ރ. އިންނަމާދޫ ފުޓްސަލް ދަނޑުގެ މަސައްކަތް ނިންމާލައިފިއެވެ.
މި ދަނޑުގެ މަސައްކަތް ކުރުމަށް މިނިސްޓްރީއިން ހަވާލުކޮށްފައިވަނީ ކޯޕައިންސް އިންވެސްޓްމަންޓްްސްއާއެވެ. އެ ކުންފުންޏާއި މި މަސައްކަތް ހަވާލުކުރެވުނީ މިދިޔަ އަހަރުގެ އޮކްޓޯބަރު މަހުގެ 17 ވަނަ ދުވަހުއެވެ.
މި މަސައްކަތަށް ގާތްގަނޑަކަށް 1.387 މިލިއަން ރުފިޔާ ހަރަދުވެފައިވެއެވެ. މިކަން ހާމަކުރައްވަމުން މިނިސްޓަރ އަހްމަދު މަހްލޫފް ކުރެއްވި ޓްވީޓެއްގައި ވިދާޅުވީ ބައެއް ސަބަބުތަކާއި ގުޅިގެން މަސައްކަތް ލަސްވިނަމަވެސް މިހާރު އެމަސައްކަތް ނިންމާލެވިފައިވާ ކަމަށެވެ.
R. Innamaadhoo's Futsal ground has been completed even though it took more time than we expected due to different reasons. Apologies for the delays. Thank Youth, Island Council and MP @HassantayMDP for their support in completing the project. pic.twitter.com/6afgyxoXf2
— Ahmed Mahloof (@AhmedMahloof) October 7, 2020
އަދި މިނިސްޓަރ ވަނީ މި މަސައްކަތް ކުރުމަށް އެރަށުގެ ޒުވާނުންނާއި ކައުންސިލް އަދި އެރަށް ނިސްބަތްވާ އިނގުރައިދޫ ދާއިރާގެ މެމްބަރު ހަސަން އަހްމަދު ވެދެއްވި އެހީތެރިކަމަށް ޝުކުރު އަދާކުރައްވާފައެވެ.
ރާއްޖޭގެ އެކި ކަންކޮޅުތަކުގައި ފުޓްސަލް ދަނޑުތައް އެޅުމުގެ މަސައްކަތުގެ ދަށުން މިހާރުވެސް ގިނަ ދަނޑުތަކެއްގެ މަސައްކަތް ދަނީ ކުރިޔަށެވެ. އަދި މިއަހަރުގެ މިހާތަނަށް ގިނަ ދަނޑުތަކެއްގެ މަސައްކަތް ނިންމާފައިވާކަން ފާހަގަކޮށްލެވެއެވެ.
