24 ގަޑިއިރު ވިޔަފާރިކުރުމުގެ ހުއްދަ ދޫކުރުމާގުޅޭ އުސޫލަށް އާއްމުންގެ ހިޔާލު ހޯދަން އިކޮނޮމިކް މިނިސްޓްރީން ހުޅުވާލައިފިއެވެ.
އިކޮނޮމިކް މިނިސްޓްރީން މިއަދު ކޮށްފައިވާ އިއުލާނެއްގައި ވިދާޅުވީ އިމްޕޯޓް މުދަލުގެ ވިޔަފާރިކުރުމުގެ ގަވާއިދާއި ސައިހޮޓާ އަދި ރެސްޓޯރަންޓް ހިންގުމުގެ ގަވާއިދާއި ކެންޓީނު ހިންގުމުގެ ގަވާއިދުގެ ދަށުން، 24 ގަޑިއިރު ވިޔަފާރި ކުރުމަށް ހުއްދަ ދިނުމުގައި ޢަމަލުކުރާނެ ގޮތެއް ކަނޑައެޅުމަށްޓަކައި އެކުލަވާލާފައިވާ އުސޫލު މިހާރު މިނިސްޓްރީގެ ވެބްސައިޓުން ޑައުންލޯޑް ކުރެވޭނެ ކަމަށެވެ.
މިއުޞޫލަށް އެއްވެސް ޚިޔާލެއް ހުށަހަޅުއްވަން ބޭނުންފުޅުވާ ފަރާތެއްވާނަމަ، އިކޮނޮމިކް މިނިސްޓްރީގެ އީމެއިލް [email protected] އަށް، 29 ނޮވެމްބަރ 2018 ގެ މެންދުރު 2:00 ގެ ކުރިން އީމެއިލް ކުރުމަށް އެ އިއުލާނުގައި ވިދާޅުވެފައިވެއެވެ.
ރައީސް އިބްރާހިމް މުހައްމަދު ސޯލިހުގެ ސަރުކާރުގެ ފުރަތަމަ 100 ދުވަހުގެ ތެރޭގައި ކުރަން ރާވާފައިވާ ކަންކަން އިއުލާން ކުރައްވާފައިވާއިރު އޭގެތެރޭގައި 24 ގަޑިއިރަށް ވިޔަފާރި ހުޅުވޭ އުސޫލެއް ކަނޑައެޅުން ހިމެނެއެވެ.
24 ގަޑިއިރަށް އެންމެ ފުރަތަމަ ވިޔަފާރިތައް ހުޅުވާފައި ވަނީ ކުރީގެ ރައީސް މުހައްމަދު ނަޝީދުގެ ސަރުކާރުންނެވެ.
އަޅެ ކާކުތަ މިހާރު އީމެއިލުން ޚިޔާލު ހޯދަނީ. ތިކަންވެސް ކުރީމޭ ބުނަން ކުރާކަމެއްތީ!
ޚަބަރުދާރު! ހުކުރުދުވަހު ތިކަންކުރަންނޫޅޭތި.
ތީ ކުރީގެ ސަރުކާރުން ތައްޔާރު ކޮށްފައިވާ ޑްރާފްޓެއް.
ގަބޫލުކަމެއްނޫން ވައްކަމާއި ފޭރުން އިތުރުވާނެ
ޙައް 10 ޖެހިއިރު ފިހާރަތައް ބަންދުކުރީމަ ހައްތާ ވައްކަންވީ ގިނަ ފޭރުންވީ ގިނަ..24 ގަޑިއިރު ހުޅުވާފަހުރުން ހަމަސަޅީ..އޭރަށް އެފަދަ އަމަލް ތަކަށް އެޅޭ ހުރަހެއް މީހުން އުޅުން
11 ޖަހަންދެން އޯކޭ
ވަރަށް ފޭނޭކަމެއް 12 ޖަހަންދެން މަޖީދީމަގު ފިހާރަތައް ހުޅުވާފައި ބެހެއްޓުން
ފުލުހުން ނާއި ސިފައިން މީކީތްކުރަން ތިބޭބައެއްތަ ޓެކުސް ފައިސާ އިންކާންދިފަ.
ވަޒީފާގަ އުޅޭ މީހުންނައް ނޮފަރުއްޕާން. ވަގުންނައް ފުރުސަތުބޮޑު އާންމުންނައް ފަސޭހަ. މެޖޯރިޓީ ބުނަނީ ތީތިކަޑައޭ..
އަޅުގަނޑުގެ ޚިޔާލަކީއާންމު ވިޔަފާރި ކުރާ ތަންތަން ހެނދުނު 9.00 އިން ހަވީރު 17.00 އަށް، ހޮޓާ ރެސްޓޯރަންޓް ފަދަ ތަންތަން ރޭގަނޑު 01.00 އަށް ، މިގޮތައް ހެދުމުން މަސައްކަތް ތެރިންނަށް އާއިލާ އެކު ވަގުތު ހޭދަކުރުމުގެ ފުރުސަތު ލިބިގެން ދާނެ.
ބޭނުމެއް ނޫން. ތިއީވެސް ކަމެއްކުރީމޭ ބުނަން ކުރަންއުޅޭ ކަމެއް . މީ ބެންކޮކްދޯ. ހާދަ ހަޑިއޭދޯ މިތެޅޭ ގޮތް.