ފީފާ ވޯލްޑް ކަޕްގައި މިޞްރާއި އުރުގުއޭ ބައްދަލުކުރި މެޗުގެ މޮޅު ކުޅުންތެރިޔާ (މޭން އޮފް ދަ މެޗް) ގެ މަޤާމު ލިބުނު މިޞްރު ޓީމުގެ ގޯލް ކީޕަރު، އެއެވޯޑު ލިބިގަތުމަށް އިންކާރުކޮށްފިއެވެ.
މިޞްރުގެ ކީޕަރު މުޙައްމަދު އަލް ޝެނާވީ، މި އެވޯޑު ލިބިގަތުމަށް ދެކޮޅު ހެދީ، އެވޯޑުގެ ސްޕޮންސަރަކީ ބަނގުރާ ކުންފުންޏެއްކަމަށްވާތީއެވެ. މި އަހަރުގެ ވޯލްޑް ކަޕުގައި، ކޮންމެ މެޗެއްގެ މޮޅު ކުޅުންތެރިޔާއަށް ދޭ ޓްރޮފީ، ރަތް ކުލައިގައި ހުންނައިރު، އެޓްރޮފީ ސްޕޮންސަރ ކޮށްފައިވަނީ ބަނގުރާ އުފައްދާ ކުންފުނި، ބުޑްވެއިސާ އެވެ. އަދި، މި އެވޯޑުގައި އެކުންފުނީގެ ލޯގޯވެސް ވަރަށް ބޮޑުކޮށް ފެންނަން އިނދެއެވެ.
ޝަނާވީ، އެވޯޑަށް އިންކާރު ކުރާ މަންޒަރު ފެންނަ ފޮޓޯއެއް މީސް މީޑިޔާގައިވެސް އާއްމުވެފައިވެއެވެ. އަދި، އޭނާ އެގޮތަށް ކަންތައް ކުރުމުން، ދުނިޔޭގެ އެކި ކަންކޮޅުތަކުގެ ގިނަ އަދަދެއްގެ މުސްލިމުންދަނީ އޭނާއަށް ތަޢުރީފު ކުރަމުންނެވެ.
.@FIFAcom have a deal with @Budweiser for the #ManoftheMatch award. Being alcohol, there are 3 North African nations + Saudi & Iran in the @FIFAWorldCup. Did they not think these guys won’t accept the award? #EGY ’s @Melshenawy did not take his today. pic.twitter.com/750OOyFaw0
— Marwan Ahmed (@MarwanAhmed_KF) June 16, 2018
މިއީ މި މުބާރާތުގައި މުސްލިމު ކުޅުންތެރިޔަކަށް މި އެވޯޑު ލިބުނު ފުރަތަމަ ފަހަރުކަމަށްވާއިރު، މުބާރާތުގެ އެކި ޓީމުތަކުގައި މުސްލިމު ގިނަ ކުޅުންތެރިން އުޅެއެވެ.
މި އަހަރުގެ ވޯލްޑް ކަޕުގައި މުސްލިމު ހަތް ޤައުމު ބައިވެރިވެއެވެ. އެއީ ސައުދީ އަރަބިޔާ، މިޞްރު، މޮރޮކޯ، އީރާން، ޓިއުނީޝިޔާ، ސެނެގާލް އަދި ނައިޖީރިޔާ އެވެ. މި ޤައުމުތަކުގެ އިތުރުން، އެހެން ޤައުމުތަކުގެ ޓީމުތަކުގައިވެސް މުސްލިމު ކުޅުންތެރިން އުޅެއެވެ.
ރަނގަޅު
އޭނާގެ ހިތްވަރު ގަދަ ކަމަށްޓަކައި ޝެނާވީއަށް އިތުރު އެވޯޑެއް ....