އޭޝިއަން ކަޕް ކޮލިފައިންގައި ރާއްޖޭގެ 20 އަހަރުން ދަށުގެ ފިރިހެން ފުޓުބޯޅަ ޓީމު އަދި 17 އަހަރުން ދަށުގެ ފިރިހެން ފުޓުބޯޅަ ޓީމު ވަރުގަދަ ގްރޫޕަކަށް ލައްވާލައިފިއެވެ.
އުޒްބަކިސްތާނުގައި 2023 ވަނަ އަހަރު ބާއްވާ 20 އަހަރުން ދަށުގެ އޭޝިއަން ކަޕަށް ކުޅޭ ކޮލިފައިން ބުރުގައި ރާއްޖޭގެ ޒުވާން ޓީމު ލައްވާލާފައިވަނީ އޭ އަށެވެ.
🇺🇿 Uzbekistan beckons as the #AFCU20 Qualifiers take shape!
A chance at glory for our emerging young stars awaits 🤩
📆 10-18 September, 2022
4️⃣4️⃣ teams 1️⃣6️⃣ spots, 1️⃣ trophy, let's go! pic.twitter.com/T7BLaZ3HJr
— #AsianCup2023 (@afcasiancup) May 24, 2022
ޖުމްލަ ހަތް ގްރޫޕް ހިމެނޭ ކޮލިފައިންގައި ރާއްޖެއާއެކު ގްރޫޕް އޭގައި ހިމެނެނީ ޗައިނާ، މިޔަންމާ، އުޒްބަކިސްތާން އަދި މި ގްރޫޕް ހޮސްޓްކުރާ ސައުދި އަރަބިއްޔާއެވެ.
ޖުމްލަ 44 ޓީމު ވާދަކުރާ ކޮލިފައިންގެ މެޗުތައް އަންނަ ސެޕްޓެމްބަރު މަހުގެ 10 އިން 18 އަށް ކުރިޔަށްދާއިރު، މުބާރާތުން ޖާގަ ލިބޭނީ 16 ޓީމަށެވެ.
ބަހުރެއިންގައި 2023 ވަނަ އަހަރު ކުރިޔަށްދާ 17 އަހަރުން ދަށުގެ އޭޝިއަން ކަޕްގެ ކޮލިފައިން ބުރުގައި ރާއްޖެ ހިމެނިފައިވަނީ ގްރޫޕް ޑީގައެވެ.
The road to 🇧🇭 Bahrain begins! #AFCU17 Qualifiers is set and we have the groups in place 😃
📆 October 1-9, 2022
4️⃣4️⃣ teams with 1️⃣6️⃣ spots up for grabs, who will fill them? pic.twitter.com/llLazBywL6
— #AsianCup2023 (@afcasiancup) May 24, 2022
ޖުމްލަ ހަތް ގްރޫޕް ހިމެނޭ ކޮލިފައިންގައި ރާއްޖެއާއެކު މި ގްރޫޕްގައި ހިމެނިފައިވަނީ އިންޑިއާ، މިޔަންމާ، ކުވައިތު އަދި ގްރޫޕް ހޮސްޓްކުރާ ސައުދި އަރަބިއްޔާއެވެ.
ޖުމްލަ 44 ޓީމު ވާދަކުރާ ކޮލިފައިންގެ މެޗުތައް އަންނަ އޮކްޓޫބަރު މަހުގެ އެއްވަނަ ދުވަހުން ފެށިގެން ނުވަ ވަނަ ދުވަހުގެ ނިޔަލަށް ކުރިޔަށްދާއިރު، މުބާރާތުން ޖާގަ ލިބޭނީ 16 ޓީމަށެވެ.
ޖުމްލަ ހަތް ގްރޫޕް ފެންނަނީ ކިހިނެއްތަ...؟ މަށަށް ފެންނަނީ ދިހަ ގްރޫޕް.