ޗައިނާ އިން ރާއްޖެ އަށް ކަނޑައަޅާފައިވާ ސަފީރު ވާންގް ލިޝިން މިއަދު ރައްޔިތުންގެ މަޖިލިހުގެ ރައީސް މުހައްމަދު ނަޝީދާ ބައްދަލުކުރައްވައިފިއެވެ.
މި ބައްދަލުވުން މަޖިލިހުގެ އިދާރާގައި އޮތް އިރު، އެ އިދާރާއިން ބުނީ ޗައިނާ ސަފީރު ނަޝީދު އަރިހަށް ކުރެއްވި އިހްތިރާމްގެ ޒިޔާރަތުގައި މެހުމާނުން ސޮއިކުރައްވާ ފޮތުގައި ސޮއިކުރެއްވި ކަމަށެވެ. އެ ޒިޔާރަތުގައި ދެބޭފުޅުން ދެއްކެވި ވާހަކައިގެ ތަފްސީލެއް އަދި ހާމައެއް ނުކުރެއެވެ.
ޗައިނާ ސަރުކާރުން ރާއްޖެއަށް ކަނޑައަޅުއްވާފައި ހުންނަވާ ސަފީރު ހަރ އެކްސެލެންސީ ވަން ލިޒިން، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުގެ އަރިހަށް އިޙްތިރާމުގެ ޒިޔާރަތެއް ކުރައްވައިފި pic.twitter.com/8fG7qKXjC4
— People's Majlis (@mvpeoplesmajlis) October 26, 2021
ވާން މަޖިލީހަށް ކުރެއްވި ޒިޔާރަތުގައި މަޖިލީހުގެ ނައިބު ރައީސް އީވާ އަބްދުﷲ އާ ވެސް ބައްދަލު ކުރެއްވިއެވެ.
މި ދެ ބައްދަލުވުން ވެސް ކުރިއަށް ދިޔައީ މަޖިލިހުގެ އިދާރާގައި ވަކިވަކިންނެވެ.
ޗައިނާ ސަރުކާރުން ރާއްޖެއަށް ކަނޑައަޅުއްވާފައި ހުންނަވާ ސަފީރު ހަރ އެކްސެލެންސީ ވަން ލިޒިން، ރައްޔިތުންގެ މަޖިލީހުގެ ނައިބު ރައީސް އޮނަރަބަލް އީވާ ޢަބްދުﷲގެ އަރިހަށް އިޙްތިރާމުގެ ޒިޔާރަތެއް ކުރައްވައިފި pic.twitter.com/GhGctQTuhm
— People's Majlis (@mvpeoplesmajlis) October 26, 2021
ނަޝީދަކީ ޗައިނާއިން ގައުމުތަކަށް މާލީ ގޮތުން އެހީތެރިވުމުގައި ގެންގުޅޭ ސިޔާސަތަަށް ވަަރަށް ބޮޑަށް ފާޑުވިދާޅުވާ ބޭފުޅެކެވެ. ޗައިނާ އިން އިންޓަރެސްޓް ރޭޓް ބޮޑުކޮށް، ގިނަ ލޯންތަކެއް ދެނީ ގައުމުތައް ދަރަނީގެ ދަންތުރައެއްގައި ޖައްސަން ކަމަށް ނަޝީދު މީގެކުރިން ވެސް ތުހުމަތު ކުރައްވާފައިވެއެވެ. އަދި ރާއްޖެ އިން ވެސް ޗައިނާ އަށް އެތައް ބިލިއަން ޑޮލަރަކުން ދަރާފައިވާ ކަމަށް ނަޝީދު އަބަދުވެސް ވިދާޅުވަމުން ގެންދަވައެވެ.
އެ ވާހަކަތަކަށް ޗައިނާ އިން މީގެކުރިން ރައްދު ދީފައިވެއެވެ.
ރައްޔިތުންގެ އިތުބާރު ގެއްލުނީމަ ކޮންމެ ވެސް ކަމެއް ކުރަނީ އެވެ.
ޗައިނާ ސަފީރުތޯ ރައްޔިތުންގެ އިތުބާރު ގެއްލުނީ.