ޔޫރޯ ފުޓުބޯޅަ މުބާރާތުގައި ޕޯޗުގަލް ކުޅޭ ފުރަތަމަ މެޗަށް ދެ ދުވަސް ވެފައިވަނިކޮށް އެ ޕޯޗުގަލް ޓީމުގެ ޑިފެންޑަރު ޔާއޮ ކަންސެލޯ ކޮވިޑަށް ފައްސިވެއްޖެ އެވެ.
މުބާރާތުގައި ޕޯޗުގަލް ކުލޭ ފުރަތަމަ މެޗުގައި މިމަހުގެ 15 ވާ އަންގާރަ ދުވަހު ބައްދަލުކުރާނީ ހަންގޭރީ އާއެވެ. ކަންސެލޯ ފައްސިވިކަން އެނގުނީ ޔޫރޯގެ ޕްރޮޓޮކޯލްގައިވާ ގޮތުން ޓީމުގެ ކޮންމެ ކުޅުންތެރިއަކު ކޮވިޑަށް ޓެސްޓުކުރި ފަހަރުގައެވެ. އޭނާގެ ނަތީޖާ ލިބުނީ އާދީއްތަ ދުވަހުއެވެ. ކަަންސެލޯ ފައްސިވި ނަމަވެސް އެހެން ހުރިހާ ކުޅުންތެރިން ކޮވިޑަށް ނައްސިއެވެ.
އުމުރުން 27 އަހަރުގެ ކަންސެލޯ ކޮވިޑަށް ފައްސިވުމާއި ގުޅިގެން އޭނާ ވަނީ އައިސޮލޭޝަނަށް ގެންދެވިފައެވެ. އެއާއެކު ޔޫރޯގައި ކަންސެލޯގެ ބަދަލުގައި ޓީމުގެ ފަހަތް ބަލަހައްޓާ ކުޅުންތެރިއަކަށް މެންޗެސްޓަރ ޔުނައިޓެޑުގެ ކުޅުންތެރިޔާ ޑިއޮގޯ ޑަލޮޓް ބޭނުންކުރަން ޕޯޗުގަލް އިން ނިންމާފައިވާ ކަމަށް އެ ގައުމުގެ ފުޓުބޯޅައިގެ މައި އިދާރާއިން ވަނީ ހާމަކޮށްފައެވެ.
ℹ️ Diogo Dalot, internacional sub-21, vai juntar-se à comitiva da Seleção Nacional que se encontra em Budapeste a preparar a estreia no #Euro2020. https://t.co/WSB2j8h1bb
— Portugal (@selecaoportugal) June 13, 2021
ސުޕޭން ވޭރިއެންޓު ލައްވާލާފައި ތިއޮތީ