ޔޫތު މިނިސްޓަރު އަހްމަދު މަހްލޫފްގެ މައްޗަށް ކުރާ ރިޝްވަތު ހިފުމުގެ ދައުވާގެ ޝަރީއަތް ފަށާނީ ކޮވިޑްގެ ހާލަތު ރަނގަޅުވުމުން ކަމަށް ކްރިމިނަލް ކޯޓުން މިއަދު ވިދާޅުވެއްޖެއެވެ.
އެމްއެމްޕީއާރްސީގެ ހިޔާނާތުގެ ފައިސާ އިން ރިޝްވަތު ހިފިކަމަށް ތުހުމަތުކޮށް މަހްލޫފްގެ މައްޗަށް ކުރާ ދައުވާގެ ފުރަތަމަ އަޑުއެހުން މިމަހުގެ 19 ވަނަ ދުވަހު ތާވަލް ކުރިއެވެ. ނަމަވެސް އެދުވަހުގެ ޝަރީއަތް ފަހުން ވަނީ ކެންސަލް ކޮށްފައެވެ.
ކްރިމިނަލް ކޯޓުގެ މީޑިއާ އޮފިޝަލް ވިދާޅުވީ އެ މައްސަލައިގެ ޝަރީއަތް ކުރިއަށް ގެންދަން ނިންމާފައި އޮތީ ހުރިހާ ފަރާތެއް ކޯޓަށް ހާޒިރުކޮށްގެން ކަމަށްވާތީ ކޮވިޑްގެ ހާލަތު ރަނގަޅުވުމުން އެ މައްސަލަ ޝެޑިއުލް ކުރަން މައްސަލަ ބައްލަވާ ގާޒީ ނިންމަވާފައިވާ ކަމަށެވެ.
ކޮވިޑާއި ގުޅިގެން މިނިސްޓަރ މަހްލޫފްގެ ޝަރީއަތް ލަސްވި ނަމަވެސް އެހެން ޝަރީއަތްތައް ކްރިމިނަލް ކޯޓުގައި ކުރިއަށް އެބަގެންދެއެވެ. މިހާރު ގިނަ ޝަރީއަތްތައް ކްރިމިނަލް ކޯޓުގައި ވެސް ކުރިއަށް ގެންދަނީ އޮންލައިން ކޮށެވެ.
މަހްލޫފްގެ މައްޗަށް ކުރަނީ ކޮރަޕްޝަން ހުއްޓުވުމާއި މަނާކުރުމުގެ ގާނޫނުގެ (ހ)އާ ހަވާލާދީ އެ މާއްދާގެ (ށ)ގެ ދަށުން ރިޝްވަތު ހިފުމުގެ ދައުވާ އެވެ.
ދޮގު ބަޔާނެއް ނުވަތަ ދޮގު މައުލޫމާތެއް އޭސީސީ އަށް ދިން ކަމުގެ ކުށުގެ ތުހުމަތު މަހްލޫފަށް އޭސީސީ އިން ކުރިނަމަވެސް އެދައުވާ އޭނާގެ މައްޗަށް ދޮގު މައުލޫމާތު ދިނުމުގެ ދައުވާ ޕީޖީ އިން އުފުލާފައެއް ނުވެއެވެ. އޭސީސީ އިން ތުހުމަތު ކުރި ގޮތުގައި މަހްލޫފް އޭސީސީ އަށް ހުށަހެޅި ލިޔެކިޔުންތަކަކީ މަހްލޫފަށް ލިބިފައިވާ ފައިސާގެ އަސްލު އޮޅުވާލުމުގެ ގޮތުން އެއީ އޭނާ ޑޮލަރު ގަތް މުއާމަލާތެއްގެ ގޮތުގައި ދެއްކުމަށް ހުށަހެޅި ލިޔެކިޔުންތަކެކެވެ.
ރިޝްވަތު ނެގި ކަމުގެ ދައުވާ މަހްލޫފަށް ކޮށްފައި ވަނީ އަށާރަވަނަ ރައްޔިތުންގެ މަޖިލީހުގެ މެންބަރެއްގެ ގޮތުގައި މަހްލޫފް ހުންނެވިއިރު އޭރު ސަރުކާރާ އެއްކޮޅަށް، އެސްއީޒެޑް ބިލެއް ފާސްކުރަން އޭނާގެ އެކައުންޓަށް 33،000 އެމެރިކާ ޑޮލަރު ޖަމާވެފައިވާކަން ތަހުގީގަށް އެނގިފައިވާތީ އެވެ.
