ހެންވޭރު ފުޓުބޯޅަ ދަނޑުގައި ކޮވިޑް-19 އަށް ޓެސްޓް ކުރެވޭ ގޮތަށް ސެންޓަރެއް ހުޅުވައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ މިއަދުން ފެށިގެން ކޮންމެ ދުވަހެއްގެ ހަވީރު 3:00 އިން އިރުއޮއްސި 6:00 އަށް ކޮވިޑް-19 އަށް ޓެސްޓް ކުރެވޭނެ ކަމަށެވެ.
މާލޭގައި ހުންނަ ކޮވިޑް-19 ސުންކު ސެންޓަރުތަކުގައި ބޮޑު ކިއު އެއް އޮންނަން ފެށީ މާލެއިން ބޭރަށް ދަތުރުކުރާ އިރު ޕީސީއާރު ޓެސްޓު ހަދަން ޖެހޭ ގޮތަށް، މި މަހުގެ ނުވައެއްގައި ނިންމުމުންނެވެ.
މާލެ ސަރަހައްދުގައި މިވަގުތު ހަތަރު ތަނަކުން އެކި ގަޑިތަކުގައި ކޮވިޑް-19 އަށް ސުންކު ނެގެއެވެ.
އެއީ ހެންވޭރު ދަނޑުގެ އިތުރުން ސޯޝަލް ސެންޓަރުންނާއި ވިލިމާލެ ފްލޫ ކްލިނިކުންނާއި ހުޅުމާލެ ރުއްގަނޑު އެކަކުންނެވެ.
މާލެ ސަރަހައްދުގެ ފްލޫ ކްލިނިކުތައް
- ސެނަހިޔާ ފްލޫ ކްލިނިކް
- ވިލިމާލެ ފްލޫ ކްލިނިކް
- ހުޅުމާލެ ހޮސްޕިޓަލް
މީގެ އިތުރުން ކޮވިޑަށް ފައްސިވެފައިވާ މީހުންނަށް ޑޮކްޓަރަށް ދެއްކޭ ކްލިނިކެއް، އެފްއޭއެމް ބިލްޑިންގައި ވަނީ ގާއިމުކޮށްފައެވެ.
ކޮލެރާ ހަނދާނަށް އަންނަނީ //