އދ. ދިގުރަށުގެ ކަރަންޓުގެ ކެޕޭސިޓީ އިތުރުކޮށްފިއެވެ.
ސްޓެލްކޯ އިން މިއަދު ބުނީ ކަރަންޓުގެ ކެޕޭސިޓީ އިތުރުކުރުމަށްޓަކައި ފޮނުވާފައިވާ އައު ޖަނަރޭޓަރުސެޓް ކޮމިޝަންކޮށް، ބުރާސްފަތި ދުވަހު ބޭނުންކުރަން ފަށާފައިވާ ކަމަށެވެ.
އދ. ދިގުރަށުގެ ކަރަންޓުގެ ކެޕޭސީިޓީ އިތުރުކުރުމަށްޓަކައި ފޮނުވާފައިވާ ސްޓެވޯ STW600 ގެ އައު ޖަނަރޭޓަރުސެޓް ކޮމިޝަން ކުރެވި، ބުރާސްފަތި ދުވަހު ވަނީ ބޭނުން ކުރަން ފަށާފައި. މި އައު ޖަނަރޭޓަރުސެޓާއެކު ދިގުރަށުގެ ކަރަންޓުގެ ކެޕޭސިޓީ 918kW އިން 1518kW އަށް ވަނީ އިތުރު ކުރެވިފައި. pic.twitter.com/hEScJJIBXn
— STELCO (@STELCOMALDIVES) January 21, 2022
މި ޖަނަރޭޓަރު ރަސްމީކޮށް ބޭނުންކުރަން ފެށުމަށް ފުރަތަމަ ފަހަރަށް ލޯޑް ދެއްވީ ދިގުރަށު ކައުންސިލްގެ ނައިބް ރައީސް އިބްރާހިމް އަބްދުއްރަހީމެވެ.
މި ޖަނަރޭޓަރު ސެޓާއެކު ދިގުރަށުގެ ކަރަންޓުގެ ކެޕޭސިޓީ 918 ކިލޯވޮޓުން 1،518 ކިލޯވޮޓަށް އިތުރުކުރެވިފައިވާކަމަށް ސްޓެލްކޯއިން ބުނެފައިވެއެވެ.
މިއީ ސްޓެލްކޯގެ ސްޓެވޯ ވޯކްޝޮޕުން އެސެމްބަލް ކޮށްފައިވާ އެކުންފުނީގެ ސްޓެވޯ STW600ގެ ޖަނަރޭޓަރު ސެޓެކެވެ.