އެމްއެމްޕީއާރްސީގެ ހިޔާނާތުގެ މައްސަލައިގައި މަހްލޫފް ދެފަހަރެއްގެ މަތިން ސަސްޕެންޑް ކުރި ނަމަވެސް މިހާރު އޭނާގެ ސަސްޕެންޝަން ވަނީ އުވާލާފައެވެ. މައްސަލަ ޝަރީއަތައް ފޮނުވުމުން ވެސް މަހްލޫފް ވަޒީރު ކަމުގައި ހުންނެވުމުން ވަނީ ސަރުކާރަށް ވެސް ފާޑުކިޔުންތައް އަމާޒުވެފައެވެ.
ރައީސް ޔާމީންގެ އިސްތިއުނާފީ އަޑުއެހުމުގައި ދައުލަތުން ދެއްކީ މާކުރީގެ މާލީ ބަޔާނެއް
- 7 މަސް ކުރިން
- 6
އެހެން މީހުންގެ ޝަރީއަތް ކުރިއަށް ގެންދޭ ކޮވިޑް އުތުރިއެރިޔަސް.. ތިޔަ މަހްލޫފާ ދޭތެރޭ ވިސްނުމަށް ވުރެ ރަނގަޅުވާނެ ސްކޫލުތަކާ އޮފީސްތައް ބަންދުކުރަން ވިސްނުން..
ސްކޫލުތަކާ އޮފީސްތައް އެބަޖެހޭ ކޮވިޑާއެކު އުޅެން ދަސްކުރަން. ކޮވިޑުގެ އެހީގަ ދައުރު ހަމަކުރަން ކުރެވުންހާ މަސައްކަތެއްކުރާނެ،
ޢަލީވަހީދު ވީމަ މިނިސްޓަރުކަމުން ވަކިކުރުން ފަޓާސް.
ކޮވިޑު އެންމެ އަވަހަށް ރަނގަޅުވާނީ 2024 ގެ ނޮވެމްބަރ 11 ގައި
އަނެއްކާ އަނެއްކަންތައް. މީދެން ނުފޫޒު ނޫން ދެން ކޮންކަމެއް. ކޮވިޑު މިގޮތަށް އޮއްވަނޫންތަ މަހުލޫފު ރަށްރަށަށް ދަތުރުކޮށް ކެމްޕޭންކުރަމުން އެގެންދަނީ. ކޮވިޑު އޮވެގެން ނުބާއްވަންވީ ހަމައެކަނި މަހުލޫފުގެ ޝަރީޢަތްތަ. ކޮވިޑު ރަނގަޅުވަންދެން ކުރިމިނަލް ކޯޓު ބަންދުކުރަންވީހެން ހީވަނީ. މަހުލޫފަށް އެކަނި ތިގޮތަށް ކަންތައް ކުރުމުން ހަމަހަމަކަން ގެއްލޭނެ. ދެރަސޮރު ދަމާފަ ގެންގޮސް ތިތަނަށް ވައްދާ ހުކުމްތައް ޖަހަމުން ތިދަނީ.
ކަލޭނޭ ދެންއޮތީ މަހުލޫފް ވޭރިއެންޓް. ތިވެސް ވ ފިލްމީ ވެގެން އުޅޭ ޑޮލަރުބޮޑިއެެއް.
މަހުލޫފުވެސް އިންސާފޭ ކިޔައިގެން ތަންތަނުގަ އަނގަހުޅުވާނެ. މިއީ ނުފޫޒު ފޯރުވުން ނޫން ދެން ކޮންކަމެއް. ނިކަމެތިންގެ މައްސަލަތައް ރާސްލާފަ ހުކުން ޖަހަމުން އެދަނީ.
