ސިޔާދު ގާސިމް މިނިވަންވުމަކީ ރައްޔިތުންނަށް ލިބުނު އުންމީދެއް ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ހަނގު އަނބިކަނބަލުން އައިޝަތު ނަހުލާ ވިދާޅުވެއްޖެއެވެ.
ގާސިމްގެ ދަރިކަލުން އަދި ވިލާ ކުންފުނީގެ މެނޭޖިން ޑިރެކްޓަރުކަން ވެސް ކުރައްވަމުން ގެންދަވާ ސިޔާދު މިއަދު ދޫކޮށްލުމާ ގުޅިގެން ނަހުލާ ވިދާޅުވީ ސިޔާދު މިނިވަންވުމަކީ ލިބުނު ވަރަށް ބޮޑު ކާމިޔާބީއެއް ކަމަށާއި އަދި މިއީ އާއިލާއަށް ލިބުނު ނުހަނު ބޮޑު އުފަލެއް ކަމަށެވެ. މީގެއިތުރުން ސިޔާދު މިނިވަން ވުމަކީ ރައްޔިތުންނަށް ލިބުނު އިތުރު އުއްމީދެއް ކަމަށްވެސް އޭނާ ވިދާޅުވިއެވެ.
Alhamdhlillah. @IbrahimQasim minivan vumaky alhugandu mennah libunu varah bodu kaamiyaabeh. Aaila ah libunu nuhanu bodu ufaleh. Adhi rayyithunnah libunu ithuru ummeedheh....
— Aishath Nahula (@aishath_nahula) July 19, 2018
ސިޔާދު ދޫކޮށްލަން ކްރިމިނަލް ކޯޓުން އަމުރުކުރީ އޭނާގެ މައްޗަށް އުފުލާފައިވާ ރިޝްވަތު ދިނުމުގެ ދައުވާގެ މިއަދުގެ އަޑުއެހުމުގައެވެ.
ސިޔާދުގެ މައްޗަށް ރިޝްވަތު ދިނުމުގެ ކުށުގެ ދައުވާ އުފުލާފައިވަނީ، 2018 ފެބުރުވަރީ 1 ވަނަ ދުވަހު ސްޕްރީމް ކޯޓުން ނެރުނު އަމުރާ ގުޅިގެން ކުރެވުނު ތަހްޤީގުގައި ހ.ނިޝާން ފްލާވަރ ގެ 3 ވަނަ ފަންގިފިލާ ބަލައި ފާސްކުރުމުގެ ތެރޭގައި، ޖުޑިޝަލް އެޑްމިނިސްޓްރޭޓަރ ހަސަން ސަޢީދު ދިރިއުޅުއްވާ އެޕާޓްމަންޓުން ފެނުނު ކަޅުކުލައިގެ ބެކްޕެކުގެ ތެރެއިން ފެނުނު ލިޔުންތަކުގެ ތެރޭގައި، ވިލާ ޝިޕިންގ އެންޑް ޓްރޭޑިންގ ކޮމްޕެނީ ލިމިޓެޑްގެ މެނޭޖިންގ ޑިރެކްޓަރުގެ ހައިސިއްޔަތުން ސިޔާދު ޤާސިމް 2017 ޖުލައި 20 ވަނަ ދުވަހު ސޮއި ކުރައްވާފައިވާ ސިޓީއަކުން، މި މައްސަލައިގައި ތުހުމަތު ކުރެވޭ އިތުރު 2 ފަރާތަކަށް 2.4 މިލިއަން ޑޮލަރު ދިނުމަށް ނިންމާފައިވާކަމާއި، އުއްތަމަ ފަނޑިޔާރާއި ޢަލީ ހަމީދު މެލޭޝިޔާޔާއިން ގަންނަން މަސައްކަތް ކުރައްވާފައިވާ ބީޗް ވިލާތަކަށް ދައްކަންޖެހޭ ފައިސާގެ ބައެއް ވިލާ ޝިޕިންގ އެންޑް ޓްރޭޑިންގ ކޮމްޕެނީ ލިމިޓެޑުން ދައްކާފައިވާކަމަށާއި، 1 ފެބުރުވަރީގެ އަމުރުގައި ވިލާ ޝިޕިންގެ ގެ މެޖޯރިޓީ ޝެއަރ ހޯލްޑަރ ކަމަށްވާ ސިޔާދު ޤާސިމްގެ ބައްޕަ ޤާސިމް އިބްރާހިމް ވަގުތުން މިނިވަން ކުރުމަށް ބުނެފައިވާތީ މި ފައިސާއަކީ ހުކުމުގެ މުޤާބިލުގައި ދިން ފައިސާކަމަށް ބެލެވޭތީ ކަމަށް ބުނެއެވެ.
