އުޒްބެކިސްތާނުގައި އަންނަ އަހަރު ބާއްވާ 23 އަހަރުން ދަށުގެ އޭއެފްސީ އޭޝިއަން ކަޕުގެ ކޮލިފައިންގައި ވާދަކުރުމަށް މިވަގުތު ބަހްރެއިންގައި ތިބި ޓީމާއި ހަވާލުވާން ހެޑްކޯޗު އަލީ ސުޒެއިން ފުރައިފިއެވެ.
މި މުބާރާތުގެ ކޮލިފައިން މެޗުތައް ބަހްރޭނުގައި ކުރިޔަށްދާނީ މި މަހުގެ 27 ވަނަ ދުވަހުން ފެށިގެން 31 ވަނަ ދުވަހުގެ ނިޔަލަށެވެ. މި މުބާރާތުގެ ކޮލިފައިންގައި ރާއްޖެ ލައްވާލީ ގްރޫޕް ސީގައެވެ.
ރާއްޖެއާއެކު ގްރޫޕް ސީގައި ދެން ހިމެނެނީ ބަހްރެއިން އާއި އިރާގު އަދި އަފްޣާނިސްތާނެވެ. ރާއްޖޭގެ 23 އަހަރުންދަށުގެ ޓީމު ވަނީ މި މުބާރާތުގެ ކުރިން ގިނަ ފަރިތަކުރުންތަކެއް ބާއްވާފައެވެ.
ޒުވާން ގައުމީ ޓީމުގެ އެންމެ އިސް ކޯޗެއްގެ ގޮތުގައި ހަމަޖެއްސީ އަލީ ސުޒެއިނެވެ. ނަމަވެސް އެ ދުވަސްވަރަކީ ސާފް ޗެމްޕިއަންޝިޕަށް ރާއްޖެ ތައްޔާރުވި ދުވަސްކޮޅުު ކަމުން އެ މަގާމު ހަވާލުކުރީ ދެ އެސިސްޓަންޓުން ކަމަށްވާ ސޮބާހު މުޙައްމަދު އިބްރާހީމް (ސޮބާ) އާއި މުޙައްމަދު ޝާހިދު (ޝާޑު) އެވެ.
މި ކޮލިފައިންގެ މެޗުތަކަށް ފުރި ރާއްޖޭގެ 23 އަހަރުންދަށުގެ ޓީމުގައި ސާފް ޗެމްޕިއަންޝިޕަށް ނެގި ރާއްޖޭގެ ސީނިއާ ގައުމީ ޓީމުގެ ދެ ކުޅުންތެރިން ހިމެނެއެވެ. އެއީ ޑިފެންޑަރު ހައިޝަމް ހަސަން އާއި ގޯލްކީޕަރު އަލީ ނާޖިހު އެވެ. ގައުމީ 23 އަހަރުންދަށުގެ ޓީމު ބަހްރެއިނަށް ފުރިއިރު ހައިޝަމް ނުދިޔަ ނަމަވެސް މައުލޫމާތުލިބޭ ގޮތުގައި ސުޒެއިން އާއެކު ހައިޝަމްވެސް ވަނީ ޓީމާއި ގުޅުމަށް މި ދަތުރުގައި ފުރާފައެވެ. އަދި އެސިސްޓަންޓް ކޯޗު އިމްރާން މުހައްމަދު ވެސް ވަނީ ފުރާފައެވެ.
މި މުބާރާތުގެ ކޮލިފައިންއަށް ޓީމު އެކުލަވާލުމަށް އޯގަސްޓްމަހު ޓްރަޔަލްތައް ބާއްވާފައިވެއެވެ. އޭގެފަހުން ޅ. އަތޮޅަށް ކޭމްޕުކޮށް އެކުވެރިކަމުގެ ހަ މެޗެއް ކުޅެފައިވެއެވެ.
ކޮލިފައިންގެ ފުރަތަމަ މެޗުގައި އޮކްޓޯބަރު މަހުގެ 27 ވަނަ ދުވަހު ރާއްޖެ ނުކުންނާނީ އިރާގާ ދެކޮޅަށެވެ. ދެވަނަ މެޗުގައި އެ މަހުގެ 29 ވަނަ ދުވަހު ބަހްރޭނާ ދެކޮޅަށް ރާއްޖެ ނުކުންނައިރު، ފަހު މެޗުގައި 31 ވަނަ ދުވަހު ނުކުންނާނީ އަފްޣާނިސްތާނާ ދެކޮޅަށެވެ.
ލަސްތަކެއް ނުވެ މޯހަން ގައުމީ ސީނިޔަރ ޓީމުގެ އެސިސްޓެންޓް ކޯޗަކަށް އައްޔަން ކުރާނެހެން ހީވެ..
23 އަހަރުން ދަށުގެ ޓީމުވެސް ޙަލާކުވީ ތީ! މީރާއަކީ އެފްއޭއެމްއަށް ބަލަދުއަރާފައި ހުރި މީހެއްބާ!
މިފަހަރުވެސް ޓީމުން ޖަަގަ ވިއްކާލާނެ. ތީ މިހާރު އިތުބާރު ކުރެވޭ ގޮލައެއް ނޫން. ދުރުކުރޭ..
ދެންވާނީ ކިހިނެއްބާ؟
ސްޒޭން ވަރަށް ކޮލިޓީ
ތި ދިޔައި ތި ޓީމްގެ ދުވަސްވެސް
ސުޒޭނަކީކޮލިޓީކޯޗެއް ނަމަވެސް ކޯޗަކީޒުވާނުންނަށް އިސްލާމީ ރިވެތިނަމޫނާދައްކާދޭކޯޗަކަށްވާންޖެހޭނެކަމުގައިދެކެމު! ޖިންސާއި ޖީންސްވަކިކުރަންދަންނަ ކޯޗަކަށްވާންޖެހޭނެކަމުގައި ދެކެމު! އިސްލާމީރިވެތިއަޚްލާގުދަންނަ ކުޅުންތެރިންޤައުމީޓީމުގަ ތިބުމަކީފަޚުރެއްކަމުގައިދެކެމު! ޤައުމީޓީމުތަކުގެހުރިހާކުދިންނަށް އަދަށްވުރެފަހިމާދަމައެއްމިންވަރުކުރަށްވާށި! އާމީން!
ސުބުހާނަ....... ތިޔަ ޓީމުގެ ދުވަސް ތިޔަ ދިޔައީ ، ތިޔަ ޓީމައް އަރުވަފާނެ ، ދަގަނޑޭ އާއި ސަންޕަރާއި ދޮންބިލޭ އާއި މޫސަވެސް އަރުވަފާނެ. .
23 އަހަރުން ދަށުގެ ޓީމުގެ ދުވަސް ތި ދިޔައީ.. ސުޒޭނުމެން ދެން ބަލައެއް ނުގަންނާނަން.. ޤައުމީޓީމަށް ލިބުނު ނާކާމިޔާބީގެ 100 ޕަރސެންޓް ޒިންމާ ނަގައިފީމޭ ވުނި... ޒިންމާ ނެގުމަކީ ކޯޗުކަންކުރުމުން ދުރުވެ، އެހެން ކަމަކާ އުޅުން...