އެންމެ ބޮޑު ލޮކްޑައުންނެތެރެވެސް ރައީސް ޔާމީންގެ ޝަރީޢަތް ބޭއްވި މިސަރުކާރުން އެކިމީހުންނައް އެކިގޮތްހުންނަނީ ކީއްވެތޯ މީ މީހަކު ޢަޖާއިބުވެ އަންތަރިސް ވާވަރުގެ ސަރުކާރެއް
ހަމަ ހިނި އަންނަނީ
ޒީރޯ ޓޮލަރެންސް އަދި ބަނޑުބޮޑެއްނުވޭ! ޒީރޯ ޓޮލަރެންސް ވިހާ ދުވަހުން މަހްލޫފްގެ ޝަރީޢަތް ކުރިޔަށް ދާނެ
ތާހިރު ނުފޫޒެއް ނުފޯރުވާ ދޯ
ސޯލިހުގެ ވެރިކަމުގަ ކޮވިޑް ހާލަތެއް ރަނގަޅެއްނުވާނެ
އެހެންވިއްޔާ 2024ގައި ތިޔަ މައްސަލަ ފެށޭނީ!
މަހުލޫފަކީ މިސަރުކާރައް ބަލަދުއަރާފަ ހުރިމީހެއްތަ؟
އެއީޔޯ؟؟؟؟ ކޮވިޑް އޮއްވާ ކެންޕޭނުގަޔާ ކުޅިވަރު ކަންތަކުގަ ރަށްރަށައް ދަތުރު ކުރެވިއަޖެ!!!! މިއުޅެނީ ކޮންވައްތެއްގެ ވޭރިއެންޓެއް؟؟؟ ވަކި ވަގުތަކު ވަކި ބަޔަކުކުރާ ވަކިކަމެއް ދެނެގަނެވޭ ވަރުގެ ކުޅަދާނަކަން ލިބިގެންވާ ވޭރިއެއްޓެއްކަންނޭންގެ މިހާރު އައިސްގެން މިއުޅެނީ !!
މަހުލޫފުގެ ސަރީއަތް ފަށާފިއްޔާ އޭނަ ދައްކަންއުޅެނީ ސޯލިހުގެ ކޮންތަނެއްބާ؟
ބައްޕައާ ނުބެހެއްޗޭ. ޖޭވިޔަސް ބުނަންތަ ވާހަކައެއް. އިހަށްދުވަހު ސީދާ މިގެއަށްއަދީބުގެ ވައިފް އައީ. ތިބުނާ ފައިސާތައް ގެންދިޔަ އެންމެން އަދަދާއެކީގަ ބައްޕައަތުގަ އެބަހުރި
ތިހެންވިއްޔާ މީންދުވަހަކު ތިކޮވިޑު ހިޔެއްނުވޭ ރަނގަޅުވާނެހެން. އަނެއްްކާ ހަތްހުވާ ނުފޫޒު ފޯރުވަނީބާ؟
ކޯޓުތަށް ސިޔާސީވެފަ އޮތްވަރުމިފެއްނަނީ. އަދުލު އިންސާފެއްނެއް. ކޮރަޕްސަނާ ވައްކަން ހަލާލު ކޮށްފި. ދީނެއް ގައުމެއްނެއް. ސިޔާސީ މީހަކަށް ވެއްޖިއްޔާ ދުނިއެމަތިން ރެކިގަނެވިދާނެ ކޮންމެކަމަކުން. ގާނޫނުތައް ހެދެނީ ނިކަމެތިން އިތުރަށް ނިކަމެތިކުރަން، ރައްޔިތުން ހަމަ އޯކޭ އަދިވެސް.
ހެއްވާ ކަމަކީ ރޔ ގެ ޝަރީއްޔަތް މާދަމާ އަށް ތާވަލް ކުރީމަ .
ވަކިވަރަކަށްވުރެ ބޮޑަށް ގޮތް ހުސްވީމަ ވާގޮތް .
މިހާލަތުގައި އެހެން ދިވެއްސެއްގެ ޝަރީޢަތްކުރިއަށްދާނެތޯ؟ ކުރިއަށް ދާނެނަމަ، ތީ އިންސާފު ގާއިމުކުރާގޮތްތޯ؟
ކޮންމެ ހިންޏެއް ބިންބިފުކެއް ކިއްޔާ މާރަނގަޅު ވާނެ.
