ޔޫރޯ 2020 ގެ ކުއާޓާފައިނަލުގެ މެޗުތައް ފެށިއިރު މި މުބާރާތަކީ ބައިކޮޅަށް ވަންނަ ލަނޑުތައް ގިިނަ އަދަދަކަށް ފެންނަ ރެކޯޑު މުބާރާތެކެވެ. އެންމެ ވަރުގަދަ ޓީމުތައް ކޮޅަށްވެސް ބައިކޮޅަށް ލަނޑުތައް ވަންނަނީ މަދެއްކޮށް ނޫނެވެ.
އެންމެފަހުން ޔޫރޯގެ ކުއާޓާފައިނަލުގައި ސްޕެއިން އާއި ސްވިޒަލޭންޑް ބައްދަލުކުރި މެޗުގައި ސްޕެއިންގެ ޖޯޑީ އަލްބާ ފޮނުވާލި ބޯޅަ ސްވިޒަލޭންޑުގެ ޑެނިސް ޒަކަރިއްޔާ ފައިގައި ޖެހިފައި ވަދެފައިވާ ލަނޑަކީ މި މުބާރާތުގައި ބައިކޮޅަށް ޖެހި 10 ވަނަ ގޯލެވެ.
މި ލަނޑުތަކާއެކު މުބާާރާތުގައި ކުރިޔަށްހުރި މެޗުތަކުގައި ވެސް ބައިކޮޅަށް އިތުރު ލަނޑުތަކެއް ޖަހާނެކަމަށް ބެލެވެއެވެ.
ކުއާޓާފައިނަލުގައި މިރޭ ރާއްޖެގަޑިން 21:00 ގައި ކުޅޭ ފުރަތަމަ މެޗުގައި ބައްދަލުކުރާނީ އިންގްލޭންޑާއި ޔޫކްރެއިން އެވެ. އަދި 00:00 ގައި ޗެކް ރިޕަބްލިކް ބައްދަލުކުރާނީ ޑެންމާކް އާއެވެ.
