އަތޮޅުތަކަށް ހާއްސަކޮށްގެން ބާއްވާ މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ރ. އަތޮޅުގެ ބުރުގެ ހޯސްޓް ކުރާނެ ރަށަކާމެދު ބަހުސްތަށްވަނީ ބޮޑުވެފައެވެ.

މީދޫގެ ރައްޔަތުން މި ޗެންޕިއަންޗިޕް ހޯސްޓް ކުރުމަށް އެންމެ ފަހުގެ ތައްޔާރީތައް ވަމުންދަނިކޮށް ފުޓްބޯލް އެސޯސިއޭޝަން އޮފް ދަ މޯލްޑިވްސް (އެފްއޭއެމް) އިން ވަނީ މިނިވަން ޗެންޕިއަންޝިޕް ހޯސްޓް ކުރާނީ އަލިފުށިން ކަމުގައި އަންގާފައެވެ.

މީދޫގެ މީހަކު "ވަގުތަށް" މައުލޫމާތު ދެމުން ބުނެފައިވަނީ މީޑިޔާތަކުން މިނިވަން ޗެންޕިއަންޝިޕްގެ ޚަބަރުތައް ގެނެސްދެނީ އެއްބައި ދޫކޮށްލާފއިކަމަށާއި މީދޫއިން މި މުބާރާޓް ހޯސްޓް ކުރުމަށް ތައްޔާރުވީ އެފްއޭއެމްއިން ރިކުއެސްޓް ކުރުމުންކަމަށެވެ.

"މީޑިޔާތަކުގެ އެއްބައި ދޫކޮށްލާފަ މިވާހަކަ މިގެނެސްދެނީ، އެފްއޭއެމް ގެ ރިކުއެސްޓަކާއެކު މީދޫގެ ދަޑު މިނިވަން ޗެންޕިއަންޝިޕަށް ތައްޔާރުކުރަންފެށީވެސް. އެކަމަކު އެއީ ރަސްމީކޮށް ދެކެވުނު ވާހަކައެއްނޫން." މީދޫއިން މައުލޫމާތު ދެމުން އެރަށުގައި މުބާރާތް ބޭއްވުމުގެ ކަންކަން ކުރާ އޮގަނައިޒިންގ ކޮމިޓީގެ ޗެއަރމަން މުހައްމަދު ޝަރީޕް ބުންޏެވެ.

ޝަރީފް އިތުރަށް ބުނެފައިވަނީ އެފްއޭއެމްއިން މީދޫގައި ބުރު ބާއްވަން ވާހަކަ ދެކެވުނު ކަމުގައި ވީނަމަވެސް މި މުބާރާތް ރަސްމީކޮށް ބާއްވަން ފުރަތަމަ ނިންމީ އަލިފުށީގައެވެ. ނަމަވެސް، ފަހުން އެ ނިންމުން ވަނީ ބަދަލުކޮށްފައިކަމަށެވެ. ފަހުން އެ ބުރު ބާއްވަން އަލުން މީދުއަށް ބަދަލުކޮށްފައިވާ ކަމަށާއި އެއީ އެ އަތޮޅު ބުރުގައި ބައިވެރިވެފައިވާ އެހެން ޓީމުތަކުން ހުށަހަޅާފައިވާ މައްސަލަތައް ބެލުމަށްފަހު ކަމަށެވެ.

ނަމަވެސް އިތުރު މައްސަލަތަކެއްޖެހި އެ ބުރު ބާއްވާނެ ރަށެއް ކަނޑައެޅުމަށް މަޝްވަރާ ކުރުމަށް އެފްއޭއެމްއިން މިހާރު އަނެއްކާވެސް ވަނީ ނިންމައިފައިވާކަމަށްވެސް ޝަރީފްވަނީ ބުންޏެވެ. ޝަރީފް އިތުރަށް ބުނެފައިވަނީ މިނިވަން ޗެންޕިއަންޝްޕަށް ތައްޔާރީތަކުގެ 80% މިހާރު ނިމިފައިވާކަށެވެ.

މީދޫއިން ވާާހަކަ ދެއްކި އިތުރު މީހަކު ބުނީ އަލިފުއްށީ ދަނޑުގެ ހާލަތު ސިފަކޮށް ބުނީ އެރަށުގެ ދަޑުގައި ޗޭންޖިން ރޫމްއެއް ނުހުންނަ ކަމަށާއި މީދޫގައި މިމުބާރާތް ބާއްވާފިނަމަ ކުޅުންތެރިންނަށްވެސް އެތަށް ގޮތަކުން ފައިދާ ވެގެންދާނެ ކަމަށެވެ.

ރ. އަތޮޅު ބުރު ބާއްވާނެ ރަށެއް ކަނޑައެޅުމަށް މަޝްވަރާ ބައްދަލުވުމެއް މިއަދު ބޭއްވުމަށްވަނީ ހަމަޖެހިފައެވެ. އަނެއް މަޝްވަރާ ބައްދަލުވުމުގައި ކޮންމެ ކައުންސިލަކުން ބައިވެރިވާނެ ދެ ކައުންސިލް މެންބަރުންގެ ބައިވެރިވުމަށް އެފްއޭއެމްއިން ވަނީ އެދިފައެވެ.

މިނިވަން ޗެމްޕިއަންޝިޕްގެ ރ. އަތޮޅު ބުރު މާރިޗް މަހުގެ ފެށުމަށް ކުރިން ތާވަލުކޮށްފައިވީ ނަމަވެސް މިހާރު ވަނީ މަޝްވަރާކުރުމުގެ ގޮތުން މުއްދަތެއް ނެތްގޮތަށް ރ. އަތޮޅު ބުރު ފަސްކޮށްފައެވެ.