ބުނެފިދޯ މިހާރު ދެންފެންނަ ވައްތަރު މާއަވަހަށް ފެތުރޭނެ އޭ
މި ވެރިކަމުގައި ތިޔަ ވިދާޅުވާ ޚިޔާނާތުގެ މައްސަލައެއް ނުބަލާނެ
ޑަބްލިޔު އެޗްއޯއިން އެބުނަނީ މިކަން ނެތޭނިމޭކަށް ، ދެން ހިޔާނާތުގެ މައްސަލައެއް ކޯޓުގައި އޮވެ އޭނަހުންނަންވީ މަޤާމުގައިތޯ ، ކޮބާދެން އިންސާފް ، ވަކި މީހަކުވީމަ މައްސަލަ ނިމެންދެން ޖަލުގައި
މަހްލޫފުގެ ސަރީއަތްކުރިއައްގެންދެވޭނީ ކޮމަންޑޫ ދާއިރާގެ ކެމްޕޭންނިންމާފަ މަހްލޫފްމާލެއައިސްގެންދޯ
މީދެން ކިހާދެރަކަމެއް ކޮބާ ސްކޫލްތަކުގެ އަހަރެމެންގެ ޅަދަރިންެގެ ހައްގު މަހްލޫފް ވީމަ ކޮވިޑް މާލޭ ސްކޫލްތަކުގަ ޓީޗަރުންނާ ކުދިން ހަމަ ނުވޭ ބައެއް ކްލާސްތަކުގަ ދެތިންކުދިން ތިބެނީ ޓީޗަރުންނާ ކުދިންތަށް ބަލިވެގެން ސްކޫލަކަށް ނުދެވޭ ކްލާސްތަކަށް ދާދެތިންކުދިން ފިލާވަޅެއް ނުލިބި ގަޑި ނިންމާފަ ގެއަށް.... އޮންލައިންކުރާނަމަ ކުދިންނަށް ކިޔެވޭނެނު.. ބައްޔާއެކު އުޅޭށޭ ބުންޏަކަސް ބަލިވީމަ އެހެނެއް ނުވެޔޭ ރަށްރަށު ކުދިންނަށް އެބަކިޔެވޭ އޮންލައިންކޮށް އެކަމު މާލޭގަ މި ކޮވިޑް އުތުރެނީ... މުގައްރަރު ނިިންމާލެވިދާނެ މިހާލަތުގަ އެންމެން ބަލިވެ ތިއްބާ... މީނަގެ ޝަރިއަތް މި ބައްޔާއެކު ކުރިޔަށް ނުގެންދެވޭ ކޮން މޮޔައެއް މިގޮވަނީ
ރައްޔިތުން ކޮންއިރަކު ހުއްދަދިނީ ކޯޓުން ބޭނުންވީމާ ބޭނުން މީހެއްގެ ޝަރިޔަށް އަވަސްކޮށްފަ ފަސްކުރަން. ފުލުހުންނާއި ޕްރޮސެކިއުޓަރ އާއި ކޯޓްތަކުން ރައްޔިތުންގެ ކަންކަންކުރަންވީގޮތް ގާނޫނުއަސާސީ އާއި ގާނޫނުތައް މެދުވެރިކޮށް ރައްޔިތުންވަނީ އަމިއްލަޔަށް ކަޑައޅާފައި. ވަކި މީހެއްވީމާ ޚައްސަ ކުރަންވީ ކަންކަންވެސް ރައްޔިތުން ވަނީ ގާނޫނުގައި ކަޑައަޅާފައި.
ޔާމީނުގެ ޝަރީއަތް އޮންނާނެ ދެވިލާގަނޑު ދޭތެރެއިންވެސް ތީދޯ އެބުނާ އިންސާފުން ޝަރީޢަތް ކުރުމަކީ؟ ތިޔަ ކޯޓް ތަކުގައި ތިތިބަ ކޮރަޕްޓް ގާޒީންތަކަށް ރަނގަޅު ފިލާވަޅެއް ލިނޭނެ އިންޝާﷲ
ރައްޖެއިން ކޮވިޑްގެ އައު ވޭރިއެންޓެއް ކަމުގައިވާ “މަޙްކޫފް ވޭރިއެންޓް” ފެނިއްޖެ 😀😀