މި މައްސަލައިގައި އެންމެފަހުން ބޭއްވި އަޑުއެހުމުގައި ވަނީ ފަނޑިޔާރުންނަށް ފައިސާ ހަމަޖައްސަން ސިޔާދު ސޮއި ކުރި ކަމަށް ބުނާ ސިޓީ ދައުލަތަށް ލިބިފައިނުވާކަން ހާމަވެގެން ގޮސްފައެވެ. އެ ސިޓީ ހޯދުމަށް މަސައްކަތްކުރަމުންދާ ކަމަށް ދައުލަތުން ވިދާޅުވެފައިވާއިރު އެ ސިޓީ ކޯޓަށް ހުށަހަޅަން ދައުލަތަށް މީގެކުރިން ވަނީ ފުރުސަތު ދީފައެވެ. ނަމަވެސް މިއަދުގެ އަޑުއެހުމާއި ހަމައަށް އައިރުވެސް ދައުލަތަށް އެ ސިޓީ ހުށަހެޅިފައެއް ނުވެއެވެ.
އެއާއެކު ސިޔާދުގެ ވަކީލުން މިއަދު ވަނީ ސިޔާދު ބަންދުން ދޫކޮށްލުމަށް އެދިވަޑައިގެންފައެވެ. އަދި މައްސަލަ ބައްލަވާ ގާޒީ ވަނީ ތިން ޝަރުތަކާއެކު ސިޔާދު ބަންދުން ދޫކޮށްލުމަށް އަމުރުކޮށްފައެވެ.
ކްރިމިނަލް ކޯޓުން ސިޔާދު ދޫކޮށްލުމަށް ކުރި ޝަރުތުތަކަކީ މާލެ ސަރަހައްދުން ދާނަމަ ކޯޓަށް އެންގުމާއި، ފޯނު ނަމްބަރު ބަދަލުވާނަމަ ކޯޓަށް އެންގުމުގެ އިތުރުން ކޯޓުން ފޮނުވާ ޗިޓުތަކާއި ހަވާލުވުމެވެ.
ކުއްލި ނުރައްކަލުގެ ހާލަތު އިއުލާންކޮށް ސިޔާދު ހައްޔަރުކުރީ މިދިޔަ ފެބުރުއަރީ މަހުގެ ހަތްވަނަ ދުވަހުއެވެ. ސިޔާދުގެ މައްޗަށް ރިޝްވަތު ދިނުމުގެ ދައުވާ އުފުލާފައިވާއިރު އެ މައްސަލައިގެ ޝަރީއަތް ނިމެންދެން އޭނާ ޖަލުގައި ބެހެއްޓުމަށް މިދިޔަ މާޗު މަހު ކޯޓުން ވަނީ އަމުރުކޮށްފައެވެ.
ކަމަނާ ސިޔާދު މިނިވަން ވުމަކުން އޭނަ ކުށެއް ނުކުރާމީހަކަށް ވާނެތޯ މައްސަލަ ައަދި ނުނިމޭ ދޯ ސާބިތު ވެޖޖެނަނަމަ ހާދަ ބޮޑު ކުށެކޭ އެސޮރު ލައްވާ ތިކުރުވީ
އާޗާ މިއޮތީ އެއްޗޭ ވިދާޅުވެފަ! ދެން ބާރަށް އަތްޖަހާ!
އަހަންނަށް ވަރަށް ރީތި މިކުއްޖާ.
އެހެންވިއްޔާ އެކަމުގެ އުފަލުގައި ފިރިކަލުންގެ މުދަލުގެ ހަތަރުބައިކުޅަ އެއްބައި ޞަދަޤާތުގެ ގޮތުގައި ބަހާލުން ކިހިނެއްތޯއެވެ.
ކޮންތާކު ތިބި ރައްޔިތުން ނަކައްތަ ހިއްވަރު ލިބުނީ އަހަރެމެން ރައްޔިތުން މިތިބީ ސިޔާދު ކަހަލަ މީހަކު ދޫކޮއްލީމަ އެކަމާ ދެރަވެފަ ފަހަރެއްގަ ކަލޭ އުފާވެދާނެ ތޯޗެ އެވެސް ފަހަރެއްގަ.