ކަންނެތް ވުމަކީ އަޅުގަނޑުމެންގެ ތެރެއިން ވަރަށް ގިނަ މީހުންނަށް ކުރިމަތިވާ ކަމެކެވެ. ކަންނެތްކަމަކީ ތިމާގެ އުޅުމާއި ވަރަށް ބޮޑަށް ގުޅިފައިވާ އެއްޗެކެވެ. މީހާ ކަންނެތްވުމަށް މެދުވެރިވާ އެތަކެއް ސަބަބުތަކެއް ވެއެވެ. އެގޮތުން ބައެއް ސަބަބު ތަށް ތިރީގައި އެވަނީއެވެ.
- ކީރިތި ޤުރުޢާން ކިޔެވުން މަދުކުރުން
- ތަފާތު ފާފަތަކަށް އަރައިގަތުން
- ކުރަން ޖެހޭ ކަންކަން ފަހަށް ލަސްކުރުން
- ތިމާގެ ކުށެއް ނެތް ކަމުގައި ދެކެވުން
- މީހަކު ހެޔޮ ނަސޭހަތެއް ދިނުމުން އެއަށް ފުރަގަސް ދިނުން
- މަރު ހަނދާން ކުރުން މަދުވުން
- ކަށްވަޅުގެ އަޒާބާއި ޡަވާބާއި ސަވާބުގެ މަތިން ހަނދުމަކުރުން މަދުކުރުން
- ހެޔޮ އަމަލުކުރުމުން ލިބޭ އަޖުރަ އިހްސާސް ނުކުރެވުން
ކަންނެތްކަން ފިލުވާ މުރާލި މީހަކަށް ވުމަށް ކުރެވިދާނެ ބައެއް ކަންކަން:
އިންސާނާގެ ގައިން ކަންނެތްކަން ފިލުވާ މުރާލި މީހަކަށް ވުމަށް ކުރެވިދާނެ އެތަށް ކަމެއް މާތްވެގެންވާ އިސްލާމް ދީނުގައި ބަޔާން ކުރައްވާފައިވެއެވެ. އެގޮތުން ފާހަގަކޮށްލެވޭ ބައެއް ކަންކަން ތިރީގައި އެވަނީއެވެ.
- ކަންނެތްކަން ފިއްލަވައިދިނުމަށް އެދި މާތް ﷲ ގެ ހަސްރަތުގައި ދުޢާ ދެއްނެވުން
- އިލްމުވެރިންގެ މަޖިލިސްތަކުގައި ބައިވެރިވުމާއި ހެޔޮލަފާ މީހުންނާއި އެކު ގިނަ ވަގުތު ހޭދަކުރުން
- ހެނދުނާއި ހަވީރުގެ ޒިކުރުތަކާއި އެހެނިހެން ޒިކުރުތަކަށް ރައްކާތެރިވުން
- ކީރިތި ޤުރުޢާން ކިޔެވުމުމާއި ނަމާދު އޭގެ ވަގުތުގައި ކުރުމަށް ހާއްސަ އިސްކަމެއް ދިނުން
- ހެޔޮކަންކަން ކުރުން ގިނަކޮށް ފާހިޝް ކަންކަން ކުރުމާއި ދުރުހެލިވުން
- އިލްމުވެރިންގެ ދިރިއުޅުމުން ނަމޫނާ ލިބިގަތުން
- ގިނަގިނައިން ﷲ ހަނދުމަކޮށް އެކަލާންގެއަށް ޒިކުރު ކުރުން
