މިއަދު ގައުމަށްޓަކާ ހިތުގައި ވިންދުގައި ޖަހާ ކޮންމެ ދަރިއަކީ ގައުމީ ފަހުލަވާނެއް ކަމަށް ހައުސިންގް މިނިސްޓަރ މުހައްމަދު މުއިއްޒު ވިދާޅުވެއްޖެ.
މިރޭ ވެރިކަން ކުރާ ޕީޕީއެމް އިން " މަގޭ ގައުމާ މަގެ ދީނާ" މިނަމުގައި ކާނިވާ ސަރަހައްދުގައި ބޭއްވި ބޮޑު ޖަލްސާގައި ވާހަކަ ދައްކަވަމުން މިނިސްރ މުއިޒް ވިދާޅުވީ މިގައުމުގެ މިނިވަން ކަމަކީ ދިވެހި އެންމެނާ ގުޅިފައިވާ ކަމެއް ކަމަށެވެ.
" އަޅުގަނޑުމެން ބޭނުންމެއް ނޫން މި ދިވެހި ފަސްގަނޑަށް ހަރާން ކޯރު ވާކަށް, އަޅުގަނޑުމެން ބޭނުމެއް ނޫން ހަސަން ރަސްގެފާނުގެ ވެރިކަން އަލުން އިޔާދަވާކަށް , އާދެ މަގެ ދީނާ މަގެ ގައުމާ މަގެ އަމްނާ ނުކުޅެއްޖޭ ތާރިހް ބަލާތިބެ ގައްދާރު ނުވައްޗޭ " މިނިސްޓަރ މުއިޒް ވިދާޅުވިއެވެ.
އިސްލާމް ދީން މިގައުމާ ވަކިކުރަން އުޅުމީ އަޅުގަނޑުމެންގެ ލޮލުގެ ނޫރު ވަކިކުރަން އުޅުން ކަހަލަ ކަމެއް ކަމަށް ވިދާޅުވެ މިނިސްޓަރ މުއިޒް ވިދާޅުވީ ފިލާތިބެ ޓުވީޓް ކުރާމީހުންނަށް ނުކުރެވޭވަރުގެ ބުރަ މައްސަކަތް މިގައުމުގެ ހައްގުގައި ކުރައްވާތީ ފަހުރުވެރިވާކަމަށެވެ.
" އަޅުގަނޑުމެންގެ އިސްލާމް ދީން މިގައުމާ ވަކިކުރަން އުޅުމީ އަޅުގަނޑުމެންގެ ލޮލުގެ ނޫރު ވަކިކުރަން އުޅުން ކަހަލަ ކަމެއް ފިލާތިބެ ޓުވީޓް ކުރާމީހުންނަށް ނުކުރެވޭވަރުގެ ބުރަ މައްސަކަތް މިގައުމުގެ ހައްގުގައި ކުރައްވާތީ ފަހުރުވެރިވޭ , ސާބަސް ރައީސް ޔާމީން " މިނިސްޓަރ މުއިޒް ވިދާޅުވިއެވެ.
މިނިސްޓަރ މުއިޒް ވިދާޅުވީ އިހު ފެނިގެން ދިޔައީ ބަޔަކު ވެރިކަމާހެދި ގައުމުގައި ބޮޑު ހުޅުޖެހިތަން ކަމަށާއި އަދިވެސް ފެނިގެން ދިޔައީ ވެރިކަމާހެދި ގައުމުގައި ހުޅުޖެހި މަންޒަރު ކަމަށެވެ.
" ދިވެހި ގައުމީ ކޮންމެ ދަރިއަކު މިއަދު އެދި ގޮވަނީ އޭމަގޭ ލޮބުވެތި ގައުމާއޭ ބޭނުމީ ކޮން ހިދުމަތެއްހޭ , މިއަދު ގައުމަށްޓަކާ ހިތުގައި ވިންދުގައި ޖަހާ ކޮންމެ ދަރިއަކީ ގައުމީ ފަހުލަވާނެއް" މިނިސްޓަރ މުއިޒް ވިދާޅުވިއެވެ.
މިސަރުކާރު އޮތްހާ ދުވަހަކު ގައުމަށްޓަކާ ވިންދެއް މި ހިތުގަ ނުޖަހާނެ.