ލަސްވާކަމަށް ބުނެ ވަރަށް ބޮޑަށް ސަރުކާރަށް ފާޑުކިޔުން އަމާޒުވެފައި ވަނިކޮށެވެ.
އޯއް. އޭރުން ޝައުނާ ފޯނުނަގާފަ މައްސަލަ ހައްލުކޮއްދޭނަން ދޯ. ވަރައް މޮޅު އިނގޭކަލޭމެން
އަދި އުއްމީދުކުރިވަރާ ގާތްވެސް ނުވޭ