ދިރާގުގެ ބައެއް ޚިދުމަތްތަކުގެ އަޕްގްރޭޑް ކުރުމަށްޓަކައި އަންނަ ބުރާސްފަތި ދުވަހު އެކުންފުނީގެ ބައެއް ޚިދުމަތްތައް މެދުކަނޑާލާނެ ކަމަށް ދިރާގުން ބުނެފިއެވެ.
ދިރާގުން މިއަދު ނެރުނު ބަޔާނެއްގައި ބުނެފައި ވަނީ، ދިރާގުން ފޯރުކޮށްދެންމުން އަންނަ ޚިދުމަތްތަކުގެ ފެންވަރު ރަނގަޅުކޮށް އިތުރަށް ފުރިހަމަ ކުރުމުގެ ގޮތުން އެ ކުންފުނީގެ ބިޒްނަސް ސަޕޯޓް ސިސްޓަމް އަޕްގްރޭޑް ކުރުމުގެ މަސައްކަތް އަންނަ ބުރާސްފަތި ދުވަހުން ފެށިގެން 3 ފެބްރުއަރީ 2019 ގެ ނިޔަލަށް ކުރިއަށްދާނެ ކަމަށެވެ.
އެގޮތުން، އެ މުއްދަތުގެ ތެރޭގައި ކަސްޓަމަރުންނަށް އެއްވެސް މެދުކެނޑުމެއްނެތި ޑޭޓާ، އެސްއެމްއެސް އަދި ވޮއިސް ކޯލް ކުރެވޭނެ ކަމަށާއި، އެހެންނަމަވެސް، ބައެއް ޚިދުމަތްތަށް ކަސްޓަމަރުންނަށް ނުލިބޭނެކަމަށް ބުނެފައި ވެއެވެ.
އެ ހިދުމަތްތަކުގެ ތެރޭގައި، ބިލްތަކަށް ފައިސާ ދެއްކުމުގެ ޚިދުމަތް އެ މުއްދަތުގެ ތެރޭގައި މެދުކެނޑިގެން ދާނެއެވެ. ނަމަވެސް މި މުއްދަތުކުގެ ތެރޭގައި އެއްވެސް ޚިދުމަތެއް ކަނޑާނުލާނެއެވެ. އެހެންކަމުން ފޯނުކުރުމާއި، އެސްއެމްއެސް އަދި ޑޭޓާ ގެ ޚިދުމަތް މެދުކެނޑުމެއްނެތި ބޭނުންކުރެވޭނެއެވެ.
ދިރާގުން ބުނީ، ކަސްޓަމަރުންނަށް މި މުއްދަތުގެ ތެރޭގައި ކުރިމަތިވެދާނެ ދަތިކަމަށް ނިހާޔަތައް މާފަށް އެދޭ ކަމަށެވެ.
ދިރާގުން އީ-ސިމް ސަރވިސް ފޯރުކޮށްދޭނީ ކޮންދުވަހަކުބާ؟