ބޭންކް އޮފް މޯލްޑިވްސް (ބީއެމްއެލް) ގެ އެކައުންޓުތަކަށް ފައިސާ ޖަމާކުރެވޭ މިންވަރު އިތުރުކޮށްފިއެވެ.
ކޮވިޑް-19 އާ ގުޅިގެން މާލެ ސަރަހައްދު ފުރަބަންދަކަށް ގޮސްފައިވާ އިރު، މި މުއްދަތުގައި ބީއެމްއެލްގެ ހުރިހާ ބްރާންޗުތަކެއް ވަނީ ބަންދު ކޮށްފައެވެ. އެހެންވެ، އެ ބޭންކުން ހިދުމަތް ދެނީ ހަމައެކަނި ވެބްސައިޓުންނާއި އޭޓީއެމްތައް މެދުވެރިކޮށެވެ.
Our branches and service centres remain closed during lockdown, but we are continuing to identify measures to navigate the situation better. A temporary increase in the daily ATM Cash Deposit limit has been introduced so that personal and business customers can reduce ATM visits. pic.twitter.com/5v58ZTxgbC
— Bank of Maldives (@bankofmaldives) April 22, 2020
ބީއެމްއެލް އިން ބުނީ އޭޓީއެމް މެދުވެރިކޮށް ފައިސާ ޖަމާކުރެވޭ އަދަދު އިތުރުކޮށްފައިވާ އިރު، މި ބަދަލާއެކު ވިޔަފާރި އެކައުންޓަކަށް ދުވާލަކު 500،000ރ. އަދި އާންމު ފަރުދުންގެ އެކައުންޓަކަށް ދުވާލަކު 100،000ރ. ޖަމާކުރެވޭނެ ކަމަށެވެ.
ވިޔަފާރި އެކައުންޓަކަށް އޭޓީއެމް މެދުވެރިކޮށް ކުރިން ދުވާލަކު 200،000ރ. އާ ހަމައަށް ޖަމާކުރެވެއެވެ. ކުރިން އާއްމު ފަރުދުންގެ އެކައުންޓަކަށް ދުވާލަކު ޖަމާކުރެވޭނީ 50،000ރ. އެވެެ.
ބީއެމްއެލުން ބުނީ އޭޓީއެމަށް ފައިސާ ޖަމާ ކުރެވޭ އަދަދު އިތުރު ކުރީ ލޮކްޑައުންއާ ގުޅިގެން އާއްމުންނަށާއި ވިޔަފާރިތަކަށް ފައިސާ ޖަމާކުރުމުގައި ދިމާވާ ދަތިތަކަށް ހައްލެއް ހޯދައި ދިނުމުގެ ގޮތުން ކަމަށެވެ.
ބީއެމްއެލް އިން ވަނީ ކޮވިޑް-19 ގެ ސަބަބުން ލުއިތަކެއް ހޯދައި ދިނުމުގެ ގޮތުން އޭޓީއެމުން ފައިސާ ނެގޭ އަދަދު އިތުރުކޮށްފައެވެ.
ފައިސާ ޖަމާކިރެވޭ މިންވަރު އިތުރު ކުރުމުން ސަރުކާރަށް ފައިދާ ވާނީ. ޜައްޔިތުންނަށް ފައިދާ އެއް ކޮށްދޭނަމަ ނިކަން ފައިސާ ނެގޭ މިންވަރު ވެސް އިތުރު ކޮށްދީބަލަ