ކުރީގެ ކޮމިޝަނަރ އޮފް ޕޮލިސް އަބްދުﷲ ނަވާޒް އާއި ޖުމްހޫރީ ޕާޓީގެ ކައުންސިލް މެމްބަރު ޕެރިސް ނިޙާދު، ދިމާ ކުރުމުން އެޕާޓީގެ ލީޑަރު ގާސިމް އިބްރާހިމް ވަރަށް ބޮޑް ކޯފާ ވެއްޖެއެވެ.
ޕެރިސް ނިހާދު، ސީޕީ ނަވާޒް އާއި ދިމާ ކޮށްފައިވަނީ އެޕާޓީގެ މެމްބަރުން ތިބޭ ވަޓްސްއެޕް ގްރޫޕަށް ފޮނުވި މެސެޖެއްގައެވެ. އެގޮތުން އެ މެސެޖުގައި ނިހާދު ވިދާޅުވީ، ސިޔާދު ގާސިމް ދޫނިދޫ ކުޑަ ގޮޅީގައި އޮންނަވަނިކޮށް ބޯ ފެން ފޮދަކަށް އެދުމުން ފެން ނުދިން ސީޕީއަކު އިންނެވިޔަސް، އެންމެ ކުރިއްސުރެ ވެސް ޖޭޕީގައި ތިބި މީހުން ހައްގު ބަސް ބުނާނެ ކަމުގައެވެ.
އަދި ޖޭޕީ ކައުންސިލުން މޫސާ އަންވަރު އާއި ޖާޕިރު އަދި އަލްހާން ބޭރުވިއަސް ހުރިހާ ދައުރެއްގައި ކައުންސިލްގައި ހުރި މީހަކު ޖޭޕީ މެމްބަރެއްގެ ދިފާއުގައި ބަސް ބުނާނެ ކަމަށް ނިހާދު ވިދާޅުވިއެވެ.
ނިހާދުގެ އެވާހަކަތަކާއި ގުޅިގެން ހިތްޕުޅު ހަމަޖެހިވަޑައި ނުގެން، ޖުމުހޫރީ ޕާޓީގެ ލީޑަރު ގާސިމް އިބުރާހިމް ވަޓްސްއަޕް ގުރޫޕުގައި ވިދާޅުވެފައިވަނީ، ނިހާދަކީ ކޮންމެ ވެސް ފަރާތަކުން އުޖޫރަ ނަގައިގެން ޖޭޕީގެ ދުވަސް ދުއްވާލާ އަގުވައްޓާލަން އުޅޭ މީހެއްކަން ވަރަށް ރަގަޅަށް ސާފު ވެއްޖެ ކަމުގައެވެ. އަދި ނިހާދަކީ، ގާސިމްއާއި، ގާސިމްގެ އާއިލާގެ އިތުރުން، ވިލާ ގުރޫޕާއި ވެސް ޒާތީގޮތުން ދިމާކޮށް ހެދުމަށް ހަމަޖައްސާފައި ހުރި މީހެއްކަން ވެސް މިހާރު ގަބޫލު ކުރެވޭ ކަމަށް ގާސިމް ވިދާޅުވިއެވެ.
ގާސިމްގެ އިތުރުން ނަވާޒް ވެސް ވަނީ ނިހާދު އަށް އެ ގްރޫޕުގައި ރައްދު ދެއްވާފައެވެ. އެގޮތުން ނަވާޒް ވިދާޅުވީ، ނިހާދު ފެށުނީއްސުރެ ޖޭޕީގައި އުޅުމަކީ އެހެން މީހުންގެ އަބުރު ކަތިލައި މަސައްކަތް ކުރުމަށް ލިބޭ ސެޓްފިކެޓެއް ނޫން ކަމަށެވެ. އަދި އަމިއްލައަށް ވިސްނިގެން ހަމަ ބިމަށް ފައިބަންދެން ނިހާދު އާއި ދިމާކުރައްވާނެ ކަމަށް ވެސް ނަވާޒް ވިދާޅުވިއެވެ.
ތިނަވާޒަކީ ހަމަސީދާ ބޮލެއް ބޮޑު ހަށިގަނޑެއްގެބއެތެރޭގައި އިންނާނީ ފޯއްކިބައެއްވަރުހެ ސިކުނޑިއެއް
ވަރަށް ހުދު މުހުތާރު މީހެއް ޤާސިމް އިބްރާހިމަކީ. ޝައްކުބަލިވެސް އިންތިހާއަށް ބޮޑުފުޅު މީހެއް. މިވަރުގެ މީހަކަށް ކިހިނެއް މިޤައުމު ހިންގޭނީ. އަދިވެސް ރައީސްކަމަށް ކުރިމަތިލާން އެބައުޅޭ. އަޖައިބްވެ އަންތަރީސްވާވަރު.
ނަވާޒު ސީޕީކަން ކުރީ ކޮންއިރަކުތަ؟ ހިންގުމާ ހަވާލުވެ ދުވަސްކޮޅަކު ހުރިކަމަށް ވެދާނެ.
ނޫސްވެރިން ގާސިމް ދެކެ ބިރުގަނޭދޯ އާދައިގެ އިންސާނެއް ރުޅިއައީމަ ކޯފާ ބޭނުން ނުކުރެވޭނެ އެއީ ރަސޫލު ބޭކަލުންނާ ނަބީ ބޭކަލުން ރުޅި އައީމަ ބޭނުންކުރާ މާތްބަހެއް
ވިސްނުންހުރީ ރައްޔަތުންގެ ކޮއްމެވެސް މުދާތަކެއް ފޭރުން