ޔޫއެފާ ޗެމްޕިއަންސް ލީގު ކުއާޓާ ފައިނަލް ދެވަނަ ލެގުގައި މިރޭ ލިވަޕޫލުން ޕޯޓޯއާ ދެކޮޅަށް ނުކުންނަ އިރު، އެޓީމު އޮތީ އަމިއްލަ ދަނޑުގައި ކުޅުނު މެޗު 2-0ގެ ނަތީޖާއަކުން ކާމިޔާބު ކޮށްފައެވެ.
ލިވަޕޫލުން އިނގިރޭސި ޕްރިމިއާ ލީގަށްވެސް ވާދަކުރަމުންދާ އިރު، މިރޭގެ މެޗަކީ އެޓީމަށް ޔޫރަޕްގައި ފައި ހަމަކޮށްލުމަށް މުހިއްމު މެޗެކެވެ. މިދިޔަ ސީޒަންގައިވެސް ޗެމްޕިއަންސް ލީގުގެ ފައިނަލް ކުޅުނު ލިވަޕޫލުން ޔޫރަޕްގެ ގަދަ ބާރެއްގެ މަގާމަށް އެނބުރި އައުމަށް މަސައްކަތް ކުރާ އިރު، ކޯޗު ޔާގަން ކްލޮޕްގެ ވިސްނުމުގައި ހުރީ އުނދަގޫ މެޗަކަށް ފޯކަސް ކޮށްފައެވެ.
"އަހަރެމެން މިތިބީ ރަނގަޅު މޮމެންޓަމްއެއްގައި. އެކަމަކު ޓީމުގެ އެންމެ މޮޅު ކުޅުން ދައްކާ ވަރަށް ގަދައަށް މަސައްކަތް ޖެހޭ. އެންމެފަހުން ކުޅުނު ފުރަތަމަ ލެގުގެ ނަތީޖާއަކީ ލިބޭނެ ހިތްވަރެއް. އެ ހިތްވަރާއެކު ކުޅޭނީ،" ކްލޮޕް ބުންޏެވެ.
ކްލޮޕް ބުނެފައި ވަނީ ދެ ގޯލްގެ ލީޑެއް އޮތް ނަމަވެސް، ޕޯޓޯއާ ދޭތެރޭ ބަލިކޮށް ނުވިސްނާނެ ކަމަށެވެ. ޕޯޓޯގެ ފެންވަރު އަބަދުވެސް ޔޫރަޕްގައި ފެނިގެންދާ ކަމަށެވެ. މިރޭގެ މެޗަށް ނުކުންނަ އިރު، ތާރީހު އޮތީ ލިވަޕޫލް އަތުގައެވެ. ފަސް ފަހަރަށް ޗެމްޕިއަންސް ލީގު ކާމިޔާބު ކޮށްފައިވާ ލިވަޕޫލުން ، ޔޫރަޕްގެ މުބާރާތެއްގައި ޕޯޓޯ އަތުން ބަލިވެފައެއް ނެތެވެ.
މިހާތަނަށް ލިވަޕޫލާއި ޕޯޓޯ، ޔޫރަޕްގެ މުބާރާތްތަކުގައި ކުޅުނު ހަތް މެޗުން ތިން މެޗު އެއްވަރުވި އިރު، އަނެއް ހަތަރު މެޗުން މޮޅުވީ ލިވަޕޫލެވެ. ޕޯޓޯއަށް ލިވަޕޫލް ކޮޅަށް ގޯލެއްވެސް ޖެހިފައެއް ނެތެވެ.
Yeah....barca also play for blood ❤?