މާދަމާއަކީ އަޝްހާ އީދުގެ ފުރަތަމަ ދުވަހެވެ. އީދާއި ގުޅުވައިގެން ރާއްޖޭގެ އެކި ކަންކޮޅުތަކުގައި ހަރަކާތްތަކެއް ހިންގަމުން އަންނައިރު، ރާއްޖޭގެ އެތެރޭގެ އުދުހުންތައް ބޭނުންކުރަމުން އަންނަ ޕްރައިވެޓް އެއާލައިނެއް ކަމަށްވާ ފްލައިމީ އިން ދަތުރުވެރިންނަށް ސަޕްރައިޒެއްް ދޭން ނިންމާފައިވާކަން އިއްޔެ މި ވަނީ އަންގާފައެވެ.
އީދާއި ގުުޅުވައިގެން ފްލައިމީގެ ޓީމުން ދަތުުރުވެރިންނަށް ދޭން މި އުޅެނީ ކޮން ކަހަލަ ސަޕްރައިޒެއް ހެއްޔެވެ؟.މިއީ ގިނަބައެއްގެ ހިތުގައި މިހާރު އުފެދޭނެ އެއް ސުވާލެއެވެ.
Eid Mubarak! We have a special surprise waiting on-board for all passengers traveling with us this Eid.
.
.#flymemv #EidAlAdha pic.twitter.com/QnNjRj30lE— Villa Air (@villaairmv) August 10, 2019
ފްލައިމީގެ އޮފިޝަލަކު ވިދާޅުވީ، މާދަމާ އެ އެއާލައިން ދަތުރުކުރާ ފަރާތްތަކާއެކު ޢީދު ފާހަގަކުރުމަށް އެއާލައިން ތައްޔާރުވެފައިވާ ކަމަށެވެ. އެގޮތުން އެ އެއާލައިނުން ދަތުރުކުރާ ފަރާތްތަކަށް ސަޕްރައިޒްތަކެއް ދޭން ނިންމާފައިވާކަމަށާއި، ފްލައިމީން މާދަމާ ކުރާ ހުރިހާ ދަތުރުތަކުގައި ސަޕްރައިޒްތައް ލިބިގެންދާނެ ކަަމަށް އޮފިޝަލް ވިދާޅުވިއެެވެ.
ފްލައިމީއާއެކު މާދަމާ ދަތުރެއްކޮށްލަން ހިނގާށެވެ. އެ ޓީމުން ދޭން މި އުޅޭ ސަޕްރައިޒްއަކީ ކޮބައިތޯ ބަލަން އެބަ ޖެހެއެވެ. ފްލައިމީން މި ސަޕްރައިޒް އާއި ގުޅޭ މާބޮޑު މައުލޫމާތެއް ދީފައެއް ނުވެއެވެ.
މައުލޫމާތު ލިބޭގޮތުގައި، މާދަމާ ފްލައިމީގެ ކްރޫން ތިބޭނީ ވަރަށް ދިވެހި ވަންތައްކޮށެވެ.
މީގެ ހަތް އަހަރު ކުރިން ހިދުމަތަށް ނުކުތް ފްލައިމީން މިހާރު ދަތުރުކުރަމުން ދަނީ ދަރަވަންދޫ އަށާއި، މާމިގިއްޔަށެވެ.
ކޯއްޗެއްބާ ލިބުނީ؟