އދ.ދަނގެތީގެ ވިޔަފާރިވެރިއެއް ކަމަށްވާ މަހްމޫދު އަބޫބަކުރު މަރާލި މައްސަލައިގައި އިއްޔެ ހައްޔަރު ކުރި ބަންގްލަދޭޝް މީހެއްކަމަށްވާ ސާލިމް އަމަލު ކުރި ގޮތް ފުލުހުންނަށް ކިޔައި ދޭން ފަށައިފިއެވެ.
އިއްޔެ ހައްޔަރު ކުރި ސާލިމް މިއަދު ހެނދުނުވެސް ވަނީ އޭނާ ދިރިއުޅެމުންދާ ނެދަން ގެއަށް ގެންގޮސްފައެވެ. އަދި މީގެ އިރުކޮޅެއް ކުރިންވެސް ވަނީ އެގެއަށް ގެންގޮސްފަައެވެ.
އެ ރަށުގައި ހަރަކާތްތެރިވަމުންދާ "ވަގުތު"ގެ ނޫސްވެރިންނަށް ވަނީ ސާލިމް ފުލުހުންނާ އެކު އެއް ތަނުން އަނެއް ތަނަށް ދިޔަ ތަން ފެނިފައެވެ. އަދި އަތުގެ އިޝާރާތުން އެކިއެކި ވާހަކަތައް ކިޔައި ދިން ތަން ފެނުނެވެ.
މީގެއިތުރުން ފުލުހުން ބައެއް ތަންތަނަށް ސާލިމް ގެންގޮސް އޭނާ އަމަލު ކުރި ގޮތް ކުޅުވާފައިވެއެވެ. އެ މަސައްކަަތުގެ ތެރެއިން މަހްމޫދް ފެނުނު ފެންވަޅު ހުރި ގޯއްޗަށްވެސް ސާލިމް ގެންގޮސް އަމަލު ކުރި ގޮތް ކުޅުވާފައިވާކަމަށް ނޫސްވެރިން ބުންޏެވެ.
އަދި ސާލިމް ދިރިއުޅޭ ގޭގެ ފާރުމަތިން އޭނާ އެރިގޮތްވެސް ފުލުހުންނަށް ދައްކާފައި ވާ ކަމަށް ނޫސްވެރިން ބުންޏެވެ.
އަދި ނެދުންގެ އާއި ފެންވަޅު ހުރި ގޯއްޗާއި ދެމެދު ހުރި ބައެެއް މަގުތަކުގައި ސާލިމް ހިނގުވާފައި ގެންގޮސްފައިވާ ކަމަށް ބުންޏެވެ. އެއިރުވެސް އޭނާ ދިޔައީ އަމަލު ކުރި ގޮތް ކިޔާދެމުންނެވެ.
"ވަގުތު"ގެ ނޫސްވެރިންނަށް ވަނީ މަށަންދައްޗާއި އުދަލި ފަދަ ބައެއް ތަކެތި ބަންދުކޮށްފައި އޮތް ސަރަހައްދަށް ފުލުހުން ވައްދާ ތަން ފެނިފައެވެ.
އެ މައްސަލައިގައި ފުލުހުން މިއަދު ވަނީ އެރަށު ބޮޑު ސަރަހައްދެއް ބަންދުކޮށް ބަލާ ފާސް ކުރަމުންނެވެ. އެގޮތުން ފުލުހުން ބަލާ ފާސް ކުރަމުން ދަނީ ނެދަން ގެއާ ދުރު ހިސާބެއްގައި ހުންނަ ސަރަހައްދެކެވެ.
މަހުމޫދުގެ މަރުގެ ތަހްގީގުގައި މިހާތަނަށް ފުލުހުންނަށް ލިބިފައިވާ ކުރިއެރުންތަކުގެ އެއްވެސް މައުލޫމާތެއް ވެސް އަދި މިހާތަނަށް ހާމަކޮށްފައެއް ނުވެއެވެ.
އެ މައްސަލައިގައި ހައްޔަރު ކުރި ސާލިމްގެ ބަންދަށް އެރަށު ކޯޓުން ވަނީ 15 ދުވަސް ޖަހާފައެވެ.
އަޅުގަނޑަށްޤަބޫލުކުރެވޭގޮތުގައި އެންމެފަރުދަކަށްތިޔަކަމެއްނުކުރެވޭ! ދެންނާޗަރަންގީކުޅުވުމުގެ ބޭނުމަކީ ކޮބައިބާ؟ ސިއްރުކުރަންޖެހޭފަދަސަބަބެއްއޮތީބާ؟ ކުރާހުރިހާކަމެއްސިއްރުކުރަންބޭނުންވާބަޔަކު ސަރުކާރުތެރޭގަ ބޯވައިގެފައިތަތްކުރާފަދައިން ތަތްކޮށްފަވާމަންޒަރުފެންނާތީ ހަމަ އަހާލެވުނީ!!!!!😉😉😉😉😉😋
ސާލިމް ތިކަންތައް ކުރިކަން މުސްކުޅި މީހާއަށް ވެސް އެނގޭނެ.. އަދި ތިއީ އެކަކަށްވާނެ ވަރުގެކަމެއްނޫން..
ދެން ނުބުނުއްވާތި ސިކުނޑި ހަމަނުޖޭހޭ މީހެކޭ..އެއްބަސްވީމަ އެސާބިތުވީ އެއައްވުރެބޮޑު ސާބިތެއްކިބާތޯ...ކޮންމެހެން ފިލްމުކުޅުވާ ހުރިހާ ކަމެއްބޭނުމެއްނޫން ދެއްތޯ އާވެގެންނޫޅެ އިލާހީގާނޫނުގައި ވާގޮތުގެމަތިން ތަންފީޒް ކުރަންވީ...ނޫނީ ފެންނާނީ ކޮންމެވެސް އެއްޗެކޭ ކިޔާ ފުލުހުން ތިޔަމީހާ ދޫކޮއްލާތަން..ފުލުހުން ބަންގާޅީންދެކޭ ވަރައްނިރުގަންނާނެ...އަދި ބައެއް ފުޅިހުން ތިބޭނީ ނަންގާޅީންގެ ދަށުވެސްވެފަ މިވެސް ވެދާނެކަންކަން ދުރެއްނޫނއ
ބަންގާޅީން އުނގަށް ލައިގެން ތިބެ ބަލަ...
ޢާއިލާއަށް ހާދަ އަސަރެއް ކުރާނެއޭ
ލާރިއަށް ދަތިވެގެން ބުންޏަސް އެހާ ހެޔޮ ބޭބެއެއް ނުދީއެއް ނުހުންނާނެ ކަން ޔަޤީން.
ކީއްކުރާނީ.
މަރްޙޫމް ގެ ފާފަތައް ފުއްސަވައި ދާއިމީ ސުވަރުގެ މިންވަރު ކުރައްވާ އާއިލާއަށް ކެތްތެރިކަން ދެއްވާ ހިތާމަތައް ފިއްލަވާ ހިތްހަމަޖެހުމާއި އުފާވެރިކަން މިންވަރު ކުރައްވާ ދޭވެ އާމީން
އަދިވެސް ފިތުނަ ފަސާދަ އުފެދޭގޮތަށް ދޯހަޅިއޭ ބާންގޑ ކިޔާ
ފުލުހުންގެ ތިކާމިޔާބަށް މަރުހަބާ ///