ސްޕެނިޝް ލީގުގައި ރޭ ބާސެލޯނާއަށް ކާމިޔާބުކޮށްދިން ފުރަތަމަ ލަނޑާއެކު ގިނީއަސް ނިސްބަތްވާ އުމުރުން 18 އަހަރުގެ މޮރީބާ އުފަލުން ފޮޅިއްްޖެއެވެ.
އޮސަސޫނާގެ ދަނޑުގައި އެ ޓީމާއި ދެކޮޅަށް ކުޅުނު މި މެޗު ބާސާ ކާމިޔާބުކޮށްފައިވަނީ 2-0 ގެ ނަތީޖާއަކުންނެވެ. މެޗުގައި މޮރީބާ ލަނޑު ޖަހާފައިވަނީ މެޗުގެ 83 ވަނަ މިނެޓުގައި ލިއޮނަލް މެސީ ތަނަވަސްކޮށްދިން ފުރުސަތަކުންނެވެ. މެޗުގައި ބާސަގެ އަނެއް ގޯލު ޖެހީ ޖޯޑީ އަލްބާ އެވެ.
މެޗަށްފަހު އުފަލުން ހުރި މޮރީބާ ބުނީ ކަށްވަޅަށް ދާންދެން މި ގޯލު ހަނދާނުގައި ބަހައްޓާނެ ކަމަށާއި މިއީ އެތައް ގޮތަކުން އޭނާއަށް ހާއްސަ ލަނޑެއް ކަމަށެވެ. ފުޓުބޯޅައިގައި މާބޮޑު ކާމިޔާބީތަކެއް ލިބިފައިނުވާ މި ޖަޒީރާ ރަށަށް ނިސްބަތްވާ ކުޅުންތެރިޔާ ޖެހި މި ލަނޑާއެކު އެ ގައުމުގައި ވެސް ދަނީ އުފާފާޅުކުރަމުންނެވެ. މިއީ ފުޓުބޯޅައިގައި މިހާތަނަށް އެ ގައުމުގެ ކުޅުންތެރިއަކު ހޯދި އެންމެ ބޮޑު ކާމިޔާބެވެ.
"މެސީ ވަރަށް ގިނައިން ބުނާނެ އޭރިއާ ތެރެއަށް ވަންނަން، އޭރުން ރަނގަޅު ބޯޅަ ލިބޭނެކަމަށް ބުނި، ސީނިއާ ކުޅުންތެރިންގެ ފަރާތުން ވަރަށް ބޮޑު އެއްބާރުލުމެއް ލިބޭ އަހަންނަށް މި ގޯލު އަހަރެން ހާއްސަކުރާނީ ލަމާސިއާ އާއި އަހަރެެންގެ ބައްޕައަށް، އެންމެ ގިނަ އެއްޗެހި ދަސްކޮށްދިނީ އެމީހުން" މޮރީބާ ބުންޏެވެ.