ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ކޮވިޑް-19 އަށް ފައްސިވުމުން ކަންބޮޑުވާ ކަމަށް ޕާކިސްތާނުގެ ބޮޑުވަޒީރު އިމްރާން ޙާން ވިދާޅުވެއްޖެއެވެ.
މިއަދު ކުރެއްވި ޓްވީޓެއްގައި އިމްރާން ވަނީ ރައީސް ސާލިހަށް އަވަސް ޝިފާއަކަށް އެދިވަޑައިގެން ދުއާ ކުރައްވާ ކަމަށް ވިދާޅުވެފައެވެ.
އެ ޓްވީޓަށް ރިޕްލައި ކުރައްވަމުން ރައީސް ސާލިހް ވަނީ އިމްރާން ޙާން ކޮށްދެއްވި ހެޔޮ ދުއާއަށް ޝުކުރު އަދާކުރައްވާފައެވެ.
Thank you Prime Minister @ImranKhanPTI for your kind prayers and well wishes. https://t.co/fD56eHepEP
— Ibrahim Mohamed Solih (@ibusolih) January 23, 2022
ރައީސް ކޮވިޑް-19 އަަށް ފައްސިވެފައިވަނީ އިއްޔެއެވެ. އެކަން ހާމަކުރައްވާ ރައީސް ކުރެއްވި ޓުވީޓެއްގައި ވިދާޅުވީ، ކޮވިޑަށް ފައްސިވިކަން އެނގިވަޑައިގަތީ އަތޮޅުތެރެ އަށް ދަތުރުފުޅު ކުރެއްވުމަށްޓަކައި 21ވަނަ ދުވަހުގެ ރޭ ޕީސީއާރު ޓެސްޓް ހެއްދެވުމުން ކަމަށެވެ.
"މާތް ﷲގެ ރަހްމަތްފުޅުން ހާލު ރަނގަޅު. މިވަގުތު މިހިރީ ގޭގައި އެކަހެރިވެގެން،" ރައީސްގެ ޓުވީޓުގައިވެއެވެ.
ރައީސް ވަނީ ކޮވިޑުން ދިފާއުވުމަށްޓަކައި ކޮވިޑް ވެކްސިންގެ ދެ ޑޯޒް ވެސް ފުރިހަމަ ކުރައްވައިފައެވެ.
އަވަސް ޝިފާ
އިންޑިޔާއަ ތާއީދު ކުރާމީހުންނަ ގުޅުން ބާއްވަން އުޅުމަކީ ހެޔޮވިސްނޭ މީހުން ކުރާނެ ކަމެއްނުން
އަހަރެން އެންމެ ހިތާމަކުރަނީ ޢާއްމުން އަދި ދެރަނިކަމެތި ރައްޔިތުން ކޮވިޑަށް ފައްސިވާތީވެ
ހުރިހާ އެންމެންނަށްވެސް އަވަސް ޝިފާއަކަށް އެދެން