ކުވެއިތު ފަންޑުގެ އެހީގައި ރާއްޖޭގައި ހިންގާ މަޝްރޫއުތަކާ ބެހޭ ގޮތުން އެ ފަންޑުގެ އިސް ބޭފުޅުންނާ އެކު ދިވެހި ސަރުކާރުން މަޝްވަރާކޮށްފިއެވެ.
ކުވެއިތުގައި ކުރިއަށް ގެންދިޔަ މި މަޝްވަރާތަކުގައި ދިވެހި ސަރުކާރުގެ ފަރާތުން ބައިވެރިވެ ވަޑައިގެންނެވީ ފޮރިން މިނިސްޓަރު ޑރ.މުހައްމަދު އާސިމްއެވެ.
މި ބައްދަލުވުމާ ގުޅޭގޮތުން ފޮރިން މިނިސްޓްރީން ވިދާޅުވީ ކުވެއިތު ފަންޑުގެ އެހީގައި ރާއްޖޭގައި ހިންގާ މަޝްރޫއުތަކާ ބެހޭ ގޮތުން މިއަދު މަޝްވަރާތަކެއް ކުރެވިފައިވާ ކަމަށާއި އަދި ގާތުން މަސައްކަތް ކުރުމާ ގުޅޭގޮތުން ވެސް މި ބައްދަލުވުމުގައި މަޝްވަރާ ކުރެވުނު ކަމަށެވެ. ނަމަވެސް އެކަމާ ގުޅޭ އިތުރު ތަފްސީލް މިނިސްޓްރީން ހާމަކޮށްފައެއް ނުވެއެވެ.
https://twitter.com/MDVForeign/status/979300738248581120
ކުވެއިތު ފަންޑުން ވަނީ އިބްރާހިމް ނާސިރު އިންޓަނޭޝަން އެއާޕޯޓް (އައިއެންއައިއޭ)ގެ އާ ޓާމިނަލް އަޅަން 50 މިލިއަން ޑޮލަރުގެ ލޯނެއް ދިނުމަށް ނިންމާފައެވެ. މީގެއިތުރުން ރާއްޖޭގެ ބައެއް ރަށްތަކުގެ ނަރުދަމާ ނިޒާމު ގާއިމު ކުރުމަށް ވެސް ކުވެއިތު ފަންޑުން ވަނީ ބޮޑެތި އެހީތަކެއް ވެފައެވެ.
ރައީސް އަބްދުﷲ ޔާމީންގެ ހާއްސަ މަންދޫބެއްގެ ގޮތުން ފޮރިން މިނިސްޓަރު އާސިމް ކުވެއިތަށް މިހާރު ކުރައްވަމުންދާ ދަތުރުފުޅުގައި މިއަދު ވަނީ އެގައުމުގެ ހާރިޖީ ވަޒީރާއި ވެސް މިއަދު ބައްދަލުކުރައްވާފައެވެ. މި ބައްދަލުކުރެއްވުމުގައި ދެ ގައުމުގެ ގުޅުން އިތުރަށް ބަދަހިކުރުމާ ގުޅޭގޮތުން ވަނީ މަޝްވަރާ ކުރައްވާފައެވެ.
ތޮޔަ ވެލާއެއަރޕޯޓް އަޅަން ލޯނު ނުނަގާ ފަންޑެއް އަދި ޤައުމެއް ނެތްދޯ؟ ހުރިހާ އެއްޗެއް މާލޭ އޭރިއާއަށް ޑަމްޕު ނުކުރޭ